ຂອບໃຈຍີ່ປຸ່ນ ຊ່ວຍເຫຼືອລ້າ 1,9 ຕື້ກີບ ສຶກສາຄວາມສ່ຽງລະເບີດບໍ່ທັນແຕກ ທີ່ຕົກຄ້າງໃນລາວ

ຂອບໃຈຍີ່ປຸ່ນ ຊ່ວຍເຫຼືອລ້າ 1,9 ຕື້ກີບ ສຶກສາຄວາມສ່ຽງລະເບີດບໍ່ທັນແຕກ ທີ່ຕົກຄ້າງໃນລາວ

11th March 2020 0 By Admin

ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອລ້າ 213.927 ໂດລາສະຫະລັດ ຫຼື ປະມານ 1,9 ຕື້ກີບເພື່ອຈັດຕັ້ງປະຕິບັດໂຄງການສຶກສາຄວາມສ່ຽງຂອງລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ໃນປາງສົງຄາມ.

ພາບປະກອບຂ່າວ

ພິທີເຊັນສັນຍາໂຄງການຊ່ວຍເຫຼືອລ້າ ໄດ້ຈັດຂຶ້ນວັນທີ 5 ມີນາ ຜ່ານມາ ທີ່ສະຖານທູດຍີ່ປຸ່ນປະຈຳລາວ ຮ່ວມລົງນາມລະຫວ່າງທ່ານ ທາເກວາກະ ເຄໂຊ ເອກອັກຄະຣາຊະທູດຢີ່ປຸ່ນປະຈຳລາວ ແລະ ທ່ານ ອິຊູມິ ໄຕ ຜູ້ຈັດການອົງການຟື້ນຟູວິທະຍາການໂລກແຫ່ງປະເທດຍີ່ປຸ່ນ (Terra Renaissance) ເຊິ່ງເປັນອົງການບໍ່ຫວັງຜົນກໍາໄລຈາກປະເທດຍີ່ປຸ່ນ ທີ່ໄດ້ລິເລີ່ມ ແລະ ຈັດຕັ້ງປະຕິບັດໂຄງການດັ່ງກ່າວ ການຕໍ່ສັນຍາການຊ່ວຍເຫຼືອລ້າຄັ້ງນີ້ ຈະໃຫ້ການສະໜັບສະໜູນກິດຈະກຳໃນປີທຳອິດຂອງໂຄງການທີ່ມີອາຍຸ 3 ປີ.

ພາບປະກອບຂ່າວ

ໂຄງການມີເປົ້າໝາຍທີ່ຈະເຮັດໃຫ້ເຍົາວະຊົນສາມາດຫຼີກໜີການປະສົບອຸບັດເຫດຈາກລະເບີດທີ່ຍັງບໍ່ທັນແຕກ ເພື່ອທີ່ວ່າຕົວເຂົາເອງຈະມີໂອກາດໄດ້ຮັບເອົາການສຶກສາລະດັບສູງໃນອະນາຄົດ ນອກນີ້ ໂຄງການຍັງຈະພາຍາຍາມຊອກຫາແຫຼ່ງລາຍຮັບໃຫ້ແກ່ຜູ້ທີ່ມີຄວາມອ່ອນໄຫວຕໍ່ເສດຖະກິດ-ສັງຄົມ ຜ່ານການຈັດການເຝິກອົບຮົມວິຊາຊີບທີ່ຈໍາເປັນ ຕ້ອງມີທັກສະຂັ້ນສູງໃຫ້ແກ່ພວກເຂົາ.

ພາບປະກອບຂ່າວ

ອົງການ Terra Renaissance ໄດ້ຮັບມືກັບບັນຫາລະເບີດ ທະຫານເຍົາວະຊົນ ອາວຸດຂະໜາດນ້ອຍ ແລະ ເບົາ ແລະ ການສຶກສາເລື່ອງສັນຕິພາບ ເພື່ອເຮັດໃຫ້ແນວຄິດ “ການນໍາສັນຕິມາສູ່ໂລກ” ປາກົດຜົນເປັນຈິງ.