ແຈ້ງໂຈະ 4 ກິດຈະກຳສຳຄັນ ໃນງານສະຫຼອງປີໃໝ່ຫຼວງພະບາງ 2020

ແຈ້ງໂຈະ 4 ກິດຈະກຳສຳຄັນ ໃນງານສະຫຼອງປີໃໝ່ຫຼວງພະບາງ 2020

11th March 2020 0 By Admin

ປີໃໝ່ລາວ ພສ 2563 ທີ່ຈະມາເຖິງນີ້ ຈຶ່ງຖືວ່າເປັນປີທີ່ມີຄວາມຫຍຸ້ງຍາກພໍສົມຄວນໃນການຈັດງານສະຫຼອງ ໂດຍສະເພາະແມ່ນຢູ່ນະຄອນຫຼວງພະບາງ ເນື່ອງຈາກສະຖານທີ່ດັ່ງກ່າວ ເປັນສະຖານທີ່ຂຶ້ນຊື່ທີ່ມີນັກທ່ອງທ່ຽວ ແລະ ມວນຊົນເຂົ້າຮ່ວມຫຼາຍໃນແຕ່ລະປີ ເພາະສະນັ້ນ, ເພື່ອເປັນການປ້ອງກັນ ແລະ ຫຼຸດຜ່ອນຄວາມແອອັດ ເຈົ້າແຂວງຫຼວງພະບາງໄດ້ແຈ້ງໂຈະ 4 ກິດຈະກຳທີ່ສຳຄັນໃນການສະຫຼອງປີໃໝ່ລາວ ເນື່ອງຈາກກິດຈະກຳດັ່ງກ່າວມີມວນຊົນເຂົ້າຮ່ວມຈຳນວນຫຼາຍ.


ອີງຕາມໜັງສືລາຍງານຂອງ ເຈົ້າແຂວງຫຼວງພະບາງ ສະບັບເລກທີ 03/ຈຂ.ຫຼບ ລົງວັນທີ 11 ມີນາ 2020 ເຖິງທ່ານນາຍົກລັດຖະມົນຕີແຫ່ງ ສປປ ລາວ ເລື່ອງ: ຂໍທິດຊີ້ນໍາກ່ຽວກັບການຈັດພິທີສະເຫຼີມສະຫຼອງ ບຸນປີ ໃໝ່ລາວ ພສ 2563 ທີ່ນະຄອນຫຼວງພະບາງ.


ປີໃໝ່ລາວ ພສ 2553 ທີ່ຈະມາເຖິງໃນປີນີ້ ເປັນປີທີ່ມີຄວາມຫຍຸ້ງຍາກ ຍ້ອນການລະບາດຂອງພະຍາດໂດວິດ-19 (COVID-2019) ຢູ່ໃນພາກພື້ນ ແລະ ບາງປະເທດອ້ອມຂ້າງ, ສະນັ້ນ ເພື່ອເປັນການປ້ອງກັນ, ຄວບຄຸມ ແລະ ຫຼຸດຜ່ອນຄວາມສ່ຽງຕໍ່ການຕິດເຊື້ອ ຈາກພະຍາດດັ່ງກ່າວ ເຈົ້າແຂວງຫຼວງພະບາງ, ຈຶ່ງຮຽນລາຍງານຂໍທິດຊີ້ນໍາ ຈາກທ່ານນາຍົກລັດຖະມົນຕີແຫ່ງ ສປປ ລາວ ເພື່ອຂໍໂຈະ ການຈັດບາງກິດຈະກໍາ ໃນການສະເຫຼີມສະຫຼອງບຸນປີໃຫມ່ລາວ ພສ 2563 ເຊິ່ງມີມວນຊົນເຂົ້າຮ່ວມຢ່າງຫຼວງຫຼາຍ, ແອອັດ ມີທັງແຂກພາຍໃນ ແລະ ຕ່າງປະເທດ, ເຊິ່ງມີຄວາມຫຍຸ້ງຍາກ ໃນການປ້ອງກັນ ຄວບຄຸມ, ກວດກາ ດັ່ງນີ້:


1 ໂຈະການຈັດງານປະກວດນາງສັງຂານ ໃນວັນທີ 10-11 ເມສາ 2020; 2. ໂຈະການຈັດຕະຫຼາດນັດມວນຊົນ ຕາມເສັ້ນທາງກາງເມືອງ ໃນວັນທີ 19 ເມສາ 2020; 3. ໂຈະການລົງຕົບພະທາດຊາຍ ທີ່ດອນຊາຍມຸງຄຸນ ໃນວັນທີ 12 ເມສາ 2020 ແລະ 4. ໂຈະໃນການແຫ່ວໍ່ທີ່ເປັນຂະບວນມວນຊົນເຂົ້າຮ່ວມຢ່າງຫຼວງຫຼາຍ ໃນວັນທີ 14-15 ເມສາ 2020.


ສ່ວນກິດຈະກໍາທີ່ກ່ຽວພັນເຖິງຮີດຄອງປະເພນີຂອງຫຼວງພະບາງມາແຕ່ດຶກດໍາບັນ ທີ່ຈະຕ້ອງໄດ້ສືບຕໍ່ປະຕິບັດເຊັ່ນ: ພິທີອັງເຊີນພະບາງລົງສົງ ແຕ່ວັນທີ 17-20 ເມສາ 2020, ການແຫ່ວໍ (ແຫ່ ແລະ ສົງນ້ໍາໃຫ້ຄູບາ, ພະສົງແຕ່ລະວັດ) ເຊິ່ງບໍ່ມີມວນຊົນ, ແຂກ ເຂົ້າຮ່ວມຫຼາຍ ໃນວັນທີ 15 ເມສາ 2020.