ກຽມຮັບມືໃຫ້ດີ! 11-14 ມີນາ ທົ່ວປະເທດຈະມີຝົນຕົກ, ຟ້າຮ້ອງ ຟ້າເຫຼື້ອມ, ຟ້າຜ່າ ແລະ ໝາກເຫັບຕົກ

ກຽມຮັບມືໃຫ້ດີ! 11-14 ມີນາ ທົ່ວປະເທດຈະມີຝົນຕົກ, ຟ້າຮ້ອງ ຟ້າເຫຼື້ອມ, ຟ້າຜ່າ ແລະ ໝາກເຫັບຕົກ

10th March 2020 0 By Admin

ຄຳເຕືອນ: ໄລຍະແຕ່ 11 ຫາ 14 ມີນາ 2020 ຄວາມກົດດັນສູງຂອງອາກາດເຢັນຈາກປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫ່ຍ ເຊິ່ງຈະເຮັດໃຫ້ເກີດມີ ພາຍຸລະດູຮ້ອນ, ຝົນຕົກ, ຟ້າຮ້ອງ ຟ້າເຫຼື້ອມ ຟ້າຜ່າ ແລະ ໝາກເຫັບຕົກ ໃນລະດັບຄ່ອຍ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.  ດັ່ງນັ້ນ, ຈຶ່ງແຈ້ງເຕືອນໃຫ້ປະຊາຊົນ ຈົ່ງມີສະຕິ ຕໍ່ສະພາບຝົນຕົກ ລົມແຮງ ແລະ ໃຫ້ຫ່າງໄກຈາກຕົ້ນໄມ້ໃຫຍ່ ແລະ ສິ່ງປຸກສ້າງບໍ່ທັນສໍາເລັດ ພ້ອມໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.

*

ເຊິ່ງກົມອຸຕຸນິຍົມ ແລະ ອຸທົກກະສາດ ໄດ້ຄາດຄະເນສະພາບອາກາດໄວ້ໃນ ບົດລາຍງານສະພາບອາກາດ ໃນໄລຍະວັນທີ 2 ຫາ 8 ມີນາ 2020 ແລະ ຄາດຄະເຄສະພາບອາກາດ ແຕ່ວັນທີ 9 ຫາ 15 ມີນາ 2020 ວ່າ: ໄລຍະວັນທີ 9 ຫາ 10 ມີນາ 2020 ຄວາມກົດດັນອາກາດຕໍ່າຂອງອາກາດຮ້ອນ ໄດ້ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກຳລັງປານກາງ ແລະ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ອາກາດຮ້ອນຂຶ້ນ ແລະ ຈະມີໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ທົ່ວໄປໃນແຕ່ລະພາກ. ຈາກນັ້ນ, ວັນທີ 11-15 ມີນາ 2020 ບໍລິເວນຄວາມກົດດັນສູງຂອງອາກາດເຢັນຈະມີກຳລັງປານກາງແຜ່ລົງມາປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ມີຝົນຕົກ, ຟ້າຮ້ອງ, ຟ້າເຫຼື້ອມ ພ້ອມມີລົມພັດແຮງຢູ່ບາງທ້ອງຖິ່ນແຂວງ ພາກເໜືອ, ພາກກາງ ແລະ ພາກໃຕ້.

***