ປ້ອງກັນໂຄວິດ-19 ຖວທ ແຈ້ງໂຈະຊົ່ວຄາວ ທຸກງານປະເພນີ ແລະ ງານສັງສັນຕ່າງໆ

ປ້ອງກັນໂຄວິດ-19 ຖວທ ແຈ້ງໂຈະຊົ່ວຄາວ ທຸກງານປະເພນີ ແລະ ງານສັງສັນຕ່າງໆ

10th March 2020 0 By Admin

ເພື່ອປ້ອງກັນ ພະຍາດອັກເສບປອດສາຍພັນໃໝ່ ໂຄວິດ-19 ຫ້ອງການ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຈ້ງສັ່ງໂຈະ ຫຼື ເລື່ອນຊົ່ວຄາວ ກ່ຽວກັບການສົ່ງນັກທ່ອງທ່ຽວ ໄປບັນດາປະເທດ ໃນກຸ່ມສ່ຽງໃນການຕິດເຊື້ອໄວຣັສ ໂຄວິດ ແລະ ການນໍາເຂົ້ານັກທ່ອງທ່ຽວ ຈາກປະເທດ ດັ່ງກ່າວ ແລະ ການໂຈະຊົ່ວຄາວກ່ຽວກັບ ການຈັດງານປະເພນີ, ງານດອງ ແລະ ງານລ້ຽງສ້າງສັນ ທີ່ມີຄົນຈໍານວນຫຼາຍເຂົ້າຮ່ວມ.

ອີງຕາມການແຈ້ງການຂອງ ຫ້ອງການ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ອອກແຈ້ງການ ສະບັບເລກທີ 107/ ຫກ ລົງວັນທີ 10 ມີນາ 2020 ເຖິງ: ທ່ານຫົວໜ້າາພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫຼວງ, ແຂວງໃນຂອບເຂດທົ່ວປະເທດ, ສະມາຄົມໂຮງເເຮມ ແລະ ຮ້ານອາຫານ, ສະມາຄົມທຸລະກິດທ່ອງທ່ຽວລາວ ເລື່ອງ: ການໂຈະ ຫຼື ເລື່ອນຊົ່ວຄາວ ກ່ຽວກັບການສົ່ງນັກທ່ອງທ່ຽວ ໄປບັນດາປະເທດ ໃນກຸ່ມສ່ຽງໃນການຕິດເຊື້ອໄວຣັສ ໂຄວິດ ແລະ ການນໍາເຂົ້ານັກທ່ອງທ່ຽວ ຈາກປະເທດ ດັ່ງກ່າວ ແລະ ການໂຈະຊົ່ວຄາວກ່ຽວກັບ ການຈັດງານປະເພນີ, ງານດອງ ແລະ ງານລ້ຽງສ້າງສັນ ທີ່ມີຄົນຈໍານວນຫຼາຍເຂົ້າຮ່ວມ.


ໂດຍອີງຕາມ ໜັງສືແຈ້ງການຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ສະບັບເລກທີ 001/ສພກ, ລົງວັນທີ 02 ມີນາ 2020 ແລະ ອີງຕາມ ໜັຜງສືແຈ້ງການຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ສະບັບເລກທີ 005/ສພກ, ລົງວັນທີ 2 ມີນາ 2020.

ດັ່ງນັ້ນ, ຫ້ອງການກະຊວງ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຂໍຖືເປັນກຽດແຈ້ງການມາຍັງທ່ານ ຫົວໜ້າພະແນກພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫຼວງ, ແຂວງ ແລະ ບັນດາຫົວໜ່ວຍ ທຸລະກິດບໍລິການ ໃນຂະແຫນງທ່ອງທ່ຽວ, ສະມາຄົມທຸລະກິດທ່ອງທ່ຽວລາວ, ສະມາຄົມໂຮງແຮມ ແລະ ຮ້ານອາຫານ ໃນຂອບເຂດທົ່ວປະເທດ ເພື່ອແຈ້ງໄປຍັງບັນດາຫົວໜ່ວຍທຸລະກິດໃນຂະແໜງການທ່ອງທ່ຽວ ພາຍໃນແຂວງຂອງຕົນ ໃຫ້ເຂັ້ມງວດໃນການຈັດຕັ້ງປະຕິບັດ ແລະ ຜັນຂະຫຍາຍໜັງສືແຈ້ງການຂອງຄະນະສະເພາະກິດດັ່ງກ່າວຢ່າງເຂັ້ມງວດ ພ້ອມທັງຕິດຕາມກວດກາ ແລະ ຈັດປະຕິບັດຕາມແຈ້ງການສະບັບນີ້ຢ່າງເຄັ່ງຄັດ ຈົນກວ່າສະພາບການຈະເຂົ້າສູ່ພາວະປົກກະຕິ.