ຕະລືງ! ຈີນກາຍເປັນຊາດທໍາອິດໃນໂລກໂດຍໃຊ້ເອໄອວິເຄາະພະຍາດໂຄວິດພຽງ 20 ນາທີຮູ້ຜົນ

ຕະລືງ! ຈີນກາຍເປັນຊາດທໍາອິດໃນໂລກໂດຍໃຊ້ເອໄອວິເຄາະພະຍາດໂຄວິດພຽງ 20 ນາທີຮູ້ຜົນ

4th March 2020 0 By Admin

ບໍລິສັດຍັກໃຫຍ່ເຕັກໂນໂລຊີ(Alibaba ) ຈາກ ສປ ຈີນປະກາດສົບຜົນສໍາເລັດເກີນຄາດໃນການພັດທະນາປັນຍາປະດິດ ຫລື ເອີ້ນວ່າ Artificial Intelligence (AI/ເອໄອ)ທີ່ສາມາດກວດກາ ແລະ ວິເຄາະເຊື້ອໄວຣັດໂຄວິດ-2019 ໃນຮ່າງກາຍຄົນແນ່ນອນ 96% ພຽງເວລາ 20 ນາທີໃນຂະບວນການກວດກາ.

.

ຂະນະທີ່ ແຫລ່ງຂໍ້ມູນດັ່ງລະບຸວ່າຍັງບໍ່ມີປະເທດໃດເຮັດໄດ້ໃນໂລກເຮັດໄດ້ ເຊິ່ງມີພຽງປະເທດຈີນເທົ່ານັ້ນປະສົບຜົນສໍາເລັດໃນການພັດທະນາປັນຍາປະດິດສໍາລັບຕ້ານ ແລະ ຢຸດການຂະຫຍາຍຕົວພະຍາຍາດໂຄວິດ ເຊິ່ງຖືເປັນຄວາມກ້າວຫນ້າຂອງມວນມະນຸດ.

.

ປັດຈຸບັນບໍລິສັດອາລີບາບາບໍ່ພຽງນໍາຫນ້າເຕັກໂນໂລຊີກ່ຽວກັບການຄ້າທາງລະບົບອິນເຕີເນັດເທົ່ານັ້ນໃນໂລກ ແຕ່ຫາກຍັງນໍາຫນ້າເຕັກໂນໂລຊີປັນຍາປະດິດດ້ານການແພດອີກດ້ວຍ.

.

ຫນ່ວຍງານວິໃຈຂອງອາລີບາບາໄດ້ພັດທະນາ ແລະ ຝຶກສອນເອໄອໂດຍໄດ້ເກັບເອົາຕົວຢ່າງຂອງຜູ້ຕິດເຊື້ອໂຄວິດ 5.000 ຄົນໃນຈີນ ເຊິ່ງລະບົບເຕັກໂນໂລຊີເອໄອສາມາດກວດກາ ແລະ ວິເຄາະຮ່າງກາຍຄົນເຫລົ່ານັ້ນໄດ້ແນ່ນອນເຖີງ 96%.

.

ເບື້ອງຕົ້ນເອໄອດັ່ງກ່າວໄດ້ນໍາເອົາໄປໃຊ້ກວດກາ ແລະ ວິເຄາະເຊື້ອໂຄວິດຢູ່ໂຮງຫມໍຊີໂປຊານ (Qiboshan) ໃນເມືອງເຈິ້ງໂຈວ ມົນທົນເຫີຫນານ ແລະ ປັດຈຸບັນໄດ້ສືບຕໍ່ນໍາເອົາໄປໃຊ້ຢູ່ຫມໍ 100 ແຫ່ງໃນມົນທົນເຫີເປີ່ຍ, ກວາງຕຸ້ງ ແລະ ອານຫຸຍ.

.

ເຕັກໂນໂລຊີເອໄອດັ່ງກ່າວຈະໃຊ້ເວລາວິເຄາະພາບ ແລະ ລະບຸພະຍາດພຽງ 20 ນາທີ ເຊິ່ງມັນໄດ້ກາຍເປັນລະບົບອັດສະລິຍະສາມາດປະຢັດເວລາ, ຮັກສາຜູ້ປ່ວຍ ຫລື ກູ້ຊີວິດຄົນທັນເວລາ ແລະ ປະຢັດເງິນອີກດ້ວຍ.

.

ໂດຍ: ປອກເປືອກ
ແປຈາກ: www.dailygizmo.tv