ມືປືນຈັບປະຊາຊົນ 30 ຄົນເປັນໂຕປະກັນ ຢູ່ປະເທດຟີລິບປິນ

ມືປືນຈັບປະຊາຊົນ 30 ຄົນເປັນໂຕປະກັນ ຢູ່ປະເທດຟີລິບປິນ

2nd March 2020 0 By Admin

2 ມີນາ 2020 ເກີດເຫດມີມືປືນຈັບປະຊາຊົນ 30 ຄົນເປັນໂຕປະກັນຢູ່ສູນການຄ້າແຫ່ງຫນຶ່ງໃນປະເທດຟີລິບປິນ ຂະນະທີ່ເຈົ້າຫນ້າທີ່ສະເພາະກິດໃຊ້ມາດຕະການປິດລ້ອມ ແລະ ພະຍາຍາມນໍາເອົາປະຊາຊົນ ລວມທັງພະນັກງານເຮັດວຽກໃນສູນການຄ້າອອກຢ່າງຮີບດ່ວນເພື່ອຄວາມປອດໄພໃນເບື້ອງຕົ້ນ.

.

ຕາມແຫ່ງຂ່າວໂທລະພາບຣັດເຊຍ(RT) ແລະ South China Morning Post ລາຍງານວ່າ: ມື້ປືນລາຍນີ້ແມ່ນອະດີດເຈົ້າຫນ້າທີ່ຮັກສາຄວາມປອດໄພນັ້ນເອງ ເປັນຜູ້ກໍ່ເຫດເພາະບໍ່ພໍໃຈເລື່ອງບາງຢ່າງ ຈຶ່ງຕັດສິນໃຈລົງມື ແລະ ຈັບໂຕປະກັນໄວ້ 30 ຄົນເພື່ອຕໍ່ລອງ ປັດຈຸບັນນີ້ເຈົ້າຫນ້າທີ່ພວມເຈລະຈາຕໍ່ລອງ ແລະ ຄືບຄານເຂົ້າໄປໃນສູນການຄ້າເພື່ອບຸກຈັບຊາຍຜູ້ກໍ່ເຫດ.

ແຫລ່ງຂ່າວດັ່ງກ່າວຍັງອ້າງວ່າຜູ້ກໍ່ເຫດມີອາວຸດປືນ ແລະ ຫມາກແຕກໃນກໍາມື ເຊິ່ງຜູ້ກ່ຽວພວມໃຊ້ຍິງປະທະກັບເຈົ້າຫນ້າທີ່ ນອກຈາກນັ້ນເຈົ້າຫນ້າທີ່ຈໍານວນຫນຶ່ງຍັງໄດ້ຮັບບາດເຈັບເຊັ່ນກັນ.

ແປໂດຍ: ນໍ້າອອ້ຍຂົມ,
ຈາກ: ປະເທດລາວ Pathedlao