ຜູ້ບ່າວແກ້ມບ່ອງ Choi Siwon ຟ້ອນເພງລາວແບບໜຸ່ມລາວກໍເປັນເດີ້ … ໜ້າຮັກແທ້ໆ

ຜູ້ບ່າວແກ້ມບ່ອງ Choi Siwon ຟ້ອນເພງລາວແບບໜຸ່ມລາວກໍເປັນເດີ້ … ໜ້າຮັກແທ້ໆ

12th November 2019 0 By Admin

ທ່າມກາງຄວາມດີໃຈຂອງບັນດາແຟນຄລັບຊາວລາວ ທີ່ໄດ້ເຫັນສິລະປິນທີ່ມີຊື່ສຽງລະດັບໂລກທີ່ຕົນເອງມັກເດີນທາງມາລາວເປັນຄັ້ງທຳອິດ ຫຼັງຈາກທີ່ລໍຄອຍມາດົນ

.

ອີງຕາມຂໍ້ມູນຈາກໂພສໃນອິນສະຕາແກຣມຂອງໜຸ່ມ Siwon ເຊິ່ງເຜີຍແຜ່ເມື່ອວານນີ້ (10 ພະຈິກ 2019), ໜຸ່ມຄົນນີ້ລະບຸວ່າ ຕົນເອງກຳລັງເດີນທາງມາທີ່ ສປປ ລາວ ເພື່ອຮ່ວມສະເຫຼີມສະຫຼອງຄົບຮອບ 30 ປີສົນທິສັນຍາວ່າດ້ວຍສິດທິເດັກ ຂອງ ອົງການສະຫະປະຊາຊາດ ພ້ອມທັງຈະມີການຖະແຫຼງການທີ່ສຳຄັນເກີດຂຶ້ນ.

.

ຂະນະທີ່ອິນສະຕາແກຣມທາງການຂອງອົງການຢຸນິເຊັບ (UNICEF) ປະຈຳ ສປປ ລາວ ໄດ້ໂພສຂໍ້ຄວາມເມື່ອຕອນບ່າຍຂອງມື້ນີ້ (11 ພະຈິກ) ຫຼັງຈາກທີ່ໜຸ່ມ Siwon ເດີນທາງຮອດລາວແລ້ວວ່າ “Choi Siwon ໄດ້ຮັບການປະກາດໃຫ້ເປັນທູດປະຈຳພາກພື້ນຂອງອົງການຢູນິເຊັບ ໃນກອງປະຊຸມລະດັບສູງໂອກາດຄົບຮອບ 30 ປີ ສົນທິສັນຍາວ່າດ້ວຍສິດທິເດັກ Lao Generation 2030.

.

ຫຼັງຈາກນີ້ໜຸ່ມ Choi Siwon ກໍໄດ້ເດີນທາງມອບຄວາມສຸກ ຄວາມອົບອຸ່ນໃຫ້ກັບນ້ອງນັກຮຽນ ຄູອາຈານຫຼາຍໆແຫຼ່ງ ດັ່ງຫຼ້າສຸດທີ່ໜຸ່ມຄົນນີ້ໄດ້ພາເດັກນ້ອຍ ເຮັດກິດຈະກໍາ ນັ້ນກໍຄືການລ້າງມື ດັ່ງໃນຄຣິບ ແຕ່ເບິ່ງໄປເບິ່ງມາຄືກັບການເຕັ້ນເພງ Sorry Sorry ເລີຍເນາະ ໜ້າຮັກຫຼາຍໆ ຜູ້ບ່າວແກ້ມບ່ອງ.

.

ນອກຈາກນັ້ນເດັດສຸດໆຄື ໜຸ່ມ Choi Siwon ຍັງຟ້ອນເພງລາວກັບເດັກນ້ອຍ ໂຮງຮຽນປະຖົມສົມບູນໜອງໜ້ຽວ ບັນຍາກາດຄຶກຄືນ ອົບອຸ່ນ ດ້ວຍຮອຍຍິ້ມ ສຽງຫົວ ອັນເຕັມໄປດ້ວຍຄວາມສຸກແທ້ໆ

.

.