ຮູບແບບການສັກລາຍຂອງຄົນລາວສ່ວນຫນຶ່ງ ໃນຍຸກປີ ຄສ 1957

ຮູບແບບການສັກລາຍຂອງຄົນລາວສ່ວນຫນຶ່ງ ໃນຍຸກປີ ຄສ 1957

26th February 2020 0 By Admin

ການສັກລາຍຂອງຄົນລາວ ໃນຍຸກປີ ຄສ 1957 ຖ່າຍບັນທຶກໂດຍທ່ານ Halpern, Joel M. (Joel Martin) ໃນເຂດຫລວງພຣະບາງ ເມືອງໄຊ ແລະວັງວຽງ ເຊິ່ງການສັກລາຍໃນເມື່ອກ່ອນຈະເປັນການສັກລາຍແບບຕ່າງໆ ຕາມຮ່າງກາຍຕາມຕົນຕົວ ແຂນ-ຂາ ແມ່ນສັກເພິ່ນເປັນການຢູ່ຍົງຄົງກະພັນ ເປັນຫລັກ ແລະຄົນລາວໃນສະໄຫມກ່ອນ ( ລາວລ້ານຊ້າງ ) ຍຸກປີ 1900 ລົງໄປ ຈະສັກຍັນຫລືສັກລາຍ ແຕ່ຫົວເຄົ່າຂຶ້ນໄປຮອດຕົ້ນຂາ ຈົນໄດ້ຊື່ວ່າ ລາວພຸງຂາວ, ສ່ວນແຖບ ລາວລ້ານນາ ຈະສັກແຕ່ຫົວເຄົ່າຂຶ້ນຮອດທ້ອງນ້ອຍ ເອິ້ນຄົນແຖວນັ້ນວ່າ ລາວພຸງດຳ

.

.

ການສັກລາຍນັ້ນ ກໍ່ເປັນສາເຫດຫນຶ່ງຂອງການເກີດເສີກສົງຄາມລະຫວ່າງ ລ້ານຊ້າງກັບສະຫຍາມ ເພາະທາງສະຫຍາມໄດ້ສັ່ງໃຫ້ເຈົ້າເມືອງໂຄຣາຊ ມາສັກຫມາຍເລກເອົາຄົນລາວ ໄປຂຶ້ນທະບຽນກັບສະຫຍາມ ເຮັດໃຫ້ຜູ້ຄົນລາວໄດ້ຮັບຄວາມເດືອດຮ້ອນ ຈຶ່ງພາໃຫ້ເກີດສົງຄາມໃນສະໄຫມເຈົ້າອະນຸວົງເກີດຂຶ້ນ ສົງຄາມໃນຄັ້ງນີ້ແມ່ນເພື່ອກອບກູ້ເອົາອິດສະຫລະພາບສູ່ຕົນເອງ

.

ແຕ່ມາຍຸກສະໄຫມນີ້ ການສັກລາຍ ແມ່ນເປັນການສັກເພື່ອຄວາມງົດງາມ ສັກຕາມກະແສຂອງຍຸກສະໄໝເປັນຫລັກ ແຕ່ກໍ່ຍັງມີບາງທ່ານທີຍັງສັກລາຍເພື່ອຢູ້ຍົງຄົງກະພັນ ສັກເພື່ອມະຫາສະເໜ່ ສັກເພື່ອຄວາມແຄ້ວຄາດພະຍັນຕະລາຍທັງຫລາຍ ຫລືສັກເພື່ອຄວາມເທ້ ,ສັກເພື່ອເຂົ້າກຸ່ມກ້ອນຂອງຕົນ ຫລືສັກຕາມສິລະປິນທີຕົນເອງມັກຮັກກໍ່ມີ…

.

.

.

ຂອບໃຈຮູບພາບຈາກທ່ານ : Halpern, Joel M. (Joel Martin)
ຮີບໂຮມໂດຍ : ນະຄອນຫລວງພຣະບາງ Luangprabang City