ດີຫຼາຍ! ທີມບານເຕະ ດ່ານຖິ່ນອະຄາເດມີ່ ເກັບຂີ້ເຫຍື້ອເຂດດ່ານຖິ່ນ

ດີຫຼາຍ! ທີມບານເຕະ ດ່ານຖິ່ນອະຄາເດມີ່ ເກັບຂີ້ເຫຍື້ອເຂດດ່ານຖິ່ນ

23rd February 2020 0 By Admin

ໃນວັນທີ 18 ກຸມພາ 2020 ນີ້ ນັກກິລາທີມບານເຕະ ດ່ານຖິ່ນ ອະຄາເດມີ່ ພ້ອມດ້ວຍຄູຝຶກ ພ້ອມກັນສ້າງຂະ ບວນການອອກແຮງງານລວມ ເກັບຂີ້ເຫຍື້ອຢູ່ດອນ ເຂດດ່ານຖິ່ນ.

.

ທ່ານ ກົງໄຊ ດາລາພອນ ຫົວໜ້າຄູຝຶກ ທີມບານເຕະ ດ່ານຖິ່ນ ອະຄາເດມີ່ ໃຫ້ຮູ້ວ່າ: ການອອກແຮງງານຄັ້ງນີ້ ກໍ່ເພື່ອຂໍ່ານັບຮັບຕ້ອນກອງປະຊຸມໃຫຍ່ 03 ຂັ້ນຂອງພັກ ແລະ ທັງເປັນການປູກຈິດສຳນຶກໃຫ້ນ້ອງນ້ອຍນັກຮຽນ ເຍົາວະຊົນໃຫ້ຮູ້ຮັກສາຄວາມສະອາດ, ຮັກສາສິ່ງ ແວດລ້ອມ, ບໍ່ຖິ້ມຂີ້ເຫຍື້ອຊະຊາຍ ໃຫ້ຖີ້ມໃສ່ກະຕ່າທີ່ໄດ້ວາງໄວ້ໃນແຕ່ລະຈຸດ ຫຼື ໃສ່ຖັງຂີ້ເຫຍື້ອ ຕາມດອນເຂດດັ່ງກ່າວ, ອີກເທື່ອໜຶ່ງ

.

ທ່ານຍັງໄດ້ຮຽກຮ້ອງມາຍັງພໍ່ແມ່ປະຊາຊົນບັນດາເຜົ່າ, ພະ ນັກງານ, ທະຫານ, ຕຳຫຼວດ, ພໍ່ຄ້າຊາວຂາຍ, ນ້ອງນ້ອຍນັກ ຮຽນ, ນັກສຶກສາ ທີ່ໄດ້ມາທ່ຽວຫຼິ້ນຢູ່ໃນສະ ຖານທີ່ແຫ່ງນີ້ ກໍ່ຕ້ອງພ້ອມກັນຮັກສາຄວາມສະອາດຊ່ວຍກັນ. ທັງນີ້ ກໍ່ເພື່ອໃຫ້ດອນດັ່ງກ່າວ ມີຄວາມເປັນລະບຽບຮຽບຮ້ອຍ ເປັນສະ ຖານທີ່ທ່ອງທ່ຽວທໍາມະຊາດທີ່ສະອາດຈົບງາມ ແລະ ທັງເປັນການດຶງແຂກຕາງດ້າວຊາວຕາງແດນເຂົ້າມາທ່ອງທ່ຽວຊົມສະຖານທີ່ແຫ່ງນີ້ ການອອກແຮງງານຄັ້ງນີ້ ມີຜູ້ເຂົ້າຮ່ວມ ທັງໜົດ 37 ຄົນ, ຍິງ 14 ຄົນ.


ທ່ານ ທະວີສິດ ວິລາພັນ ວິຊາການ ຄະນະຊາວໜຸ່ມ ເມືອງຫ້ວຍຊາຍ ໄດ້ມີຄໍາເຫັນຕໍ່ຂະບວນການອອກແຮງງານລວມຄັ້ງນີ້ວ່າ: ມື້ນີ້ຄວາມພາກພູມໃຈຫຼາຍທີ່ໄດ້ປະກອບສ່ວນເຂົ້າໃນການສ້າງຂະບວນການອອກແຮງງານ ເກັບຂີ້ເຫຍື້ອຕາມດອນແຄມແມ່ນໍ້າຂອງ ຢູ່ເຂດດ່ານຖິ່ນ ເພາະວ່າສະຖານທີ່ແຫ່ງນີ້ ເປັນສະຖານທີ່ງາມຫຼາຍ ແລະ ຮຽກຮ້ອງໃຫ້ຊາວໜຸ່ມ, ໄວໜຸ່ມ ຈົ່ງພ້ອມກັນຮັກສາຄວາມສະອາດ, ບໍ່ຖີ້ມຂີ້ເຫື້ຍອຊະຊາຍ ເພື່ອເປັນການຫຼຸດຜ່ອນພາວະໂລກຮ້ອນ ແລະ ເປັນການຮັກສາລະບົບນິເວດ.

.

.

ຂ່າວ – ພາບ : ບຸນເພັດ ໄຊຍະວົງ