ພັທ ເພັດສະຫວຽງ ທອງແກ້ວ ເປັນເລຂາຄະນະພັກຮາກຖານກຸ່ມນາດີຜູ້ໃໝ່

ພັທ ເພັດສະຫວຽງ ທອງແກ້ວ ເປັນເລຂາຄະນະພັກຮາກຖານກຸ່ມນາດີຜູ້ໃໝ່

21st February 2020 0 By Admin

ໃນວັນທີ 21 ກຸມພາ 2020 ກຸ່ມນາດີ ເມືອງມຸນລະປາໂມກ ແຂວງຈໍາປາສັກ ໄດ້ຈັດພິທີມອບ-ຮັບ ເລຂາຄະນະພັກຮາກຖານ ລະຫ່ວາງ ສະຫາຍ ສຳລານ ວິສຸດທິວົງ ເລຂາຄະນະພັກຮາກຖານກຸ່ມນາດີຜູ້ເກົ່າ ມອບໜ້າທີ່ໃຫ້  ພັທ ເພັດສະຫວຽງ ທອງແກ້ວ ກຳມະການພັກເມືອງ ຫົວໜ້າກອງບັນຊາການ ປກສ ເມືອງ ຮັບໜ້າທີ່ເປັນເລຂາຄະນະພັກຮາກຖານກຸ່ມນາດີຜູ້ໃໝ່.


ພິທີ ໄດ້ຈັດຂື້ນຢູ່ທີ່ຫ້ອງການກຸ່ມດັ່ງກ່າວ ໂດຍໃຫ້ກຽດເປັນປະທານຂອງ ສະຫາຍ ສຳລີ ແກ່ນມະນີ ກຳມະການພັກແຂວງ ເລຂາພັກເມືອງເຈົ້າເມືອງໆມຸນລະປາໂມກ,ເຂົ້າຮ່ວມມີສະຫາຍ ນາງ ສົມຫັວງ ມູນສີງໂຄດ ຮອງເລຂາພັກເມືອງ, ມີສະຫາຍ ພິດສະຫົງ ພົມມະວົງສາ ຮອງເລຂາພັກເມືອງ ປະທານກວດກາພັກ-ລັດເມືອງ,ມີສະຫາຍ ຄຳເຟືອນ ວົງຂຳ ຄະນະປະຈຳພັກເມືອງຜູ້ຊີ້ນຳກຸ່ມບ້ານນາດີ,ມີສະຫາຍໃນຄະນະປະຈຳພັກເມືອງ,ກຳມະການພັກເມືອງ,ເລຂາໜ່ວຍພັກ ,ພະນັກງານປະຈຳກຸ່ມນາດີ,ອົງການຈັດຕັ້ງຂອງບ້ານ 11 ບ້ານໃນກຸ່ມນາດີ, ຄູ-ອາຈານ ເຂົ້າຮ່ວມ.

.

.