ທະຫານແຂວງວຽງຈັນ ປະດັບຫຼຽນໄຊ ແລະ ຍ້ອງຍໍຜົນງານໄລຍະສັ້ນ

ທະຫານແຂວງວຽງຈັນ ປະດັບຫຼຽນໄຊ ແລະ ຍ້ອງຍໍຜົນງານໄລຍະສັ້ນ

20th February 2020 0 By Admin

ໃນວັນທີ 11 ກຸມພາ 2020 ນີ້, ກອງບັນຊາການທະຫານ ແຂວງວຽງຈັນ ໄດ້ຈັດພິທີປະດັບຫຼຽນໄຊ, ຍ້ອງຍໍຜົນງານໄລຍະສັ້ນ ແລະ ເລື່ອນຊັ້ນ, ໃຫ້ນາຍທະຫານຢູ່ກົມກອງ ໂດ ການໃຫ້ກຽດເຂົ້າຮ່ວມເປັນປະທານຂອງ ສະຫາຍ ພົນໂທ ປອ ທອງລອຍ ສິລິວົງ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງ ທັບ, ມີສະຫາຍ ບຸນສອນ ເພັດລາວັນ ຄະນະປະຈຳພັກແຂວງຮອງເຈົ້າແຂວງໆວຽງຈັນ, ຄະ ນະພັກ-ຄະນະບັນຊາ, ອົງການ 5 ຫ້ອງ, ໂຮງຮຽນ, ໂຮງໝໍ ແລະ ກົມກອງອ້ອມຂ້າງເຂົ້າຮ່ວມ.

.

ໃນພິທີສະຫາຍ ພັນເອກ ວັນລະວົງ ນັນທະວົງ ຮອງຫົວໜ້າກົມນະໂຍບາຍກົມໃຫຍ່ການເມືອງກອງທັບໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດວ່າດ້ວຍ ການປະດັບຫຼຽນໄຊ, ຍ້ອງຍໍຜົນງານໄລຍະສັ້ນ ແລະ ປະກາດເລື່ອນຊັ້ນໃຫ້ນາຍທະຫານຢູ່ ກອງບັນຊາການທະຫານແຂວງ ວຽງຈັນ ໄດ້ປະດັບຫຼຽນໄຊພິລາດອາດຫານຊັ້ນ I ຈຳນວນ 2 ສະຫາຍ, ຫຼຽນໄຊພິລາດອາດຫານຊັ້ນ II ຈຳນວນ 10 ສະຫາຍ, ຫຼຽນໄຊພິລາດອາດ ຫານຊັ້ນ III, ຈຳນວນ 7 ສະຫາຍ ແລະ ໄດ້ປະກາດເລື່ອນຊັ້ນໃຫ້ນາຍທະຫານອີກຈໍານວນໜຶ່ງ.

.

ໂອກາດສໍາຄັນດັ່ງກ່າວຍັງໄດ້ຮັບຟັງການໂອ້ລົມຂອງ ສະຫາຍ ພົນໂທ ປອ ທອງ ລອຍ ສິລິວົງ ເຊິ່ງກ່ອນອື່ນສະຫາຍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລ ຍະຜ່ານມາພ້ອມທັງເນັ້ນໜັກໃຫ້ຄະນະພັກ-ຄະນະບັນຊາຕະຫຼອດຮອດພະນັກງານ-ນັກຮົບ ເອົາໃຈໃສ່ສຶກສາອົບຮົມການເມືອງ-ນຳພາແນວຄິດເປັນກົກ, ຕິດພັນກັບໜ້າທີ່ວິຊາສະເພາະຂອງຕົນປະຕິບັດຂໍ້ກຳນົດ, ກົດລະບຽບຂອງກອງທັບວາງອອກຢ່າງເຂັ້ມງວດສືບຕໍ່ເຝິກຝົນຫຼໍ່ຫຼອມຕົນເອງໃຫ້ມີຄຸນສົມບັດ, ສິນທໍາປະຕິວັດກໍາແໜ້ນແນວ ທາງນະໂຍບາຍຂອງພັກ,

.

ບັນດາກົດໝາຍຂອງລັດ ແລະ ແຜນ ພັດທະນາເສດຖະກິດ-ສັງຄົມ, ມະຕິຄໍາສັ່ງຂອງຂັ້ນເທິງວ່າດ້ວຍການຫັນເອົາພະນັກງານ-ນັກຮົບລົງກໍ່ສ້າງຮາກຖານການ ເມືອງໃຫ້ມີຄວາມໜັກແໜ້ນ, ເຂັ້ມແຂງຕາມ 4 ເນື້ອໃນ 4 ຄາດໝາຍ, ໄປຄວບຄູ່ກັບການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ຖືເອົາ ການສ້າງກອງປອດໃສປອດໄພປອດຄະດີຍູ້ແຮງການສ້າງ ໜ່ວຍພັກປອດໃສ ເຂັ້ມແຂງໜັກແໜ້ນ, ກອງວັດທະນະທໍາ-ນັກຮົບວັດທະນະທຳໃຫ້ເພີ່ມຂຶ້ນທາງດ້ານຈຳນວນ ແລະ ຄຸນນະພາບ ສືບຕໍ່ປະຕິບັດໜ້າທີ່ການເມືອງທີ່ໄດ້ຮັບມອບ-ໝາຍໃຫ້ ມີຜົນສໍາເລັດອັນຈົບງາມນຳພາກົມກອງກ້າວຂຶ້ນຕາມແບບແຜນ ແລະ ທັນສະໄໝ.