ເຊີນຮ່ວມງານວາງສະແດງຮູບພາບ ສົ່ງເສີມຜົນງານຂອງຊ່າງຖ່າຍພາບລາວ ມື້ນີ້ຮອດວັນທີ 22 ກຸມພານີ້

ເຊີນຮ່ວມງານວາງສະແດງຮູບພາບ ສົ່ງເສີມຜົນງານຂອງຊ່າງຖ່າຍພາບລາວ ມື້ນີ້ຮອດວັນທີ 22 ກຸມພານີ້

18th February 2020 0 By Admin

ຈາກ: https://updatelaos.com/

ເພື່ອຍົກໃຫ້ເຫັນເຖິງຄຸນຄ່າ ແລະ ຜົນງານຮູບພາບ ຂອງຊ່າງຖ່າຍພາບຄົນລາວລຸ້ນໃໝ່; ສະຖານທູດຝະຣັ່ງ ໄດ້ຮ່ວມກັບ ສະຖາບັນຝຣັ່ງ ປະຈຳລາວ ຈັດງານວາງສະແດງຮູບພາບ ຂຶ້ນມາ ເພື່ອເປັນການສົ່ງເສີມຜົນງານຂອງຊ່າງຖ່າຍພາບລາວ.

ສຳລັບຮູບພາບທີ່ນຳມາວາງສະແດງມີທັງໝົດ 70 ພາບທີ່ຖ່າຍໂດຍຊ່າງພາບຄົນລາວ 7 ຄົນ ເຊິ່ງຮູບພາບສ່ວນໃຫຍ່ ຈະເປັນພາບທີ່ຖືກຖ່າຍຕາມຖະໜົນຫົນທາງ, ຮູບພາບແບບສິລະປະ, ຮູບພາບການເຄື່ອນໄຫວໃນຊີວິດປະຈຳວັນ ແລະ ຮູບພາບ ອື່ນໆອີກ.

ງານວາງສະແດງຮູບພາບນີ້ ຖືເປັນໂອກາດ ທີ່ດີ ເພາະໄດ້ມີການຈັດຫຼາຍກິດຈະກຳຫຼາຍຢ່າງ, ມີການຈັດເວີກຊັອບ, ກິດຈະ ກຳ ເລາະຖ່າຍພາບຕາມຖະໜົນ ແລະ ການສາຍຮູບເງົາທີ່ສ້າງຂຶ້ນໂດຍນຳໃຊ້ຮູບພາບ.

ພິທີເປີດງານວາງສະແດງຮູບພາບໄດ້ຈັດຂຶ້ນໃນວັນທີ 17 ກຸມພາ 2020 ທີ່ ສະຖາບັນຝະຣັ່ງ, ເປັນກຽດເປີດພິທີໂດຍ ທ່ານ ນາງ ຟລໍຣັອງສ ຊັອງບລັອງ-ຣີສແລກ, ເອກອັກຄະລັດຖະທູດຝະຣັ່ງ ປະຈຳ ສປປ ລາວ ເຊິ່ງງານວາງສະແດງດັ່ງກ່າວແມ່ນເປີດໃຫ້ເຂົ້າຊົມຟີຼ ແລະ ຈະດຳເນີນໄປຮອດວັນທີ 22 ກຸມພາ 2020.

ຂ່າວ: ສຸກັນຍາ ຈັນທະລາໄລ