ກອງປະຊຸມພົບປະລະຫວ່າງກະຊວງການຕ່າງປະເທດ ສປປ ລາວ ກັບຮົງກາຣີ

ກອງປະຊຸມພົບປະລະຫວ່າງກະຊວງການຕ່າງປະເທດ ສປປ ລາວ ກັບຮົງກາຣີ

18th February 2020 0 By Admin

ວັນທີ 13 ກຸມພາ 2020 ນີ້, ຢູ່ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ຮອງລັດຖະມົນຕີ ກະຊວງການ ຕ່າງປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ແລະ ພົບປະ ຢ່າງເປັນທາງການ ກັບ ທ່ານ ອິດສ໌ວານ ຈູ (István Joó), ຮອງລັດຖະມົນຕີກະຊວງການ ຕ່າງປະເທດ ແລະ ການຄ້າ ຮົງ ກາຣີ, ພ້ອມດ້ວຍຄະນະເນື່ອງໃນ ໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວໃນລະຫວ່າງ ວັນທີ 11-13 ກຸມ ພາ 2020.

ທ່ານ ທອງສະຫວັນ ພົມວິຫານ ໄດ້ກ່າວສະແດງຄວາມຍິນດີ ຕ້ອນຮັບ ແລະ ຂອບໃຈຕໍ່ການ ຊ່ວຍເຫຼືອຂອງຮົງກາຣີ ໃນໄລ ຍະຜ່ານມາ ໂດຍສະເພາະແມ່ນ ການຊ່ວຍພັດທະນາຊັບພະຍາ ກອນມະນຸດກໍຄື ການໃຫ້ທຶນການ ສຶກສາແກ່ນັກສຶກສາລາວ ເພື່ອ ໄປຮຽນຕໍ່ທີ່ຮົງກາຣີ, ເຊິ່ງໄດ້ເພີ່ມ ເປັນ ຈຳນວນ 100 ທຶນຕໍ່ປີ, ການ ຊ່ວຍເຫຼືອດ້ານມະນຸດສະທຳໃນ ຂະນະທີ່ ສປປ ລາວ ໄດ້ປະສົບໄພ ພິບັດນໍ້າຖ້ວມອັນຮ້າຍແຮງໃນ ໄລຍະຜ່ານມາ, ຕໍ່ບັນຫານີ້, ຝ່າຍ ຮົງກາຣີຍັງໄດ້ສະເໜີໃຫ້ການ ເຝິກອົບຮົມ ເພື່ອປ້ອງກັນ ແລະ ຮັບມືກັບໄພນໍ້າຖ້ວມທີ່ຈະເກີດຂຶ້ນ ໃນອະນາຄົດຕື່ມອີກ.

ພ້ອມກັນ ນັ້ນ, ທ່ານ ຮອງລັດຖະມົນຕີໄດ້ ຕີລາຄາສູງການຊ່ວຍເຫຼືອໃນດ້ານອື່ນໆ ທີ່ມີໝາກຜົນຕົວຈິງ ໂດຍຜ່ານໂຄງການກູ້ຢືມມີເງື່ອນ ໄຂ ແຕ່ບໍ່ມີດອກເບ້ຍ ເພື່ອນຳໃຊ້ ເຂົ້າໃນການພັດທະນາເສດຖະກິດ ແລະ ສັງຄົມ ຂອງ ສປປ ລາວ ເຊັ່ນ: ດ້ານກະສິກຳ, ການບໍລິຫານຄຸ້ມ ຄອງຊັບພະຍາກອນນໍ້າ, ວຽກ ງານຍົກລະດັບການຄຸ້ມຄອງ ພົນລະເມືອງ ແລະ ການອອກ ບັດປະຈຳຕົວທີ່ທັນສະໄໝ ແລະ ອື່ນໆ. ທ່ານ ອິດສ໌ວານ ຈູ ໄດ້ກ່າວ ສະແດງຄວາມຂອບໃຈ ທ່ານ ຮອງລັດຖະມົນຕີກະຊວງການ ຕ່າງປະເທດ ແຫ່ງ ສປປ ລາວ ພ້ອມດ້ວຍຄະນະທີ່ໄດ້ສະຫຼະ ເວລາອັນມີຄຸນຄ່າຕ້ອນຮັບອັນ ອົບອຸ່ນ ແລະ ກ່ອນໜ້ານີ້ຍັງໄດ້ ເຂົ້າຢ້ຽມຂໍ່ານັບ ແລະ ພົບປະ ເຮັດວຽກກັບພາກສ່ວນຕ່າງໆ ຂອງລາວ ເພື່ອທົບທວນການ ຈັດຕັ້ງປະຕິບັດບັນດາໂຄງການ ຮ່ວມມື ຮົງກາຣີ-ສປປລາວ ໃນປັດຈຸບັນກໍຄື ປຶກສາຫາລືທິດ ທາງການເສີມຂະຫຍາຍການ ຮ່ວມມືດ້ານຕ່າງໆ, ເຊິ່ງທັງສອງ ຝ່າຍມີຄວາມສົນໃຈ ແລະ ມີຜົນ ປະໂຫຍດຮ່ວມກັນ.

ຄຽງຄູ່ກັນ ນັ້ນ, ທ່ານ ຮອງລັດ ຖະມົນຕີ ຮົງ ກາຣີ ຍັງໄດ້ເຂົ້າຮ່ວມພິທີວາງ ສີລາລຶກ ສຳລັບໂຄງການນໍ້າ ປະປາດົງບັງ, ເຊິ່ງເປັນໂຄງ ການໜຶ່ງທີ່ໄດ້ນຳໃຊ້ເງິນກູ້ຢືມມີ ເງື່ອນໄຂປອດດອກເບ້ຍໃນໄລ ຍະ 3 ຈາກລັດຖະບານ ຮົງກາຣີ ອີກດ້ວຍ.

ການພົບປະຄັ້ງນີ້ ທັງສອງ ຝ່າຍໄດ້ຮ່ວມປຶກສາຫາລືກັນ ກ່ຽວກັບທິດທາງ ເສີມຂະຫຍາຍ ສາຍພົວພັນຮ່ວມມືສອງຝ່າຍໃນ ດ້ານຕ່າງໆໃນຕໍ່ໜ້າ, ເປັນຕົ້ນ ແມ່ນການຮ່ວມມືລະຫວ່າງສອງ ກະຊວງການຕ່າງປະເທດ, ການ ສຶກສາ, ການເງິນ ແລະ ອື່ນໆ, ພ້ອມທັງໄດ້ແລກປ່ຽນຄໍາຄິດຄໍາ ເຫັນ ກ່ຽວກັບບັນຫາພາກພື້ນ ແລະ ສາກົນ ທີ່ຕ່າງຝ່າຍມີຄວາມ ສົນໃຈ.

ການປຶກສາຫາລືຂອງທັງ ສອງຝ່າຍດຳເນີນໄປດ້ວຍບັນຍາ ກາດອັນສ້າງສັນ ແລະ ກົງໄປ ກົງມາ ບົນພື້ນຖານແຫ່ງສາຍພົວ ພັນມິດຕະພາບອັນເປັນມູນເຊື້ອ ແລະ ການເປັນຄູ່ຮ່ວມມືຍຸດທະ ສາດລະຫວ່າງສອງປະເທດ.

ໂດຍ: ແສງເດືອນ