ຕໍາຫຼວດຜູ້ມີຜົນງານດີເດັ່ນ ແລະ ຄົບເງື່ອນໄຂ ຢູ່ເມືອງບົວລະພາ ໄດ້ຮັບການເລື່ອນຊັ້ນ

ຕໍາຫຼວດຜູ້ມີຜົນງານດີເດັ່ນ ແລະ ຄົບເງື່ອນໄຂ ຢູ່ເມືອງບົວລະພາ ໄດ້ຮັບການເລື່ອນຊັ້ນ

12th November 2019 0 By Admin

ກອງບັນຊາການ ເມືອງບົວລະພາ ແຂວງ ຄຳມ່ວນ ໄດ້ຈັດພິທີປະກາດເລື່ອນຊັ້ນນາຍ ແລະ ພົນຕໍາຫຼວດ ໃນກຳລັງປ້ອງກັນຄວາມສະຫງົບ ທີ່ມີຜົນງານດີເດັ່ນ ແລະ ຄົບຕາມເງື່ອນໄຂຂຶ້ນໃນວັນທີ  8 ພະຈິກ 2019 ທີ່ ຜ່ານມານີ້ ໂດຍການເປັນປະທານ ຂອງ ພັນໂທ ວົງມາ ໄຊສີຈັນ ຫົວກອງບັນຊາການ ປກສ ເມືອງບົວລະພາ ໃຫ້ກຽດເຂົ້າຮ່ວມ ຂອງທ່ານ ບຸນກວ້າງ ແກ້ວບຸນຍົງ ຫົວໜ້າກອງບັນຊາການ ປກຊ ເມືອງບົວລະພາ ມີບັນດານາຍ ແລະ ພົນຕໍາຫຼວດເຂົ້າຮ່ວມ.

ໃນພິທີ ພັນຕີ ນວນຕາ ໄຊຍະລາດ ໄດ້ຂຶ້ນຜ່ານແຈ້ງການຂອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ ເລກທີ 4138/ຫວ; ຜ່ານຂໍ້ຕົກລົງ ຂອງກອງບັນຊາການ ປກສ ເມືອງບົວລະພາ ເລກ ທີ 94/ປກສ.ບພ ວ່າດ້ວຍການສັບຊ້ອນພະນັກງານ-ນັກຮົບພາຍໃນກຳລັງ; ຜ່ານແຈ້ງການ ແລະ ຄໍາສັ່ງແນະນຳຂອງກະຊວງພາຍໃນ ແລະ ພະແນກພາຍໃນແຂວງ ກ່ຽວກັບວຽກງານພະແນກຄຸ້ມຄອງສຳມະໂນຄົວ ແລະ ລະບຽບການຕ່າງໆຂອງກໍາລັງ ປກສ ເມືອງ.

ເຊິ່ງການປະກາດເລື່ອນຊັ້ນນາຍຕຳຫຼວດ ໃນກຳລັງປ້ອງກັນຄວາມສະຫງົບໃນນີ້: ພັນຕີ ຂຶ້ນເປັນ ພັນໂທ ມີ 3 ສະຫາຍ; ເລື່ອນຊັ້ນ ຮ້ອຍເອກ ຂຶ້ນເປັນພັນຕີ ມີ 3 ສະຫາຍ; ຮ້ອຍໂທ ຂຶ້ນ ຮ້ອຍເອກ ມີ 3 ສະຫາຍ; ເລື່ອນຊັ້ນ ວາທີຮ້ອຍຕີ ຂຶ້ນເປັນຮ້ອຍຕີ ມີ 1 ສະຫາຍ ແລະ ເລື່ອນຊັ້ນ ສິບໂທ ຂຶ້ນເປັນ ສິບເອກ 3 ສະຫາຍ.

ພ້ອມນັ້ນ, ໃນຕອນທ້າຍຂອງພິທີ ພັນໂທ ບຸນກວ້າງ ແກ້ວບຸນຍົງ ໄດ້ໂອ້ລົມ ແລະ ຮຽກຮ້ອງໃຫ້ບັນສະຫາຍໃນກຳລັງ ປກສ ຕ້ອງມີຄວາມສາມັກຄີຊ່ວຍເຫຼືອເຊິ່ງກັນ ແລະ ກັນຝືກຜົນຕົນເອງດ້ານວິຊາສະເພາະ ພ້ອມກັນປົກປັກຮັກສາຄວາມສະຫົງບພາຍໃນບ້ານກໍ່ຄືໃນສັງຄົມໃຫ້ມີຄວາມສະຫົງບເປັນລະບຽບຮຽບຮ້ອຍໃນທຸກດ້ານ.

ທີ່ມາ: Khammouane News