ກອງປະຊຸມປະກາດການຈັດຕັ້ງ ແລະ ຍົກຍ້າຍພະນັກງານຂອງເມືອງຍົມມະລາດ

ກອງປະຊຸມປະກາດການຈັດຕັ້ງ ແລະ ຍົກຍ້າຍພະນັກງານຂອງເມືອງຍົມມະລາດ

12th February 2020 0 By Admin

ໃນຕອນເຊົ້າຂອງວັນທີ 12 ກຸມພາ 2020 ຢູ່ທີ່ສະໂມສອນເມືອງຍົມມະລາດໄດ້ເປີດກອງປະຊຸມ #ປະກາດການຈັດຕັ້ງ ແລະ ຍົກຍ້າຍ ພະນັກງານຂອງເມືອງຍົມມະລາດໃຫ້ກຽດເປັນທານຂອງທ່ານ ບຸນທັນ ສຸວັນນະລາດ ເລຂາພັກເມືອງ ເຈົ້າເມືອງໆຍົມມະລາດ, ເຊິ່ງມີບັນດາທ່ານ ຄະນະປະຈຳພັກເມືອງ, ກຳມະການພັກເມືອງ, ຄະນະຫ້ອງການອອ້ມຂ້າງເມືອງເຂົ້າຮ່ວມຢ່າງພ້ອມພຽງ.

ທ່ານ ທູນທະວີ ຫຼວງໄຊຊະນະ ຫົວໜ້າຫ້ອງການພາຍໃນເມືອງໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າເມືອງໆຍົມມະລາດວ່າດ້ວຍການແຕ່ງຕັ້ງຍົກຍ້າຍ ບັນຈຸຊັບຊ້ອນພະນັກງານໄປຮັບໜ້າທີ່ໃໝ່, ຜ່ານຂໍ້ຕົກລົງສະບັບເລກທີ 25/ຈມ.ຍລ ລົງວັນທີ 10 ກຸມພາ 2020 ວ່າ

ດ້ວຍການຍົກຍ້າຍຫ້ອງການວິທະຍາສາດ ແລະ ເຕັກໂນໂລຊີເມືອງໄປປະຈຳການຢູ່ຫ້ອງວ່າການປົກຄອງເມືອງ, ຜ່ານຂໍ້ຕົກລົງສະບັບເລກທີ 26/ຈມ.ຍລ ວ່າດ້ວຍການແຕ່ງຕັ້ງຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງເຊິ່ງແຕ່ງຕັ້ງ ທ່ານ ສີຄຳ ແພງພົງພັນ ອະດີດວ່າການຫົວໜ້າຫ້ອງ ການແຜນການ ແລະ ການລົງທືນເປັນຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງ, ຜ່ານຂໍ້ຕົກລົງສະ ບັບເລກທີ 27/ຈມ.ຍລ ວ່າດ້ວຍການແຕ່ງຕັ້ງຮັກສາການຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງ,

ເຊິ່ງແຕ່ງຕັ້ງ ທ່ານ ນາງ ໂຊກຖາວອນ ທ່ຽນທອງມີ ເປັນຮັກສາການຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງ, ຜ່ານຂໍ້ຕົກລົງ ສະບັບເລກທີ 28/ຈມ.ຍລ ລົງວັນທີ 10 ກຸມພາ 2020 ວ່າດ້ວຍການແຕ່ງຕັ້ງຫົວໜ້າຫ້ອງການແຜນການ ແລະ ການລົງທືນເມືອງເຊິ່ງແຕ່ງຕັ້ງທ່ານເກີນຄຳ ໜໍ່ສຸວັນ ອະດີດຮອງປະທານກວດກາພັກ – ລັດ ເປັນຫົວໜ້າຫ້ອງການ ແຜນການ ແລະ ການລົງທຶນເມືອງ.

ໃນຕອນທ້າຍກອງປະຊຸມທ່ານ ບຸນທັນ ສຸວັນນະລາດ ເຈົ້າເມືອງໆຍົມມະລາດ ຍັງໄດ້ປະກອບຄຳຄິດຄຳເຫັນເພື່ອເປັນທິດເຍືອງທາງ ການກ້າວເດີນຕາມແນວທາງປ່ຽນແປງໃໝ່ຂອງພັກ – ລັດ ສິ່ງສຳຄັນທ່ານ ໄດ້ເນັ້ນໜັກ ຢ່າງກົງໄປກົງມາ ກ່ຽວກັບສິດ, ໜ້າທີ່ ແລະ ພາລະບົດບາດ, ວິທີການເຮັດວຽກຂອງວຽກງານແຜນການ ແລະ ການລົງທືນ, ວຽກງານວິທະຍາສາດ ແລະ ເຕັກໂນໂລຊີ.

ຈາກ: ແຂວງຄໍາມ່ວນ