ທ່າແຕງ ສ້າງຂະບວນສັກຢາປ້ອງກັນພະຍາດສັດ ເນື່ອງໃນວັນປ້ອງກັນພະຍາດສັດລ້ຽງແຫ່ງຊາດ

ທ່າແຕງ ສ້າງຂະບວນສັກຢາປ້ອງກັນພະຍາດສັດ ເນື່ອງໃນວັນປ້ອງກັນພະຍາດສັດລ້ຽງແຫ່ງຊາດ

11th November 2019 0 By Admin

ຫ້ອງການກະສີກຳ ແລະ ປ່າໄມ້ ເມືອງ ທ່າແຕງແຂວງ ເຊກອງ ຈັດກິດຈະກໍາສັກຢາປ້ອງກັນພະຍາດສັດລ້ຽງແຫ່ງຊາດ ຂື້ນໃນວັນທີ 8 ພະຈິກ 2019 ຜ່ານມາ ຢູ່ທີ່ບ້ານສະຖົວເໜືອ ໂດຍເປັນທ່ານຂອງ ທ່ານ ຈຳປາທອງ ຄຳມະນີວົງ ຄະນະຫ້ອງການກະສິກຳ ແລະ ປ່າໄມ້ເມືອງທ່າແຕງທັງເປັນ ຫົວໜ້າເຂດຈຸດສຸມພັດທະນາທີ v , ທ່ານ ບຸນຈັນ ສີມຈະເລີນ ຮອງຂະແໜງລ້ຽງສັດ ພະແນກກະສິກຳ ແລະ ປ່າໄມ້ແຂວງ ເຊກອງ, ມີບັນດາຫົວໜ້າ-ຮອງຫ້ອງການ, ພະນັກງານສັດຕະວະແພດ, ອົງການຈັດຕັ້ງບ້ານ, ພໍ່ແມ່ປະຊາຊົນ 2 ບ້ານເຂົ້າຮ່ວມ.


ທ່ານ ຈຳປາທອງ ຄໍາມະນີວົງ ຄະນະຫ້ອງການກະສິກຳ ແລະ ປ່າໄມ້ເມືອງທ່າແຕງກ່າວວ່າ: ໂດຍສືບຕໍ່ປະຕິບັດຕາມທິດນໍາສາມສ້າງຂອງພັກ-ລັດວາງອອກໃຫ້ຕິດພັນກັບແຜນພັດທະນາກະສິກໍາແລະປ່າໄມ້ເມືອງໃນແຕ່ລະໄລຍະ. ດັ່ງນັ້ນ, ພັກ ແລະ ລັດຖະບານແຫ່ງສປປ ລາວ  ໄດ້ໃຫ້ຄວາມໝາຍສໍາຄັນຕໍ່ກັບການສັກຢາປ້ອງກັນພະຍາດ ໂດຍໄດ້ກໍານົດເອົາວັນທີ 11 ພະຈິກຂອງທຸກໆປີ ເປັນວັນສັກຢາປ້ອງກັນພະຍາດແຫ່ງຊາດ, ເຊິ່ງໃນແຕ່ລະປີເມື່ອເຖິງວັນດັ່ງກ່າວ ມີຫຼາຍທ້ອງຖິ່ນກໍ່ໄດ້ຈັດພິທີຂື້ນ ເພື່ອສ້າງຂະບວນການຮັກສາສຸຂະພາບສັດລ້ຽງຢ່າງເປັນຂະບວນການຝົດຟື້ນເວົ້າລວມ, ເວົ້າສະເພາະ ແມ່ນ ເຂດຈຸດສຸມພັດທະນາທີ 5 ທີ່ໄດ້ຈັດກິດຈະກໍາສັກຢາປ້ອງກັນພະຍາດສັດລ້ຽງແຫ່ງຊາດຢ່າງທົ່ວເຖິງ ເພື່ອໃຫ້ປອດພະຍາດໃນອານາຄົດ.

ມາຮອດປັດຈຸບັນການສັກຢາປ້ອງກັນພະຍາດສັດລ້ຽງໃນທົ່ວເຂດຈຸດສຸມພັດທະນາທີ 5 ໄດ້ທັງໝົດ 1 ພັນ 995 ໂຕ ຫຼື ເທົ່າກັບ 60 ກ່ວາສ່ວນຮ້ອຍ ໃນນີ້. ງົວມີ 10 ພັນ 633 ໂຕ, ໝູມີ 9 ພັນ 728  ໂຕ, ແບ້ 965 ໂຕ,ສັດປີກມີ 34 ພັນ 966 ໂຕ.


ໂອກາດນີ້ທ່ານ ບຸນຈັນ ສີມຈະເລີນ ຮອງຂະແໜງລ້ຽງສັດ ພະແນກກະສິກຳ ແລະ ປ່າໄມ້ແຂວງເຊກອງ ໄດ້ສະແດງຍ້ອງຍໍຊົມເຊີຍມາຍັງພະນັກງານສັດຕະວະແພດ,ພໍ່ແມ່ປະຊາຊົນ ທີ່ໄດ້ເອົາໃຈໃສ່ເຕົ້າໂຮມສັດລ້ຽງເພຶ່ອສັກຢາປ້ອງກັນພະຍາດ ແລະເປັນການຕອນຮັບ. ໃນວັນທີ 11 ພະຈິກ ເປັນວັນສັກຢາປ້ອງກັນພະຍາດສັດລ້ຽງແຫ່ງຊາດ. ພ້ອມຮຽກຮ້ອງມາຍັງຄະນະພັກ-ນາຍບ້ານ, ສັດຕະວະແພດ, ອົງການຈັດຕັ້ງບ້ານ,  ພໍ່ແມ່ປະຊາຊົນ ຈົ່ງນໍາເອົາເນື້ອໃນຈິດໃຈຄັ້ງນີ້ໄປຈັດຕັ້ງປະຕິບັດ, ຜັນຂະຫຍາຍຢ່າງຮັດກຸມໂດຍກໍານົດເອົາລະບຽບການ, ມາດຕະການ, ແນວທາງນະໂຍບາຍຂອງພັກ, ເພື່ອປຸກລະດົມໃຫ້ປະຊາຊົນລາວບັນດາເຜົ່າ, ນັກຮຽນຮູ້ປັນຍາຊົນມີຈິດສໍານຶກ, ເປັນເຈົ້າການຄຸ້ມຄອງ-ຮັກສາສຸຂະພາບສັດລ້ຽງ ພ້ອມທັງຫັນເອົາສັດລ້ຽງຂອງຕົນ ໄດ້ເຂົ້າຮ່ວມສັກຢາໃຫ້ຫຼາຍຂຶ້ນກ່ວາເກົ່າ.

ທີ່ມາ: ຂ່າວ ເມືອງ ທ່ແຕງ