ກອງພັນ 424 ຮັບຮອງກົມກອງວັດທະນະທຳ-ນັກຮົບວັດທະນະທຳ ສະໄໝທີ I

ກອງພັນ 424 ຮັບຮອງກົມກອງວັດທະນະທຳ-ນັກຮົບວັດທະນະທຳ ສະໄໝທີ I

9th February 2020 0 By Admin

ພິທີປະກາດຮັບຮອງກອງ ພັນ 424 ທີ່ຂຶ້ນກັບກອງພັນໃຫຍ່ 497 ເປັນກອງວັດທະນະທຳ- ນັກຮົບວັດທະນະທຳ ສະໄໝທີ I ປະຈຳປີ 2019 ໄດ້ຈັດຂຶ້ນໃນວັນ ທີ 6 ກຸມພາ 2020, ໂດຍການ ເປັນປະທານຂອງ ສະຫາຍ ພັນ ເອກ ຄຳເພັງ ແກ້ວວົງສາ ເລຂາ ຄະນະພັກ ຫົວໜ້າການເມືອງ ກອງພັນໃຫຍ່ 497, ເຂົ້າຮ່ວມມີ ສະຫາຍ ພັນເອກ ວິລະໄຊ ສົມສັກ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາກອງ ພັນໃຫຍ່, ກອງພັນນ້ອຍ, ແຂກ ທີ່ຖືກເຊີນຈາກກົມກອງອ້ອມ ຂ້າງ ແລະ ພະນັກງານ-ນັກຮົບ ເຂົ້າຮ່ວມ.

ໃນພິທີ ສະຫາຍ ພັນໂທ ທິດ ທະວົງ ໄມບຸນສອນ ຮອງເລຂາ ຄະນະພັກຮາກຖານ ຫົວໜ້າ ການທະຫານກອງພັນ 424 ໄດ້ຜ່ານບົດສະຫຼຸບຕີລາຄາຜົນ ສຳເລັດການຈັດຕັ້ງປະຕິບັດປັບ ປຸງກໍ່ສ້າງກອງວັດທະນະທຳ- ນັກຮົບວັດທະນະທຳ ໃນໜຶ່ງປີ ຜ່ານມາ. ຄະນະພັກ-ຄະນະບັນ ຊາໄດ້ສຸມໃສ່ປັບປຸງກໍ່ສ້າງກົມ ກອງວັດທະນະທຳຕາມ 5 ມາດ ຖານ ແລະ 5 ເນື້ອໃນການກໍ່ ສ້າງນັກຮົບວັດທະນະທຳທີ່ ຂັ້ນເທິງວາງອອກ, ໂດຍສະ ເພາະແມ່ນການສ້າງຄ້າຍຄູຖືກ ຕ້ອງຕາມຂໍ້ກໍານົດຂອງກົມໃຫຍ່ ເສນາທິການກອງທັບວາງອອກ.

ລະບົບຫ້ອງການ, ເຮືອນນອນ ຫ້ອງນໍ້າ, ຫໍຂ່າວ, ຫໍສະໝຸດ, ມີເຮືອນຈອດລົດຈັກ, ເດີ່ນຫຼິ້ນ ກີລາ, ປະຕູໂຂງ, ມີສະຖານທີ່ ເຝິກແອບຮໍ່າຮຽນ, ດ້ານສິນ ລະປະຍຸດ-ຍຸດທະວິທີ, ປ້າຍ ຄໍາຂວັນ, ພ້ອມນັ້ນກໍປະຕິບັດ ໄດ້ 3 ງາມ, ຂອບເຂດຮັບຜິດ ຊອບມີໜານດອກໄມ້, ເດີນຫຍ້າ ຂຽວງາມ,

ນອກນັ້ນກໍຍັງໄດ້ ພົວພັນກັບບັນດາກົມກອງທ້ອງ ຖິ່ນ, ຂອບເຂດກົມກອງຮັບຜິດ ຊອບເປັນປົກກະຕິ, ສາມາດເກັບກໍາໄດ້ສະພາບຮອບດ້ານຢູ່ພື້ນ ຖານປະຊາຊົນ, ດ້ານການຈັດຕັ້ງມີລະບົບການຈັດຕັ້ງຄົບຊຸດ ແລະ ຖືກຕ້ອງຕາມຫຼັກການປະ ກອບຂອງກອງທັບ, ມີການຈັດ ຕັ້ງນໍາພາ-ບັນຊາ ແລະ ອົງການ ຈັດຕັ້ງຊາວໜຸ່ມປະຊາຊົນປະຕິ ວັດລາວ, ຄະນະພັກ-ຄະນະບັນ ຊາແຕ່ລະຂັ້ນລ້ວນແລ້ວແຕ່ໄດ້ເຄື່ອນໄຫວໄປຕາມພາລະບົດ ບາດ, ໂດຍສະເພາະແມ່ນເຄື່ອນ ໄຫວພາຍໃນໜ່ວຍແມ່ນໄດ້ເຮັດ ວຽກງານການເມືອງແນວຄິດ ເປັນປະຈໍາ, ແຕ່ລະວັນກໍໄດ້ຈັດ ຕັ້ງຄະນະປະຈໍາການ, ກໍາລັງ ປະຈໍາການຢ່າງເປັນປົກກະຕິ, ພະນັກງານ-ນັກຮົບຢູ່ພາຍໃນ ກົມກອງມີແນວຄິດອຸ່ນອຽງທຸ່ນ ທ່ຽງເຮັດສໍາເລັດໜ້າທີ່, ທີ່ຂັ້ນ ເທິງມອບໝາຍໃຫ້, ວຽກງານ ຮັບປະກັນຊີວິການເປັນຢູ່ປະຕິ ບັດຕາມທິດນຳເພິ່ງຕົນເອງກຸ້ມ ຕົນເອງ ແລະ ສ້າງຄວາມເຂັ້ມ ແຂງດ້ວຍຕົນເອງ ສະແດງອອກ ຮັບປະກັນດ້ານຜັກກິນໄດ້ 90%, ຊີ້ນ-ປາໄດ້ 30%,

ໃນປີຜ່ານມາ ສາມາດສ້າງລາຍຮັບຈາກການ ເຮັດນາ, ປູກຝັງ-ລ້ຽງສັດເປັນ ເງິນ 68 ລ້ານກວ່າກີບ, ນອກ ນັ້ນກົມກອງຍັງໄດ້ສຸມທຶນຮອນ ດັ່ງກ່າວເຂົ້າໃນການປັບປຸງກໍ່ ສ້າງກົມກອງວັດທະນະທໍາ-ນັກ ຮົບວັດທະນະທໍາ ດ້ວຍທຶນຂອງ ກົມກອງ 85%, ທຶນຂອງຂັ້ນ ເທິງຊ່ວຍເຫຼືອ 15%, ທຽບໃສ່ ແຜນການແມ່ນປະຕິບັດໄດ້ລື່ນ ຄາດໝາຍ, ສູ້ຊົນກຸ້ມຕົນເອງ ທາງດ້ານວັດຖຸ-ອຸປະກອນຕ່າງໆ ເພື່ອເຄື່ອນໄຫວວຽກງານການ ເມືອງ-ວຽກງານວັດທະນະທໍາ ຂອງກົມກອງເຊັ່ນ: ຫໍສະໝຸດ, ຫໍຂ່າວ, ຕູ້ໃສ່ວາລະສານ, ໜັງ ສືພີມ, ຈັດຕັ້ງອ່ານໜັງສືພິມ ກອງທັບ, ມີລະບົບເຄື່ອງສຽງ, ໂທລະໂຄ່ງ, ໂທລະພາບເພື່ອ ໃຫ້ພະນັກງານ-ນັກຮົບຕິດຕາມ ອ່ານ-ຂ່າວ, ມີຂະບວນການກີລາ ປະເພດຕ່າງໆເຄື່ອນໄຫວເປັນປົກ ກະຕິ.

ຢູ່ໃນຄ້າຍມີປ້າຍປະໂນ ແລະ ຄໍາຂວັນຕ່າງໆ, ສັງລວມ ແລ້ວການປັບປຸງກໍ່ສ້າງກອງວັດ ທະນາທໍາ-ນັກຮົບວັດທະນະທຳ ສາມາດບັນລຸແຕ່ລະມາດຖານໄດ້ 90% ຂຶ້ນໄປ, ຕໍ່ຜົນສຳເລັດດັ່ງ ກ່າວກອງຮ້ອຍ 1, ກອງຮ້ອຍ 2, ກອງຮ້ອຍ 3, ກອງຮ້ອຍ 4 ແລະ ໝວດສຳນັກງານຂອງກອງພັນ 424 ຈິ່ງໄດ້ຮັບໃບຢັ້ງຢືນເປັນ ກອງວັດທະນະທຳ ສະໄໝທີ 1 ປະຈຳປີ 2019 ຢ່າງສົມກຽດ.

ໂອກາດນີ້ ສະຫາຍ ພັນເອກ ຄໍາເພັງ ແກ້ວວົງສາ ເລຂາຄະ ນະພັກ ຫົວໜ້າການເມືອງກອງ ພັນໃຫຍ່ 497 ໄດ້ໂອ້ລົມຕໍ່ພິທີ ດັ່ງກ່າວວ່າ: ຄຽງຄູ່ກັບຜົນງານ ທີ່ກົມກອງຍາດມາໄດ້ນັ້ນ ຖ້າ ທຽບໃສ່ຄວາມຮຽກຮ້ອງຕ້ອງ ການໃນໄລຍະໃໝ່, ຄະນະພັກ- ຄະນະບັນຊາແຕ່ລະຂັ້ນຕ້ອງໄດ້ ເອົາໃຈໃສ່ປັບປຸງສຶກສາອົບຮົມ ການເມືອງ-ນຳພາແນວຄິດເປັນ ກົກ, ຮັກສາມູນເຊື້ອຂອງກອງທັບ ກໍຄືຂອງກົມກອງທີ່ຍາດມາໄດ້, ຍົກສູງສະຕິຄວາມເປັນເຈົ້າການ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ ຕາມທ່າແຮງບົ່ມຊ້ອມຂອງ ກົມກອງເຂົ້າໃນການຜະລິດແກ້ ໄຂຊີວິດການເປັນຢູ່, ຄຸ້ມຄອງ ນຳໃຊ້ວັດຖຸອຸປະກອນ, ພາຫະນະ ເຕັກນິກ ແລະ ຜົນຜະລິດຂອງ ກົມກອງໃຫ້ເກີດຜົນປະໂຫຍດ ສູງສຸດ.

ໂດຍ: ເພັດ ສົມນໍວັນ