ສານປະຊາຊົນສູງສຸດ ຈັດພິທີປາຖະກະຖາວັນສ້າງຕັ້ງອົງການກໍາມະບານລາວ ຄົບຮອບ 64 ປີ

ສານປະຊາຊົນສູງສຸດ ຈັດພິທີປາຖະກະຖາວັນສ້າງຕັ້ງອົງການກໍາມະບານລາວ ຄົບຮອບ 64 ປີ

8th February 2020 0 By Admin

ສານປະຊາຊົນສູງສຸດ ຈັດພິທີປາຖະກະຖາວັນສ້າງຕັ້ງອົງການກໍາມະບານລາວ ຄົບຮອບ 64 ປີ (1 ກຸມພາ 1956 – 1 ກຸມພາ 2020) ໃນວັນທີ 06 ກຸມພາ 2020 ໂດຍໃຫ້ກຽດບັນລະຍາຍໂດຍທ່ານ ຄຳພັນ ບຸນພາຄົມ ຮອງປະທານສານປະຊາຊົນສູງສຸດ, ພ້ອມດ້ວຍບັນດາສະມາຊິກກຳມະບານສານປະຊາຊົນສູງສຸດເຂົ້າຮ່ວມ.

ໂດຍຈຸດປະສົງຂອງການປາຖະກະຖາຄັ້ງນີ້ແມ່ນ ເພື່ອໃຫ້ສະມາຊິກກໍາມະບານ ໄດ້ຮັບຮູ້ ແລະ ກໍາແໜ້ນສະພາບແວດລ້ອມທີ່ພາໃຫ້ມີອົງການກໍາມະບານລາວກໍາເນີດເກີດຂຶ້ນ, ການເຕີບໃຫຍ່ຂະຫຍາຍຕົວຂອງອົງການກໍາມະບານລາວ, ເຊິ່ງທ່ານໄດ້ຍົກໃຫ້ເຫັນໃນໄລຍະປີ 1966-1978 ສູນກາງພັກໄດ້ຕົກລົງປັບປຸງການຈັດຕັ້ງກໍາມະບານລາວ.

ຕະຫຼອດໄລຍະທີ່ຜ່ານມາ, ຊົນຊັ້ນກໍາມະກອນ ແລະ ຊາວຜູ້ອອກແຮງງານລາວ ໄດ້ເຕີບໃຫຍ່ຂະຫຍາຍຕົວ ແລະ ເປັນກໍາລັງແຮງຫຼັກແຫຼ່ງຕົ້ນຕໍແຫ່ງການຜະລິດຂອງລະບອບໃໝ່. ພ້ອມນັ້ນ ທ່ານ ຄູນ ຜາສຸກ ປະທານສະຫະພັນ ກຳມະບານ ສານປະຊາຊົນສູງສຸດ ຍັງໄດ້ສະຫຼູບຜົນງານພົ້ນເດັ່ນ ໄລຍະຜ່ານມາ ແລະ ສ້າງຂະບວນການກິລາ ເປຕັງ ເພື່ອຂຳນັບຮັບຕ້ອນ ວັນສ້າງຕັ້ງກໍາມະບານລາວໃຫ້ຄືກຄື້ນ ແລະ ຮັດແໜ້ນຄວາມສາມັກຄີລະຫວ່າງສະມາຊິກກຳມະບານດ້ວຍກັນ.

.

ຈາກ: ສານປະຊາຊົນສູງສຸດແຫ່ງ ສປປ ລາວ The People’s Supreme Court Lao PDR