ບໍລິສັດ ໄຟຟ້າ ຫົງສາ ຈັດງານທອດກະຖິນສາມັກຄີ ປະຈໍາປີ 2019 ທີ່ ວັດສີບຸນເຮືອງ ເມືອງຫົງສາ

ບໍລິສັດ ໄຟຟ້າ ຫົງສາ ຈັດງານທອດກະຖິນສາມັກຄີ ປະຈໍາປີ 2019 ທີ່ ວັດສີບຸນເຮືອງ ເມືອງຫົງສາ

11th November 2019 0 By Lao Admin

ບໍລິສັດ ໄຟຟ້າ ຫົງສາ ຈໍາກັດ ຮ່ວມກັບບໍລິສັດ ພາຍໃນໂຄງການໄຟຟ້າຫົງສາ ຈັດງານທອດກະຖິນສາມັກຄີ ປະຈໍາປີ 2019 ທີ່ ວັດສີບຸນເຮືອງ ບ້ານສີບຸນເຮືອງ ເມືອງຫົງສາ ແຂວງໄຊຍະບູລີ ສໍາລັບປີ 2019 ນີ້ ເປັນປີທີ 4 ຂອງການຈັດງານທອດກະຖິນສາມັກຄີປະຈໍາປີ (ເລີ່ມແຕ່ປີ 2016 ເປັນຕົ້ນມາ) ໂດຍມີຄະນະຜູ້ບໍລິຫານ ແລະ ພະນັກງານບໍລິສັດພາຍໃນໂຄງການ, ການນໍາເມືອງ, ການນໍາບ້ານ, ເຈົ້າໜ້າທີ່ພາກລັດ, ພາກເອກະຊົນ ແລະ ພໍ່ແມ່ປະ ຊາຊົນ ເມືອງຫົງສາ ເຂົ້າຮ່ວມງານຢ່າງພ້ອມພຽງ.

ຈຸດປະສົງຂອງການຈັດງານທອດກະຖິນສາມັກຄີ ປະຈໍາປີ 2019 ເພື່ອການບູລະນະປະຕິສັງຂອນພະອາຣາມ ແລະ ອື່ນໆ ຢູ່ພາຍໃນວັດສີບຸນເຮືອງ ໃຫ້ເປັນສະຖານທີ່ສູນລວມຈິດໃຈໃຫ້ກັບພຸດທະສາຊະນິກະຊົນຂອງ ບ້ານສີບຸນເຮືອງ ແລະ ເມືອງຫົງສາ ສືບຕໍ່ໄປ ໂດຍຍອດເງິນເຮັດບຸນຈາກກອງກະຖິນສາມັກຄີປີ 2019 ນີ້ ລວມທັງໝົດ 86 ລ້ານກວ່າກີບ, 452.324 ບາດ ແລະ 11 ໂດລາສະຫະລັດ. ບໍລິສັດ ໄຟຟ້າ ຫົງສາ ຈໍາກັດ ແລະ ບໍລິສັດ ພາຍໃນໂຄງການໄຟຟ້າຫົງສາ

 

ຂໍອາລາດທະນາຄຸນພະສີລັດຕະນະໄຕ ຈົ່ງບັນດານປະທານພອນໃຫ້ທຸກທ່ານຈົ່ງປະສົບແຕ່ຄວາມ ສຸກ ຄວາມຈະເລີນ ດ້ວຍຈະຕຸລະພິດພອນໄຊທັງ 4 ຄື: ອາຍຸ ວັນນະ ສຸຂະ ພະລະ ປະຕິພານສະນະສານສົມບັດ ປະສົບຄວາມຈະເລີນໃນໜ້າທີ່ການງານສົມຄວາມປາຖະໜາທຸກປະການໂດຍທົ່ວເຖິງກັນ

ທີ່ມາ: ຂປລ