ບໍ່ມີຫຍັງເປັນໄປບໍ່ໄດ້! ສຳເລັດຕາມກຳນົດ 10 ມື້ ອູຮ່ານເປີດນຳໃຊ້ໂຮງໝໍຫົວເສີນຊານຫຼັງໃໝ່ມື້ນີ້

ບໍ່ມີຫຍັງເປັນໄປບໍ່ໄດ້! ສຳເລັດຕາມກຳນົດ 10 ມື້ ອູຮ່ານເປີດນຳໃຊ້ໂຮງໝໍຫົວເສີນຊານຫຼັງໃໝ່ມື້ນີ້

3rd February 2020 0 By Admin

ທັບເຈົ້າໜ້າທີ່ການແພດ ຈຳນວນ 1.400 ຄົນ ເຊິ່ງໄດ້ຮັບການອະນຸມັດໂດຍທ່ານ ສີຈິ້ນຜິງ ປະທານຄະນະກຳມະທິການທະຫານສ່ວນກາງ ແລະ ປະທານາທິບໍດີຈີນ ຮັບພາລະກິດເບິ່ງແຍງຜູ້ປ່ວຍໃນໂຮງໝໍຫົວເສີນຊານ ນະຄອນອູ່ຣ່ານ ເຊິ່ງຈະເປີດໃຫ້ບໍລິການເປັນມື້ທຳອີດຂອງວັນທີ 3 ກຸມພາ 2020.


ວັນທີ 3 ກຸມພາ 2020 ໂຮງໝໍຫົວເສີນຊານ ເປັນໂຮງໝໍພິເສດ ກໍ່ສ້າງໃໝ່ ຂະໜາດ 34.000 ຕາລາງແມັດ ພ້ອມດ້ວຍຕຽງຮອງຮັບຜູ້ປ່ວຍ ຈຳນວນ 1.000 ຕຽງ ເພື່ອປິ່ນປົວຜູ້ປ່ວຍຈາກໂຣກອັກເສບປອດຈາກເຊື້ອໄວຣັສໂຄໂຣນາແຫ່ງທຳອິດ ໂດຍອ້າງອີງຮູບແບບການກໍ່ສ້າງຈາກໂຮງໝໍ ສ່ຽວທັງຊານ ໃນນະຄອນປັກກິ່ງ ທີ່ເຄີຍໃຊ້ເປັນສະຖານກັກກັນ ແລະ ປິ່ນປົວຜູ້ປ່ວຍໂຣກຊາລສ໌ ໃນປີ 2003 ແລະ ມີກຳນົດການກໍ່ສ້າງສຳເລັດພາຍໃນຄໍ່າຄືນຂອງວັນອາທິດ ( 2 ກຸມພາ 2020) ແລະ ຮັບຜູ້ປ່ວຍກຸ່ມທໍາອິດໃນມື້ນີ້.


ທີມແພດເຫຼົ່ານີ້ ປະກອບດ້ວຍແພດຈາກໂຮງໝໍແຫ່ງຕ່າງໆ ໃນເຄືອຂອງກອງທັບສະໝັບສະໜູນໂລຈິກຕິກສ໌ ແຫ່ງກອງທັບປົດແອກປະຊາຊົນຈີນ (PLA) ຈໍານວນ 950 ຄົນ ແລະ ແພດຈາກມະຫາວິທະຍາໄລແພດຂອງກອງທັບບົກ, ກອງທັບເຮືອ ແລະ ກອງທັບອາກາດ ແຫ່ງກອງທັບປົດແອກປະຊາຊົນຈີນອີກ 450 ຄົນ ເຊິ່ງຖືກສົ່ງໄປຍັງນະຄອນອູຮ່ານແລ້ວກ່ອນໜ້ານີ້.


ຂະນະດຽວກັນ ຍັງມີການຈັດຕັ້ງຄະນະຜູ້ຊ່ຽວຊານຮ່ວມ 15 ຄົນ ເພື່ອດູແລປ້ອງກັນ ແລະ ຄວບຄຸມໂຣກຂອງໂຮງໝໍແຫ່ງນີ້ອີກດ້ວຍ.
ໃນບັນດາແພດທະຫານກຸ່ມນີ້ ມີຫຼາຍຄົນເຄີຍເຂົ້າຮ່ວມພາລະກິດ ການຕໍ່ສູ້ກັບໂຣກລະບາດເຊັ່ນ: ໂຣກຊາລສ໌ ທີ່ໂຮງໝໍສ່ຽວທັງໍານ ໃນນະຄອນປັກກິ່ງ ຫຼື ຖຣກອີໂບລາ ໃນປະເທດເຊຍຣາລີໂອນ ແລະ ໄລບີເຣຍ ທັງຍັງມີປະສົບການດ້ານການປິ່ນປົວໂຣກຕິດຕໍ່ຫຼາຍໂຣກດ້ວຍ.