ເດັກໄວ 5 ປີ ໄດ້ຜ່າຕັດຕາ ຍ້ອນຫຼິ້ນໂທລະສັບ

ເດັກໄວ 5 ປີ ໄດ້ຜ່າຕັດຕາ ຍ້ອນຫຼິ້ນໂທລະສັບ

3rd February 2020 0 By Admin

ມື້ນີ້ມີເລື່ອງໃກ້ຕົວທີ່ຢາກໃຫ້ຮູ້ ນັ້ນກໍ່ຄືການຫັດລ້ຽງລູກດ້ວຍມືຖື, ຖ້າເວົ້າເລື່ອງນີ້ມາພໍ່ແມ່ຫຼາຍໆຄົນກໍ່ວ່າແນວລູກຢາກຫຼິ້ນເດ!!! ແຕ່ວ່າຄວາມຈິງແລ້ວລູກບໍ່ຮູ້ຫຼິ້ນແຕ່ຕົ້ນພໍ່ແມ່ເປັນຄົນຍິບຍື່ນໃຫ້ກ່ອນລູກຈະຕິດ ແລ້ວທ່ານຮູ້ຫຼື ຍັງອັນຕະລາຍຂອງມືຖືມີແນວໃດ? ມື້ນີ້ເຮົາມາຮູ້ເລື່ອງຈີງຂອງພໍ່ລາຍໜຶ່ງທີ່ເພິ່ນຂຽນໄວ້ເປັນອຸທາຫອນໃຫ້ຫຼາຍໆຄົນທີ່ກຳລັງເດີນໄປໃນເສັ້ນທາງດຽວກັນ.

ທີ່ແອັດຕ້ອງເອົາມາຝາກແຟນຂ່າວກໍ່ເນື່ອງຈາກວ່າເຫັນຫຼາຍໆຄອບຄົວ ມັກຈະຊື້ ຫຼື ໃຫ້ລູກນ້ອຍໂຕເອງໃຊ້ ແລະ ຫຼິ້ນ ໂທລະສັບສະມາດໂຟນ, ໄອແພັດ, ຄອມ … ແຕ່ຍັງນ້ອຍໆ ໂດຍບໍ່ທັນໄດ້ຄໍານຶງເຖິງຜົນຮ້າຍທີ່ຈະຕາມມາ, ບາງຄົນຢາກໃຫ້ລູກຮຽນຜ່ານມືຖື ບາງຄົນກໍ່ຕັ້ງຢາກໃຫ້ລູກຫຼິ້ນ ເພື່ອບໍ່ໃຫ້ລູກມາວົນນຳ ແຕ່ຈະດ້ວຍວິທີໃດກໍ່ບໍ່ດີທັງນັ້ນ ຖ້າຈະໃຫ້ລູກຫຼິ້ນກໍ່ຕ້ອງກຳນົດເວລາທີ່ແນ່ນອນຕໍ່ມື້ ບໍ່ໃຫ້ຈັບຫຼິ້ນເອງໃຫ້ຢູ່ໄກໆເບິ່ງຈະກວ່າ ຖ້າບໍ່ດັ່ງນັ້ນໃຫ້ທ່ານມາເບິ່ງເລື່ອງນີ້ເປັນການເຕືອນໃຈ!!!

.

ຈາກສື່ຂ່າວປະເທດໄທເຜີຍວ່າ ມີພໍ່ທ່ານໜຶ່ງ ໄດ້ໂພສຜ່ານເຟດບຸກສ່ວນຕົວ (Dachar Nuysticker Chuayduang) ເລົ່າເລື່ອງລາວການລ້ຽງລູກດ້ວຍໂທລະສັບ ຫຼື ປ່ອຍໃຫ້ລູກຫຼິ້ນໂທລະສັບຫຼາຍເກີນໄປ ຈົນສົ່ງຜົນກະທົບຕາມມາຄືລູກສາວຂອງຕົນມີບັນຫາທາງສາຍຕາ.

.

ໂດຍແມ່ນ ເດຊາ ພໍ່ຂອງນ້ອງ ນະດາ ອາຍຸ 4 ປີ ໄດ້ໂພສຂໍ້ຄວາມ ແລະ ຮູບຂອງລູກສາວຂອງຕົນໃຫ້ເບິ່ງ ຕາມພາບເລີຍ ຈະເຫັນວ່າ ຕາຂ້າງໜຶ່ງຂອງນ້ອງ ເຫຼ່ ອຽງຜິດປົກກະຕິ ເປັນອາການເລີ່ມຕົ້ນ


ເດຊາເຜີຍວ່າ: ລູກສາວຂອງຕົນມີອາການສາຍຕາອຽງຕັ້ງແຕ່ອາຍຸ 2 ປີ ເຊິ່ງມີຄົນທ້ວງວ່າລູກສາວຂອງຕົນມີບັນຫາທາງສາຍຕາ ເນື່ອງຈາກຊ່ວງໄລຍະເວລານັ້ນຕົນໄດ້ໃຫ້ລູກຫຼິ້ນໂທລະສັບ ເບິ່ງໂທລະສັບ ເພາະເວລາທີ່ນ້ອງ ນະດາໄດ້ເບິ່ງ ໄດ້ເຫັນໂທລະສັບກໍຈະຢູ່ແບບບໍ່ວົນ, ບໍ່ດື້…

.
ເມື່ອຮູ້ແນວນັ້ນຕົນຈຶ່ງໄດ້ພາລູກໄປພົບໝໍ ແລ້ວໝໍລະບຸວ່າ ລູກສາວຂອງຕົນມີອາການປ່ວຍ ເລຊີ ອາຍ ຄື ດວງຕາ 2 ຂ້າງເຮັດວຽກບໍ່ພ້ອມກັນ ແລະ ມີອາການຕາເຫຼ່ ທີ່ບໍລິເວນດວງຕາຂ້າງຊ້າຍ ໝໍຈຶ່ງຮັກສານ້ອງດ້ວຍການຕັດແວ່ນຕາໃຫ້ໃສ່ ແລະ ປິດຕາຂ້າງໜຶ່ງທີ່ມີບັນຫາໄວ້ໃນໄລຍະໜຶ່ງ


ຈາກນັ້ນກໍອາການດີຂຶ້ນ ແລະ ລະຫວ່ານັ້ນຕົນກໍໃຫ້ລູກຫຼິ້ນໂທລະສັບຢູ່ບາງເທື່ອ ແຕ່ໝໍກໍສັ່ງໃຫ້ຫ້າມຫຼິ້ນເດັດຂາດ ເນື່ອງຈາກ ແສງຈາກໂທລະສັບເປັນໂຕກະຕຸ້ນໃຫ້ມີອາການເຫຼົ່ານີ້ ໄລຍະເວລາ 2 ປີ ລູກສາວຂອງຕົນກໍໄດ້ຮັບການຮັກສາຢ່າງຕໍ່ ຕໍ່ມາໝໍກໍໃຫ້ຜ່າຕັດເພື່ອຮັກສາ ໂດຍໝໍບອກວ່າ ນ້ອງ ນະດາ ຈະສາມາດໃຊ້ດວງຕາ 2 ຂ້າງພ້ອມກັນໄດ້ ແລ້ວ

.

ຫຼັງຈາກນັ້ນ ເດຊາ ກໍງົດໃຫ້ລູກຫຼິ້ນໂທລະສັບ, ອຸປະກອນທີ່ມີແສງອີກເລີຍ ເຖິງວ່າຫຼາຍຄັ້ງຈະບໍ່ຄ່ອຍມີເວລາລ້ຽງລູກ, ລູກດື້ແນ່ກໍບໍ່ໃຊ້ວິທີເອົາໂທລະສັບໃຫ້ລູກຫຼິ້ນ ແລະ ຈ້ອງກັບມັນເຖິງວ່າເວລາທີ່ເຂົາໄດ້ຫຼິ້ນເຂົາຈະບໍ່ດື້ກໍຕາມ ແຕ່ກໍຕ້ອງຫ່ວງລູກຫຼາຍກວ່າຢູ່ແລ້ວ.

.

ເລື່ອງນີ້ນັບວ່າເປັນເລື່ອງໃກ້ໂຕທີ່ເຮົາ ແລະ ບໍ່ຄວນເບິ່ງຂ້າມ ໂດຍສະເພາະຜູ້ເປັນພໍ່ແມ່ ເຖິງວ່າອາການແບບນີ້ຈະບໍ່ໄດ້ເກີດກັບທຸກຄົນກໍຈິງ ແຕ່ຕາມຜູ້ທີ່ວິໄຈລະບຸວ່າ: ແສງຈາກໂທລະສັບມັນກໍຈະກະຕຸ້ນໃຫ້ເກີດອາການແບບນີ້ ສົ່ງຜົນໃຫ້ມີສະມາທິສັ້ນ ແລະ ອາການອື່ນໆ ອີກຕາມມາ ເຮົາກໍຄວນໃຫ້ເຂົາເບິ່ງ ແລະ ຫຼິ້ນຕາມຄວາມເໝາະສົມ ຖ້າເປັນໄປໄດ້ ຊ່ວງໄລຍະຍັງເດັກນ້ອຍຢູ່ບໍ່ຄວນໃຫ້ເຂົ້າຈ້ອງ ແລະ ຫຼິ້ນໂທລະສັບຈະດີກວ່າ…

.

ຝາກໄວ້ເປັນອຸທາຫອນ ເຕືອນທຸກທ່ານຜູ້ປົກຄອງກ່ຽວກັບເລື່ອງນີ້ ເພາະວ່າເດັກນ້ອຍກໍອາດຈະຕື້, ບໍ່ຟັງຄວາມແນ່ ເປັນເລື່ອງປົກກະຕິ ເຊິ່ງມັນກໍມີຫຼາຍໆວິທີ ຫຼາຍໆເຄື່ອງຫຼິ້ນທີ່ສາມາດຄວບຄຸມເຂົາໄດ້ເຊັ່ນກັນ ຄວນເລືອກໃຊ້ ເລືອກຫຼິ້ນໃຫ້ສົມໄວຂອງເຂົາໂດຍຫຼີກລ້ຽງສິ່ງທີ່ຈະທໍາຮ້າຍເຂົາຈະເປັນການດີທີ່ສຸດ.