35 ຫົວໜ່ວຍທຸລະກິດທີ່ຖືກຜົນກະທົບຈາກໄພພິບັດຢູ່ເມືອງສະໜາມໄຊ ໄດ້ຮັບເງີນຊົດເຊີຍແລ້ວ

35 ຫົວໜ່ວຍທຸລະກິດທີ່ຖືກຜົນກະທົບຈາກໄພພິບັດຢູ່ເມືອງສະໜາມໄຊ ໄດ້ຮັບເງີນຊົດເຊີຍແລ້ວ

2nd February 2020 0 By Admin

ບໍລິສັດໄຟຟ້າເຊປຽນ-ເຊນໍ້ານ້ອຍຈໍາກັດ ໄດ້ມອບເງີນຊົດເຊີຍ 50% ແລ້ວ ໃຫ້ແກ່ 35 ຫົວໜ່ວຍທຸລະກິດຢູ່ເມືອງສະໜາມໄຊ ທີ່ຖືກຜົນກະທົບຈາກເຫດການສັນເຂືອນໄຟຟ້າເຊປຽນ-ເຊນໍ້ານ້ອຍແຕກໃນທ້າຍປີ 2018 ຜ່ານມາ ຄິດເປັນມູນຄ່າ 94 ຕື້ກວ່າກີບ.

ພິທີມອບ-ຮັບ ເງີນຊົດເຊີຍດັ່ງກ່າວໄດ້ຖືກຈັດຂື້ນໃນວັນທີ 31 ມັງກອນ 2020 ນີ້ ທີ່ຫ້ອງວ່າການປົກຄອງແຂວງອັດຕະປື.


ໃຫ້ກຽດເຂົ້າຮ່ວມພິທີ, ມີທ່ານ ເລັດ ໄຊຍະພອນ, ເຈົ້າແຂວງໆອັດຕະປື ແລະ ຮອງປະທານຄະນະກໍາມະການສະເພາະກິດແກ້ໄຂໄພພິບັດລະດັບຊາດ, ທ່ານ ລີກັງ ໂຢຍ, ຫົວໜ້າຫ້ອງການຍົກຍ້າຍຈັດສັນ ໂຄງການເຂື່ອນໄຟຟ້າເຊປຽນ-ເຊນໍ້ານ້ອຍ ຈໍາກັດ, ບັນດາການນຳຂອງແຂວງ ແລະ ເມືອງ ພ້ອມດ້ວຍຕົວແທນຂອງບັນດາຫົວໜ່ວຍທຸລະກິດ ແລະ ພາກສ່ວນທີ່ກ່ຽວ ຂ້ອງ.


ສໍາລັບ 35 ຫົວໜ່ວຍທຸລະກິດທີ່ໄດ້ຮັບເງີນຊົດເຊີຍ 50% ໃນຄັ້ງນີ້ ແມ່ນໄດ້ຜ່ານການປະເມີນຈາກຄະນະກໍາມະການປະເມີນຜົນກະທົບດ້ານສິ່ງແວ້ດລ້ອມ ແລະ ສັງຄົມຂອງແຂວງ ຢ່າງຖືກຕ້ອງຕາມຂັ້ນຕອນ ແລະ ລະບຽບການ, ໂດຍເປັນການຊົດເຊີຍຜົນເສຍຫາຍໃຫ້ບັນດາຜູ້ປະກອບການທຸລະກິດເພື່ອໃຫ້ສາມາດນໍາໄປພັດທະນາທຸລະກິດຄືນໄໝ່ ແລະ ທັງເພື່ອເຮັດໃຫ້ເສດຖະກິດຂອງແຂວງອັດຕະປືມີການພັດທະນານັບມື້ນັບດີຂື້ນ.

.

ຂ່າວ: ຂ. ອັດຕະປື ວັດທະນາ ຫຼວງອາໄພ.