ກຳນົດລາຄາຊີ້ນໝູອີກຄັ້ງ ນະຄອນຫຼວງແຈ້ງ ຫ້າມຂາຍເກີນ 40.000 ກີບ/ກິໂລ

ກຳນົດລາຄາຊີ້ນໝູອີກຄັ້ງ ນະຄອນຫຼວງແຈ້ງ ຫ້າມຂາຍເກີນ 40.000 ກີບ/ກິໂລ

30th January 2020 0 By Admin

ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ຈຶ່ງໄດ້ອອກແຈ້ງການ ສະບັບເລກທີ 0224/ອຄ.ນວ.ຄພນ ລົງວັນທີ 30 ມັງກອນ 2020 ເຖິງທ່ານ ຫົວໜ້າຫ້ອງການອຸດສາຫະກຳ ແລະ ການຄ້າ 9 ຕົວເມືອງ, ຫົວໜ່ວບທຸລະກິດຈັດສັນຕະຫຼາດ, ບັນດາຟາມລ້ຽງໝູ (ຜູ້ຜະລິດໝູ) ໂຮງງານຂ້າສັດ, ຜູ້ປະກອບການທຸລະກິດຊື້-ຂາຍສັດ (ນາຍຮ້ອຍ), ຜູ້ຈຳໜ່າຍຊີ້້ນໝູ (ລູກຂຽງ) ຕາມຮ້ານຄ້າແຜງລອຍໃນຕະຫຼາດ ແລະ ຜູ້ບໍລິໂພກ ຢູ່ໃນນະຄອນຫຼວງວຽງຈັນ ເລື່ອງການກຳນົດລາຄາຂາຍຍົກ-ຂາຍຍ່ອຍຊີ້ນໝູ.


ເຊິ່ງໃນແຈ້ງການລະບຸວ່າ: ລາຄາຊີ້ນໝູໜ້າຟາມຊື້-ຂາຍ ລາຄາສູງສຸດບໍ່ໃຫ້ເກີນ 23.500 ກີບ/ກິໂລ; ລາຄາຂາຍຍົກໝູໝົດໂຕທີ່ໄດ້ຂ້າ, ຄົວ ແລະ ຊຳແຫຼະ ເປັນຊີ້ນລວມ ນາຍຮ້ອຍສົ່ງເຖິງລູກຂຽງຮອດຕະຫຼາດ ລາຄາສູງສຸດບໍ່ໃຫ້ເກີນ 28.500 ກີບ/ກິໂລ (ກໍລະນີຊື້ຂາຍໝູຂ້າ, ຄົວ ແລະ ຊຳແຫຼະ ເປັນຊີ້ນລວມຢູ່ໜ້າໂຮງງານຂ້າສັດ ລາຄາສູງສຸດບໍ່ເກີນ 27.500 ກີບ/ກິໂລ ແລະ ນາຍຮ້ອຍສົ່ງເຖິງລູກຂຽງຮອດຕະຫຼາດລາຄາສູງສຸດບໍ່ເກີນ 28.500 ກີບ/ກິໂລ.


ສຳລັບລາຄາຂາຍຍ່ອຍລູກຂຽງ ໃຫ້ຜູ້ບໍລິໂພກຢູ່ຕະຫຼາດມີດັ່ງນີ້: ຊີ້ນໝູປະເພດ 1 ລາຄາສູງສຸດ ບໍ່ເກີນ 40.000 ກີບ/ກິໂລ; ຊີ້ນໝູປະເພດ 2 ລາຄາສູງສຸດ ບໍ່ໃຫ້ເກີນ 38.000 ກີບ/ກິໂລ ເຊິ່ງລາຄານີ້ແມ່ນປະຕິບັດນັບແຕ່ວັນທີ 3 ກຸມພາ 2020 ເປັນຕົ້ນໄປ.