ປະມວນພາບ! ຄວາມງົດງາມຕະການຕາ ການແຫ່ຜາສາດເຜິ້ງແບບບູຮານຢູ່ພະທາດຫຼວງ

ປະມວນພາບ! ຄວາມງົດງາມຕະການຕາ ການແຫ່ຜາສາດເຜິ້ງແບບບູຮານຢູ່ພະທາດຫຼວງ

10th November 2019 0 By Admin

ວັນທີ 09 ພະຈິກ 2019 ທີ່ລານເດິ່ນທ້ອງສະໜາມຫລວງພຣະທາດຫລວງ ນະຄອນຫລວງວຽງຈັນ ປະມານ ເວລາ 16:00 ໂມງ ແດດອ່ອນໆ ລົມ ພັດມາເຢັນໆ ສຽງຄ້ອງສຽງກອງ ສຽງໂຮ່ ສຽງຮ້ອງ ສຽງລຳ ດັງສະໜັ່ນວັ່ນໄຫວ ອ້ອມກົມມະລຽນພຣະທາຕດຫລວງ ເພາະມີຂະບວນແຫ່ຜາສາດເຜິ້ງ ແບບບູຮານ ຈາກຮູບແບບບູຮານເຊິ່ງເປັນຕົວແທນຂອງແຕ່ລະພາກ ແຕ່ລະແຂວງຄື ຮູບແບບຜາສາດເຜິ້ງແບບ ຫລວງພຣະບາງ, ຊຳເຫນືອ, ຊຽງຂວາງ, ວຽງຈັນ. ສະຫວັນນະເຂດ ແລະ ຈຳປາສັກ.

 

ນອກນັ້ນ, ຍັງມີຂະບວນແຕ່ງຕົວບູຮານຂອງກ້ອນຂະບວນຂອງຜູ້ທີມາແຫ່ດ້ວຍ ຜາສາດເຜິ້ງທີເຮັດມານີ້ກໍ່ມາຈາກສວນພູໄທ ທີຣະ ທີເປັນຕົວຕັ້ງຕົວຕີໃນການປຸກລະດົມໃຫ້ມີການຮືຟື້ນ ຮູບແບບທີງົດງາມທີມີມາໃຫ້ປະກົດຂຶ້ນມາອີກ ໂດຍໄດ້ຮັບການສະໜັບສະໜູນຈາກ ບໍລິສັດລັດວິສາຫະກິດ ລາວໂທລະຄົມ ແລະ ບໍລິສັດໂທລະຄົມລາວ ນອກຈາກນັ້ນຍັງມີຄຸ້ມວັດ ຄຸ້ມບ້ານ ແລະບໍລິສັດຫ້າງຮ້ານຕ່າງໆ ເຂົ້າຮ່ວມກັນແຫ່.

 

 

ສ່ວນມື້ແຫ່ຜາສາດເຜິ້ງຢ່າງເປັນທາງການນັ້ນ ແມ່ນຈະຈັດຂຶ້ນໃນວັນທີ 10 ພະຈິກ 2019 ເລີ່ມເວລາ 13:00 ໂມງເປັນຕົ້ນໄປ. ຫຼັງຈາກນັ້ນ, ໃນວັນທີ 11 ພະຈິກ 2019 ຕອນເຊົ້າກໍ່ຈະມີຕັກບາດ . ຖັດຈາກນັ້ນແມ່ນຊົມພິທີການຕີຄີ ສ່ວນຕອນແລງ ແມ່ນມີພິທີວຽນທຽນ ເພື່ອບູຊາພະພຸດ, ພະທຳ ແລະ ພະສົງ.