ຈີນ ເພີ່ມຕຽງຜູ້ປ່ວຍເປັນ1,600 ຕຽງ ຈາກການອອກແບບກ່ອນໜ້ານີ້ 300 ຕຽງ ເນື່ອງຈາກຜູ້ປ່ວຍເພີ່ມຂຶ້ນຢາງຕໍ່ເນື່ອງ

ຈີນ ເພີ່ມຕຽງຜູ້ປ່ວຍເປັນ1,600 ຕຽງ ຈາກການອອກແບບກ່ອນໜ້ານີ້ 300 ຕຽງ ເນື່ອງຈາກຜູ້ປ່ວຍເພີ່ມຂຶ້ນຢາງຕໍ່ເນື່ອງ

29th January 2020 0 By Admin

ຕາມການລາຍງານຂອງສື່ຂ່າວຕ່າງປະເທດ  https://www.xinhuathai.com/ ລາຍງານວ່າ: ໂຮງໝໍພິເສດແຫ່ງທີ 2 ຫຼື ໂຮງໝໍ ເຫຼີຍເຊິນຊານ (Leishenshan Hospital) ໃນນະຄອນອູ່ຮັ່ນ ສູນກາງການແຜ່ລະບາດຂອງໄວຣັດ ໂຄໂຣນາສາຍພັນໃໝ່ 2019 (2019-nCoV) ທາງຕອນກາງຈີນ ຈະມີຕຽງຜູ້ປ່ວຍ 1,600 ຕຽງ ເພີ່ມຂຶ້ນຈາກການອອກແບບກ່ອນໜ້ານີ້ 300 ຕຽງ ເນື່ອງຈາກຈໍານວນຜູ້ຕິດເຊື້ອໃນທ້ອງຖິ່ນເພີ່ມຂຶ້ນຢ່າງຕໍ່ເນື່ອງ.

.

ບໍລິສັດວິວິສະວະກໍາການກໍ່ສ້າງແຫ່ງປະເທດຈີນໝາຍເລກ 3  (CSCEC) ຜູ້ຮັບຜິດຊອບໂຄງການກໍາສ້າງຄາດການວ່າ ໂຮງໝໍແຫ່ງນີ້ຈະຂະຫຍາຍພື້ນທີ່ເພີ່ມເປັນ 60,000 ຕາລາງເມັດ ຮັບຮອງບຸກຄະລາກອນທາງການແພດ 2000 ກວ່າຄົນ.

.

ອູ່ຮັ່ນກໍາລັງກໍ່ສ້າງໂຮງໝໍພິເສດສອງແຫ່ງ ເພື່ອຮັກສາຜູ້ປ່ວຍທີ່ຕິດເຊື້ອພະຍາດປອດອັກເສບ ໂດຍອ້າງອີງຮູບແບບຈາກໂຮງໝໍຮັກສາຜູ້ປ່ວຍໂລກຊາສ  (SARS) ໃນກຸງປັກກິ່ງ ແລະ ຄາດວ່າຈະສໍາເລັດ ພ້ອມເປີດໃຊ້ງານໃນວັນທີ 3-5 ກຸມພາ 2020 ຕາມລໍາດັບ.

.