ຮຸນແຮງໄວຣັສໂຄໂຣນາ ມີຜູ້ເສຍຊີວິດແລ້ວ 100 ກວ່າຄົນ, ຂະນະທີ່ 18 ປະເທດພົບຜູ້ຕິດເຊື້ອ

ຮຸນແຮງໄວຣັສໂຄໂຣນາ ມີຜູ້ເສຍຊີວິດແລ້ວ 100 ກວ່າຄົນ, ຂະນະທີ່ 18 ປະເທດພົບຜູ້ຕິດເຊື້ອ

29th January 2020 0 By Admin

ອັບເດດສະຖານະການຫຼ້າສຸດການແພ່ລະບາດ ຂອງເຊື້ອໄວຣັສໂຄໂຣນາສາຍພັນໃໝ່ ທີ່ກໍາລັງລະບາດໃນປະເທດຈີນ ແລະ ພົບຜູ້ຕິດເຊື້ອແລ້ວໃນຫຼາຍປະເທດ, ເຊິ່ງທາງການຈີນກໍ່ໄດ້ອອກມາດຕະຖານການຄວບຄຸມສຸກເສີນຂັ້ນສູງສຸດ ແລະ ປິດເມືອງໄປແລ້ວຫຼາຍກວ່າ 10 ເມືອງ ເພື່ອເປັນການປ້ອງກັນການແພ່ກະຈາຍຂອງເຊື້ອພະຍາດດັ່ງກ່າວ.


ໂດຍຄວາມຄືບໜ້າຫຼ້າສຸດ ຈາກການອ້າງອີງ gisanddata.maps.arcgis.com ລາຍງານວ່າ ຈຳນວນຜູ້ຕິດເຊື້ອໃນວັນທີ 29 ມັງກອນ 2020 ພົບຜູ້ປ່ວຍທັງໝົດ 6.057 ຄົນ, ເສຍຊີວິດ 132 ຄົນ ແລະ ປິ່ນປົວຫາຍແລ້ວ 110 ຄົນ ໂດຍສາມາດແບ່ງອອກເປັນແຕ່ລະປະເທດດັ່ງນີ້:


ປະເທດຈີນ ເຊິ່ງເປັນເມືອງຕົ້ນຕໍຂອງການລະບາດໄວຣັສສາຍພັນໃໝ່ ມີຜູ້ເສຍຊີວິດແລ້ວ 132 ຄົນ ເພີ່ມຈາກມື້ວານນີ້ 28 ມັງກອນ 107 ຄົນ; ໄທ ມີ 14 ຄົນ; ຮ່ອງກົງ 8 ຄົນ; ມາເກົ໊າ 7 ຄົນ; ອົດສະຕຣາລີ 5 ຄົນ; ສິງກະໂປ 5 ຄົນ; ໄຕຫວັນ 8 ຄົນ; ອາເມລິກາ 5 ຄົນ; ຢີ່ປຸ່ນ 7 ຄົນ; ມາເລເຊຍ 4 ຄົນ; ເກົາຫຼີໃຕ້ 4 ຄົນ; ຝຣັ່ງ 4 ຄົນ; ຫວຽດນາມ 2 ຄົນ; ກໍາປູເຈຍ 1 ຄົນ; ການາດາ 2 ຄົນ; ເຢຍລະມັນ 4 ຄົນ; ເນປານ 1 ຄົນ ແລະ ສີລັງກາ 1 ຄົນ.


ດ້ານກະຊວງສາທາລະນະສຸກຂອງໄທ ລາຍງານວ່າ ຈີນປະກາດໃຊ້ພື້ນທີ່ດັ່ງຕໍ່ໄປນີ້ ເປັນພື້ນທີ່ຄວບຄຸມການເດີນທາງເຂົ້າ-ອອກ ເນື່ອງຈາກມີການລະບາດຂອງພະຍາດອັກເສບປອດສາຍພັນໃໝ່ ເຊິ່ງປະກອບມີ: (ລາຍລະອຽດຕາມແຈ້ງການ)


ສຳລັບ ສປປ ລາວ ຍັງບໍ່ທັນມີການລາຍງານກໍລະນີພົບຜູ້ຕ້ອງສົງໄສ ຫຼື ຕິດເຊື້ອໄວຣັສໂຄໂຣນາ, ແຕ່ທາງການລາວ ກໍ່ພ້ອມກັນເຝົ້າລະວັງ, ຕິດຕາມສະຖານະການຢ່າງໃກ້ຊິດ. ຫາກພົບມີອາການສົງໄສ ໂທສາຍດ່ວນ 166 ຕະຫຼອດ 24 ຊົ່ວໂມງ.

ທີ່ມາ: thethaiger