ມອບ-ຮັບ ທະຫານ-ຕຳຫຼວດ ທີ່ໄດ້ຮັບເງິນນະໂຍບາຍໃຫ້ 2 ກະຊວງເບິ່ງແຍງຕໍ່ໄປ

ມອບ-ຮັບ ທະຫານ-ຕຳຫຼວດ ທີ່ໄດ້ຮັບເງິນນະໂຍບາຍໃຫ້ 2 ກະຊວງເບິ່ງແຍງຕໍ່ໄປ

28th January 2020 0 By Admin

ພິທີມອບ-ຮັບ ການຄຸ້ມຄອງ ນາຍ ແລະ ພົນທະຫານນາຍ ແລະ ພົນຕໍາຫຼວດ ທີ່ໄດ້ຮັບນະ ໂຍບາຍອຸດໜູນບໍານານ, ເສຍອົງຄະ ຍ້ອນການສູ້ຮົບ ແລະ ຮັບໃຊ້ການສູ້ຮົບ ໄດ້ຈັດຂຶ້ນເມື່ອວັນທີ 24 ມັງກອນທີ່ຜ່ານມາ ທີ່ກະຊວງປ້ອງກັນປະເທດ.

ໃນການລົງນາມຄັ້ງນີ້, ໄດ້ແບ່ງອອກເປັນສອງ ຊຸດຄື: ການເຊັນມອບ-ໂອນ ນາຍ ແລະ ພົນທະຫານ ລະຫວ່າງ ກະຊວງ ຮສສ ແລະ ກະຊວງປ້ອງ ກັນປະເທດ, ຕາງໜ້າກະຊວງ ຮສສ ໂດຍທ່ານ ນາງ ໃບຄໍາ ຂັດຕິຍະ ຮອງລັດຖະມົນຕີກະຊວງ ຮສສ ແລະ ຕາງໜ້າກະຊວງປ້ອງກັນປະເທດ ໂດຍ ທ່ານ ພົນຕີ ພູວົງ ວົງພົມ ຮອງລັດຖະມົນຕີ ກະຊວງປ້ອງກັນປະເທດ; ເຊັນມອບ-ໂອນ ນາຍ ແລະ ພົນຕໍາຫຼວດ ລະຫວ່າງກະຊວງ ຮສສ ແລະ ກະຊວງ ປກສ, ຕາງໜ້າກະຊວງ ຮສສ ໂດຍ ທ່ານ ນາງ ໃບຄໍາ ຂັດຕິຍະ ຮອງລັດຖະມົນຕີກະຊວງ ຮສສ ແລະ ຕາງໜ້າກະຊວງ ປກສ ໂດຍທ່ານ ພົນຕີ ສົມຫວັງ ທໍາມະສິດ ຮອງລັດຖະມົນຕີ ກະຊວງ ປກສ; ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ ລັດຖະມົນຕີ ກະຊວງປ້ອງກັນປະເທດ, ທ່ານ ປອ ຄໍາແພງ ໄຊສົມແພງ ລັດຖະມົນຕີກະຊວງແຮງງານສະຫວັດດີການ ແລະ ສັງຄົມ (ຮສສ), ທ່ານ ພົນຕີ ສົມຫວັງ ທໍາມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ(ປກສ), ມີບັນດານາຍ ແລະ ພົນທະ ຫານ, ນາຍ ແລະ ພົນຕໍາຫຼວດ; ຄະນະກົມ ຄະນະພະແນກ ອ້ອມຂ້າງ ກະຊວງ ຮສສ ພ້ອມດ້ວຍ ພາກສ່ວນກ່ຽວຂ້ອງເຂົ້າຮ່ວມ.


ໃນພິທີ ທ່ານ ຄໍາປິ່ງ ແສງຕານນະລາດ ຫົວໜ້າກົມນະໂຍບາຍຕໍ່ຜູ້ມີຜົນ, ພິການ ແລະ ຜູ້ອາຍຸສູງ ໄດ້ຜ່ານບົດສະຫຼຸບການຄຸ້ມຄອງນາຍ ແລະ ພົນທະຫານ, ນາຍ ແລະ ພົນຕໍາຫຼວດ ບໍານານ ແລະ ເສຍອົງຄະຍ້ອນການສູ້ຮົບ ແລະ ຮັບໃຊ້ການສູ້ຮົບທີ່ກະຊວງ ຮສສ ຄຸ້ມຄອງ ແລະ ດູແລ; ຜ່ານມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 189/ຄລສພ, ລົງວັນທີ 26 ທັນວາ 2018. ວ່າດ້ວຍການມອບ-ໂອນ ນາຍ ແລະ ພົນທະຫານນາຍ ແລະ ພົນຕໍາຫຼວດ ທີ່ໄດ້ຮັບນະໂຍບາຍອຸດໜູນບໍານານ ແລະ ເສຍອົງຄະຍ້ອນສູ້ຮົບ ແລະ ຮັບໃຊ້ການສູ້ຮົບ ທີ່ກະຊວງ ຮສສ ຄຸ້ມຄອງຜ່ານມານັ້ນ ແມ່ນມອບຄວາມຮັບຜິດຊອບໃນການຄຸ້ມຄອງດູແລນາຍ ແລະ ພົນທະຫານນາຍ ແລະ ພົນຕໍາຫຼວດ ໃຫ້ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບສືບຕໍ່ຊີ້ນໍາໆພາ ຄຸ້ມຄອງດູແລ ຕາມແນວທາງນະໂຍບາຍຂອງພັກ ແລະ ລັດຕໍ່ໄປ.

ຜ່ານຂໍ້ຕົກລົງ ວ່າດ້ວຍການມອບ-ໂອນ ການຄຸ້ມຄອງ ນາຍ ແລະ ພົນທະຫານ ສະບັບ ເລກທີ 0202/ຮສສ, ລົງວັນທີ 22 ມັງກອນ 2020; ຜ່ານຂໍ້ຕົກລົງວ່າດ້ວຍການມອບ-ໂອນນາຍ ແລະ ພົນຕໍາຫຼວດ ທີ່ໄດ້ຮັບນະໂຍບາຍອຸດໜູນບໍານານ ແລະ ເສຍອົງຄະຄືນໃຫ້ກະຊວງປ້ອງກັນຄວາມສະຫງົບ ສະບັບເລກທີ 0201/ຮສສ, ລົງວັນທີ 22 ມັງກອນ 2020.


ກະຊວງ ຮສສ ໄດ້ຮັບການມອບ-ໂອນ ການຄຸ້ມຄອງ ນາຍ ແລະ ພົນທະຫານ ທີ່ຮັບນະ ໂຍ ບາຍບໍານານ ແລະ ເສຍອົງຄະຍ້ອນການສູ້ຮົບ ແລະ ຮັບໃຊ້ການສູ້ຮົບ ຈາກກະຊວງປ້ອງກັນປະ ເທດໃນປີ 1993 ແລະ ໄດ້ຮັບການມອບໂອນ ນາຍ ແລະ ພົນຕໍາຫຼວດ ທີ່ໄດ້ຮັບນະໂຍບາຍອຸດ ໜູນບໍານານຈາກກະຊວງປ້ອງກັນຄວາມສະຫງົບ ໃນປີ 2010. ຊຶ່ງຜ່ານມາ ຄະນະພັກ ຄະນະນໍາ ກະຊວງ ຮສສ,ໄດ້ສົມທົບກັບອົງການຈັດຕັ້ງພັກ-ລັດກ່ຽວຂ້ອງນັບທັງຢູ່ຂັ້ນສູນກາງ ແລະ ທ້ອງຖິ່ນ ມີຄວາມພະຍາຍາມສູງໃນການເບິ່ງແຍງດູແລ ແລະ ປະຕິບັດນະໂຍບາຍຕ່າງໆ ໃນເວລາ ທີ່ພວກເພີ່ນເຈັບເປັນ ຫຼື ເສຍ ຊີວິດຕາມນະໂຍບາຍແລະຄວາມສາມາດຕົວຈິງຂອງພັກ-ລັດ ແລະ ຂອງຂະແໜງ ການແຮງງານ ແລະ ສະຫວັດດີການສັງຄົມ.

( ຂ່າວສານຮສສ: ເພັດສະໄໝ)