ສັດປ່າ ເມືອງອູຮ່ານ ຄືສາເຫດການເກີດໄວຣັສໂຄໂຣນາ ສາຍພັນໃໝ່

ສັດປ່າ ເມືອງອູຮ່ານ ຄືສາເຫດການເກີດໄວຣັສໂຄໂຣນາ ສາຍພັນໃໝ່

27th January 2020 0 By Admin

ຄະນະຜູ້ຊ່ຽວຊານປະຈຳສູນຄວບຄຸມ ແລະ ປ້ອງກັນໂຣກແຫ່ງ ສປຈີນ (CDC) ປະສົບຄວາມສຳເລັດໃນການແຍກເຊື້ອໄວຣັສໂຄໂຣນາ ສາຍພັນໃໝ່ ຈາກຕົວຢ່າງ ຈາກສິ່ງແວດລ້ອມທີ່ເກັບຈາກຕະຫຼາດອາຫານທະເລໃນເມືອງອູຮ່ານ ທາງພາກກາງຂອງປະເທດ ໂດຍຊີ້ວ່າໄວຣັສຊະນິດນີ້ມີຕົ້ນຕໍມາຈາກສັດປ່າ ທີ່ຖືກຈຳໜ່າຍຢູ່ໃນຕະຫຼາດ.

ສະຖາບັນຄວບຄຸມ ແລະ ປ້ອງກັນໂຣກຈາກເຊື້ອໄວຣັສແຫ່ງຊາດ (IVDC) ສັງກັດສູນ ພົບວ່າຕົວຢ່າງ 33 ລາຍການ ຈາກທັງໝົດ 585 ລາຍການ ທີ່ໄດ້ລວບລວມຈາກຕະຫຼາດຂາຍສົ່ງອາຫານທະເລຫົວໜານໃນເມືອງອູຮ່ານ ມີກົດນິວຄລີອິກຂອງເຊື້ອໄວຣັສໂຄໂຣນາ.

ເຊິ່ງລາຍງານກ່ອນໜ້ານີ້ ອ້າງອີງຄຳເວົ້າຂອງຄະນະຜູ້ຊ່ຽວຊານ ລະບຸວ່າການແພ່ກະຈາຍທາງພູມສາດ ຂອງກໍລະນີຜູ້ຕິດເຊື້ອໃນເມືອງອູຮ່ານ ບົ່ງບອກໃຫ້ເຫັນວ່າ ການລະບາດຄັ້ງນີ້ກ່ຽວຂ້ອງກັບຕະຫຼາດອາຫານທະເລທ້ອງຖິ່ນ. ເຊິ່ງຄະນະຜູ້ຊ່ຽວຊານປະຈຳສະຖາບັນ ດໍາເນີນການເກັບຕົວຢ່າງໃນລະຫວ່າງວັນທີ 1-12 ມັງກອນ ຕາມຄຳແນະນຳຂອງສູນ.

ຜູ້ຊ່ຽວຊານເປີດເຜີຍວ່າ: ຈາກການສຳຫຼວດຕະຫຼາດຝັ່ງຕາເວັນອອກຂອງເມືອງອູຮ່ານ ເຊິ່ງເປັນທີ່ພື້ນທີ່ຂາຍສັດປ່າຈຳນວນຫຼາຍ ພົບຕົວຢ່າງ 31 ລາຍການ ຈາກ 33 ລາຍການ ມີເຊື້ອໄວຣັສໂຄໂຣນາສາຍພັນໃໝ່ ໂດຍຜົນສຶກສາລະບຸວ່າ ການລະບາດຂອງເຊື້ອໄວຣັສ ກ່ຽວຂ້ອງກັບການຄ້າສັດປ່າ.

ທັງນີ້, ຜູ້ຊ່ຽວຊານເສີມຄວາມສຳເລັດໃນການແຍກເຊື້ອໄວຣັສ ຊ່ວຍຢືນຢັນວ່າຕະາດຂາຍສົ່ງອາຫານທະເລຫົວໜານ ເປັນແຫຼ່ງແພ່ເຊື້ອໄວຣັສໂຄໂຣນາສານພັນໃໝ່ ຂະໜາດໃຫຍ່ ທີ່ກໍາລັງລະບາດຢ່າງໜັກໃນສປຈີນ.

ທີ່ມາ: China Xinhua News