ກອງພົນທີ 1 ຈັດຕັ້ງແຂ່ງຂັນຍິງເປົ້າໝາຍດ້ວຍລູກປືນແທ້

ກອງພົນທີ 1 ຈັດຕັ້ງແຂ່ງຂັນຍິງເປົ້າໝາຍດ້ວຍລູກປືນແທ້

23rd January 2020 0 By Admin

ກອງພົນທີ 1 ໄດ້ຈັດການ ແຂ່ງຂັນຍິງເປົ້າໝາຍດ້ວຍລູກ ປືນແທ້ໃນວັນທີ 20 ມັງກອນນີ້, ນໍາພາໂດຍ ສະຫາຍ ພົນຈັດຕະວາ ສາຍໃຈ ກົມມະສິດ ແລະ ສະ ຫາຍ ພົນຈັດຕະວາ ແສງຍືນ ລັດ ສະໝີ ຫົວໜ້າການທະຫານ ແລະ ຫົວໜ້າການເມືອງກອງພົນ ທີ 1. ການຈັດຕັ້ງປະຕິບັດຍິງລູກ ປືນແທ້ໃນຄັ້ງນີ້, ນອກຈາກຈະ ສ້າງບັນຍາກາດຮັບຕ້ອນວັນສຳ ຄັນຕ່າງໆແລ້ວ.

ຍັງເປັນການ ກວດກາຕີລາຄາຄືນຄວາມຮັບ ຮູ້, ຄວາມສາມາດທາງດ້ານທິດ ສະດີຫຼັກການ, ສິລະປະຍຸດ-ຍຸດ ທະວິທີ ໃນການນໍາໃຊ້ອາວຸດ-ຍຸດ ໂທປະກອນການທະຫານ ຂອງ ພະນັກງານ-ນັກຮົບ ໃນທົ່ວກົມ ກອງ ລວມໄປເຖິງການຈັດຕັ້ງ ທຸກພາກສ່ວນສາມາດຮັບປະ ກັນດັບສູນເປົ້າໝາຍຊັດເຈນ, ວ່ອງໄວ, ທັນເວລາ ແລະ ມີປະ ສິດທິຜົນສູງ ໃນເວລາເຄື່ອນໄຫວ ເຮັດໜ້າທີ່ຕົວຈິງໃນສະພາບການອັນໃໝ່ຂອງປະເທດຊາດ.

ເຊິ່ງ ມີການນຳພາກສ່ວນຕ່າງໆເຂົ້າ ຮ່ວມແຂ່ງຂັນຢ່າງຫຼວງຫຼາຍ ເຊັ່ນ: ຄະນະພັກ-ຄະນະບັນຊາ ການກອງພົນ, ພະນັກງານຂັ້ນ ຕ່າງພາຍໃນກອງພົນ ແລະ ແຂກ ຖືກເຊີນມາຈາກອໍານາດການ ປົກຄອງເມືອງວັງວຽງ, ໂຮງ ງານຊີມັງລາວວັງວຽງ 3 ຫຼັງ ແລະ ພາກສ່ວນທຸລະກິດ, ບໍລິ ສັດ, ຫ້າງຮ້ານອ້ອມຂ້າງເມືອງ ວັງວຽງເຂົ້າຮ່ວມແຂ່ງຂັນ. ສ່ວນ ເປົ້າໝາຍການຍິງແມ່ນເບຍເລກ 4, ຈັງຫວະໃນການຍິງ 3 ທ່າ ຍິງຄື: ທ່ານອນຍິງ, ທ່ານັ່ງຍິງ ແລະ ທ່າຢືນຍິງ, ນໍາໃຊ້ລູກ ປືນຍິງ 9 ລູກ, ໄລຍະຍິງ 100 ແມັດ, ຄະ ແນນສູງສຸດ 90 ຄະແນນ.

ຜ່ານການແຂ່ງຂັນຍິງເປົ້າ ໝາຍຕົວຈິງສາມາດສະຫຼຸບຜົນ ໄດ້ ດັ່ງນີ້: ຊະນະເລີດ ໂດຍ ສະ ຫາຍ ພັນໂທ ສີພອນ ກອງພະຈັນ ຫົວໜ້າພະແນກສູ້ຮົບ ກອງພົນທີ1 ໄດ້ຮັບຂັນ 1 ໜ່ວຍພ້ອມເງິນສົດ 5 ແສນກີບ, ຮອງຊະນະເລີດ ສະ ຫາຍ ພັນໂທ ສຸດໃຈ ເຈີບົວແພງ ຮອງຫົວໜ້າຫ້ອງການເມືອງ ກອງພົນທີ 1 ໄດ້ຮັບຂັນ 1 ໜ່ວຍ ພ້ອມເງິນສົດ 3 ແສນກີບ, ລາງ ວັນທີ 3 ໄດ້ແກ່ ທ່ານ ຫົງຄໍາ ແກ້ວດວງສີ ປະທານບໍລິສັດຫົງ ຄໍາ ໄດ້ຮັບຂັນ 1 ໜ່ວຍພ້ອມເງິນ ສົດ 2 ແສນກີບ.

ໂດຍ: ໂກຮັງ ພັນທະວົງ

ຮູບພາບຂອງ Lao people’s Army News.