ຈາກແມ່ຄ້າ ກາຍເປັນເຈົ້າຂອງທຸລະກິດໝູຝອຍ-ໝູສະຫວັນ ມີລາຍໄດ້ເດືອນລະແສນບາດ

ຈາກແມ່ຄ້າ ກາຍເປັນເຈົ້າຂອງທຸລະກິດໝູຝອຍ-ໝູສະຫວັນ ມີລາຍໄດ້ເດືອນລະແສນບາດ

21st January 2020 0 By Admin

ທ່ານ ນາງ ການຈະນະຣັດ ຣະນິກກຸນ ອາຍຸ 31 ປີ ຫຼື ເອື້ອຍໂອ໋ ເຈົ້າຂອງທຸລະກິດ ໝູຄຸນນາຍ by ເຈ້ໂອ໋ ເຊິ່ງໄດ້ເລີ່ມຕົ້ໜທຸລະກິດດ້ວຍທຶນພຽງ 8.000 ບາດ ຫຼື ປະມານ 2,4 ລ້ານກີບ ກັບສາມີ ຈາກທຸລະກິດນ້ອຍໆ ທີ່ລອງຜິດລອງຖືກ ຈົນກາຍມາເປັນທຸລະກິດທີ່ສາມາດສ້າງລາຍຮັບປະມານຫຼັກແສນບາດຕໍ່ເດືອນ ຫຼື ປະມານ 30 ລ້ານກີບ.

ເອື້ອຍໂອ໋ເລົ່າວ່າ: ຫຼັງຈາກຮຽນຈົບຄະນະບໍລິຫານທຸລະກິດ ສາຂາລະບົບການສົນເທດຄອມພິວເຕີ ກໍ່ໄດ້ຢຶດຖືອາຊີບຂາຍເສື້ອຜ້າ ຕາມຕະຫຼາດນັດ ແຕ່ລາຍໄດ້ບໍ່ແນ່ນອນ ບາງມື້ຂາຍໄດ້ ບາງມື້ຂາຍບໍ່ໄດ້ແລ້ວແຕ່ມື້ ອີກທັງຍັງເປັນໜີ້ອີກ. ເມື່ອສະຖານະການເປັນແບບນັ້ນ ຈຶ່ງຄິດຢາກປ່ຽນອາຊີບ ເຮັດອາຊີບໃດກໍ່ໄດ້ ທີ່ກ່ຽວຂ້ອງກັບເງິນ ແລະ ເປັນຮ້ານຂາຍສົ່ງ. ຈາກນັ້ນ, ຕົນຈຶ່ງເລີ່ມສຶກສາຂໍ້ມູນ ແລະ ຖາມຈາກຜູ້ໃຫຍ່ໃກ້ຕົວ ກ່ຽວກັບການແປຮູບອາຫານ ໂດຍໃຊ້ເງິນລົງທຶນ 8.000 ບາດ ເປີດທຸລະກິດ ໝູຄຸນນາຍ by ເຈ້ໂອ໋.

ກ່ອນຈະປະສົບຜົນສຳເລັດບໍ່ແມ່ນເລື່ອງງ່າຍ ເອື້ອຍໂອ໋ເລົ່າວ່າ: ເຄີຍຖືກປຽບທຽບກັບສິນຄ້າເຈົ້າອື່ນ ໂດຍຕິເລື່ອງລົດຊາດ, ຄຸນນະພາບ ລວມທັງລາຄາ. ຫຼາຍຄົນບອກວ່າ ລົດຊາດຍັງອ່ອນໄປ ບໍ່ເຂັ້ມຂຸ້ນ ຈາກນັ້ນ.ກໍ່ກັບມາປັບປຸງສູດ ແລະ ສ່ວນປະສົມກັນໃໝ່ ເນັ້ນໃສ່ວັດດິບດີ, ເລືອກໝູສ່ວນສະໂພກ ມີຄຸນນະພາບ ຈົນທຸກຢ່າງລົງຕົວ ໃຊ້ເຄື່ອງສະໄລ ເຊິ່ງຕອນທຳອິດໃຊ້ມື ເຮັດໃຫ້ແຜ່ນໝູໜາບາງບໍ່ເທົ່າກັນ. ຈາກນັ້ນ,ກໍ່ນຳໄປຕາກໃນໂດມພາຣາໂບລາ ເຊິ່ງແຫ້ງໄວກວ່າແດດທຳມະຊາດ ໃຊ້ເວລາ 1 ວັນເຕັມ ແລ້ວນຳມາທອດ.

ເອື້ອຍໂອ໋ ຢໍ້າວ່າ: ຂັ້ນຕອນນີ້ ແມ່ນເນັ້ນເລື່ອງແຜ່ນໝູບໍ່ໃຫ້ພັບ ເພາະເມື່ອນຳໄປແພັກໃສ່ຖົງຫຼື ກ່ອງຈະບໍ່ເຕັມກ່ອງ,ບໍ່ງາມ ແລະ ເວລາທອດຕ້ອງເບິ້ງສີໝູໃຫ້ເປັນ,ໝູຕ້ອງເປັນສີສົ້ມ ພໍຕັກຂຶ້ນມາຄວາມຮ້ອນຄາຍຕົວໝູ ຈະເປັນສີແດງງາມໜ້າຮັບປະທານ.
ສ່ວນດ້ານການຕະຫຼາດ ເອື້ອຍໂອ໋ບອກວ່າ: ເນື່ອງຈາກເປັນສິນຄ້າທີ່ເປີດໂຕໃ ໝ່ ຍັງບໍ່ມີລູກຄ້າເປັນຂອງຕົວເອງ ຈຶ່ງເນັ້ນເຮັດເບລື່ອງການຕະຫຼາດ ເພື່ອເພີ່ມຍອດຂາຍ ເຊິງທັງສອງສາມີພັນລະຍາ ຊ່ວຍກັນຫາຕະຫຼາດເພີ່ມ ນຳສິນຄ້າທີ່ເປັນແພັກເກັດແບບກະປຸກ ກັບຖົງຊິປ໋ອກ ໄປຝາກຂາຍຕາມຮ້ານເຝີ ພໍໄດ້ຄ່າກຳໄລຈາກການຝາກຂາຍ.

ຈາກທີ່ເຮັດກັນມາ 2 ຄົນ ມາຮອດມື້ນີ້ ມີພະນັກງານ 4 ຄົນ ພໍທຸກົ່າງລົງໂຕ ເອື້ອຍໂອ໋ເລີ່ມຫາຕະຫຼາດເພີ່ມ ດ້ວຍການຊອກຫານ້າຮ້ານຕືກ ເປັນເປັນຮ້ານຄ້າ, ທຳເລດີໆ ແຕ່ຄ່າເຊົ່າຂ້ອນຂ້າງແພງ ເຊິ່ງເຫັນວ່າສະໄໝນີ້ ຄົນນິຍົມຊື້ຂອງຜ່ານອອນໄລນ໌ກັນຫຼາຍ ຈຶ່ງຕັດສິນໃຈເປີດເພຈ, ເຊິ່ງເລີ່ມຈາກ ການນຳເອົາສິນຄ້າທີ່ຖ່າຍຫຼິ້ນລົງໄປເພື່ອໂປຣໂມດ ແຕ່ກໍ່ຍັງບໍ່ທັນມີໃຜສົນໃຈປານໃດ ແຕ່ໂຊກດີ ທີ່ມີເພື່ອນຮ່ວມງານ ກ່ຍວກັບການອອກແບບ ມາຕົກແຕ່ງ ໂຄສະນາ ຈຶ່ງຊ່ວຍໃຫ້ໝູ່ຊ່ວຍເຮັດການຕະຫຼາດໃຫ້ຈົນທຸກຢ່າງອອກມາດີ.

ໝູຄຸນນາຍໂອ໋ ມີທັງໝົດ 5 ແບບຄື: ໝູຝອຍ, ໝູສະຫວັນຕ່ອນໃຫຍ່, ໝູເຄັມງາ, ໝູເຄັມພິກໄທດຳ ແລະ ໝູສະຫວັນຕ່ອນນ້ອຍ. ເຊິ່ງມື້ໜຶ່ງສາມາດຜະລິດໄດ້ 100 ກິໂລກຣາມ/ວັນ ຫຼື 3.000 ກິໂລກຣມຕໍ່ເດືອນ. ສຳລັບໄລຍະເທດສະການ ຈະເພີ່ມແບບເທົ່າຕົວ ໄດ້ກຳໄລຫຼັ້ກແສນຕໍ່ເດືອນ ເຊິ່ງສິນຄ້າສາມາດຢູ່ໄດ້ໃນອຸນຫະພູມປົກກະຕິ ຫາກກິນບໍ່ໝົດ ໃຫ້ປິດຝາກະປຸກ ຫຼຶ ປຶດປາກຖົງຢາງໃຫ້ສະໜິດ ຈະຢູ່ໄດ້ດົນເຖິງ 3 ອາທິດ ຫຼື ໃສ່ຕູ້ເຢັນໍ່ຈະເພີ່ມໄລຍະເວລາໃນການເກັບຮັກສາໄດ້ຫຼາຍຂຶ້ນ.