ຂ່າວຄົນລະມ້ວນ! ເຫດລັກລົດກະປ໋ອງນ້ອຍຄືນວານນີ້ 8/11/2019

ຂ່າວຄົນລະມ້ວນ! ເຫດລັກລົດກະປ໋ອງນ້ອຍຄືນວານນີ້ 8/11/2019

9th November 2019 0 By Admin

ກາຍເປັນຂ່າວຄົນລະມ້ວນ ສຳລັບກໍລະນີເກີດເຫດການລັກລົດປະປ໋ອງນ້ອຍໃນມື້ຄືນນີ້ ກັບກາຍວ່າ ບໍ່ແມ່ນເຫດການເກີດຂຶ້ນ ຢູ່ບຸນທາດຫຼວງແຕ່ຢ່າງໃດ ຫາກເປັນເລື່ອງທີ່ເຈົ້າຂອງລົດໄດ້ໃຫ້ໝູ່ຢືມໄປແຕ່ປີ 2018 ຈົແຕ່ຜູ້ຢືມໄປບໍ່ຍອມເອົາມາສົ່ງ ກັບມາເຫັນອີກຄັ້ງ ຈຶ່ງເປັນດັ່ງທີ່ເຮັດໃນຄລິບ ທີ່ແຜ່ກະຈາຍໃນໂລໂຊຊ້ຽວດັ່ງໆທີ່ຫຼາຍໆຄົນເຫັນ.


ອີງຕາມເພຈຂ່າວ ລາວພັດທະນາໃຫ້ຮູ້ວ່າ: ເຫດການດັ່ງກ່າວ ທາງໜັງສືພິມລາວພັດທະນາ ໄດ້ສອບຖາມເຈົ້າໜ້າທີ່ ປກສ ເມືອງ ໄຊເສດຖາ ນະຄອນຫລວງວຽງຈັນ ໃຫ້ຮູ້ວ່າ: ເຫດການດັ່ງກ່າວບໍ່ແມ່ນເຫດລັກລົດ ຢູ່ ບຸນທາດຫຼວງ ເຊິ່ງເຫດໄດ້ເກີດຢູ່ ບ້ານ ໂນນຫວາຍ, ໂດຍຜູ້ເປັນເຈົ້າຂອງລົດເກັງ ໝາຍເລກທະບຽນ ກຕ 0090 ໂດຍຜູ້ເປັນເຈົ້າຂອງລົດແມ່ນຢູ່ບ້ານ ສີໄຄ ເມືອງ ສີໂຄດຕະບອງ ນະຄອນຫລວງວຽງຈັນ ໄດ້ເອົາລົດໃຫ້ຄົນຮູ້ຈັກຢືມແຕ່ປີ 2018 ແຕ່ ຄົນຮັກແພງນັ້ນບໍ່ສົ່ງຄືນ.

ພໍມາຮອດວັນທີ 8 ພະຈິກ ຜູ້ທີ່ເປັນເຈົ້າຂອງລົດທີ່ແທ້ຈິງນັ້ນໄດ້ມາພົບເຫັນຈຶ່ງຢາກເອົາລົດຄືນ ໃນຂະນະນັ້ນຊາຍ ທີ່ຢືມລົດໄປ ກໍບໍ່ຍອມສົ່ງໃຫ້ ແຕ່ໄດ້ຂັບລົດໜີອອກມາ ຈົນມາຮອດເຂດຮ້ານອາຫານ ໜອງອໍ້ ບ້ານ ໂນນສະຫວ່າງ ເມືອງ ສີໂຄດຕະບອງ ຈຶ່ງໄດ້ຈອດລົດຖິ້ມໄວ້ກາງປ່າ ກ່ອນຈະເອົາຕົວຫລົບໜີ.

ແຕ່ຄວາມຈິງເປັນແນວໃດກັນແທ້ ຕ້ອງລໍຖ້າຜົນການສືບວສນ-ສອບສວນເຈົ້າໜ້າທີ່ ປກສ ອີກຄັ້ງໜຶ່ງ ເຊິ່ງປັດຈຸບັນເຈົ້າໜ້າທີ່ກຳລັງຕິດຕາມຕົວມາສືບສວນ-ສອບສວນ. ຖ້າມີຄວາມຄືບໜ້າແອັດຂະມາລາຍງານໃຫ້ທ່ານໄດ້ຊາບຕື່ມ.