RIP! ການຈາກໄປ ຂອງຄູຝຶກ A ລາຍເຊັນຄົນທໍາອິດຂອງລາວ

RIP! ການຈາກໄປ ຂອງຄູຝຶກ A ລາຍເຊັນຄົນທໍາອິດຂອງລາວ

18th January 2020 0 By Admin

ເປັນຂ່າວສຸດເສົ້າສໍາລັບສາຍກິລາ, ວົງການບານເຕະ ທີ່ໄດ້ສູນເສຍຜູ້ໃຫຍ່ ຫຼື ຄູຝຶກ A ລາຍເຊັນຄົນທໍາອິດຂອງລາວໄປໃນຕອນແລງວັນທີ 18 ມັງກອນ 2020 ກໍຄືມື້ນີ້

ໂດຍສະຫະພັນບານເຕະແຫ່ງຊາດລາວ ໄດ້ໂພສພາບວ່າ: ຂໍສະແດງຄວາມເສຍໃຈ ແລະ ໄວ້ອາໄລເຖິງດວງວິນຍານຂອງ ທ່ານ ວາລະກອນ ພົມພັກດີ (ຕ້ອມ) ອະດີດຫົວຫນ້າຄູຝຶກທີມຊາດລາວ ເຊິ່ງເປັນຄູຝຶກຄົນລາວຄົນທໍາອິດ ທີ່ສາມາດເສັງຜ່ານຄູຝຶກລະດັບ A ລາຍເຊັນ ໄດ້ຈາກພວກເຮົາໄປໂດຍບໍ່ມີວັນຫວນກັບ ໃນຕອນແລງວັນເສົາ 18 ມັງກອນ 2020.

ທີມງານພວກເຮົາ ຂໍໃຫ້ດວງວິນຍານຂອງທ່ານຈົ່ງໄປສູ່ສຸກຂະຕິ ເຮົາທຸກຄົນຈະຂໍຈົດຈຳຜົນງານ ແລະ ຄຸນງາມຄວາມດີຂອງທ່ານຕະຫລອດໄປ

ສໍາລັບ ທ່ານ ວາລະກອນ ເປັນຄູຝຶກທີມມີປະສົບການສູງໃນວົງການບານເຕະລາວ ເປັນຫົວໜ້າຄູຝຶກທີມຊາດລາວ ຊຸດໃຫຍ່ ມາຫຼາຍຊຸດ ລວມທັງຍັງເປັນຄູຝຶກທີມມີຊື່ສຽງໃນວົງການບານເຕະລາວ ມາໂດຍຕະຫຼອດ ເປັນຕົ້ນແມ່ນເປັນຄູຝຶກຂອງ ມຊ ເອັຟຊີ ແລະ ອີໂວ້ ຢູໄນເຕັດ ລຸຍການແຂ່ງຂັນບານເຕະ ລາວພຣີເມຍລີກ ທີ່ພວກເຮົາເຫັນກັນມາແລ້ວຢ່າງປະຈັກຕາ.

ຈາກ: https://sportsupdate.org/