ປະກາດຮັບຄູ່ຊີວິດ ຮ່ວມເດີນທາງໄປດວງຈັນ ກັບມະຫາເສດຖີຍີ່ປຸ່ນ

ປະກາດຮັບຄູ່ຊີວິດ ຮ່ວມເດີນທາງໄປດວງຈັນ ກັບມະຫາເສດຖີຍີ່ປຸ່ນ

15th January 2020 0 By Admin

ເປັນທີ່ຮືຮາ ເມື່ອສື່ຕ່າງປະເທດເຜີຍ: ມະຫາເສດຖີຍີ່ປຸ່ນ ປະກາດຮັບສະຫມັກຄູ່ຊີວິດ ຮ່ວມເດີນທາງໄປດວງຈັນ ເຊິ່ງແມ່ນຢູຊະກຸ ມະເອະຊະວະ ມະຫາເສດຖີຍີ່ປຸ່ນ

ສາຍທ່ອງທ່ຽວມີສິດລຸ້ນງານນິ 555 ທ່ານ ຢູຊະກຸ ມະເອະຊະວະ ເປັນມະຫາເສດຖີຍີ່ປຸ່ນ ບອກວ່າ: ຕົນກຳລັງຊອກຫາຜູ້ຍິງຈັກຄົນມາເປັນຄູ່ຊີວິດ ເພື່ອຮ່ວມເດີນທາງທ່ອງທ່ຽວໂຄຈອນຮອບດວງຈັນດ້ວຍຍານອາວະກາດ ສະຕາຣຊິບ ຂອງສະເປຊເອັກ ບໍລິສັດຍານອາວະກາດຂອງອີລອນ ມັສກ (ແປເປັນລາວກະງົງໆແນ່ເນາະ)

ທ່ານມະເອະ ມະຊະວະ ອາຍຸ 44 ປີ ໄດ້ປະກາດເທີງເວບໄຊສ່ວນໂຕວ່າຕ້ອງການແບ່ງປັນປະສົບການກັບຜູ້ຍິງຄົນພິເສດ ຈຶ່ງເຊີນຊວນໃຫ້ຜູ້ຍິງທັງຫຼາຍມາສະຫມັກກັນ ຫລັງແຍກທາງບໍ່ດົນກັບແຟນເກົ່າ ໂກຣິຄິ ອະຢະເມະ ນັກສະແດງສາວຍີ່ປຸ່ນອາຍຸ 27 ປີ (ອົກຫັກ ຢາກພັກໃຈວ່າຊັ້ນ)

ບອກເງື່ອນໄຂຂອງຜູ້ຍິງທີ່ຈະເປັນຄູ່ເດດມາພ້ອມວ່າ ຕ້ອງເປັນຄົນໂສດ ອາຍຸເກີນ 20 ປີ ເບີ່ງໂລກໃນແງ່ດີສະເໝີ ແລະ ມີຄວາມສົນໃຈເດີນທາງໄປອາວະກາດ ຫມົດເຂດວັນທີ່ 17 ມັງກອນ ນີ້ ຈາກນັ້ນຈະໃຊ້ເວລາ 3 ເດືອນ ໃຫ້ຜູ້ຍິງທົດລອງເດດກັບທ່ານມະເອະຊະວະ ເພື່ອຄັດເລືອກຄົນສຸດທ້າຍ ທ້າຍເດືອນມີນາ


“ສິ່ງຫນື່ງທີ່ຂ້ອຍຄິດຄືຮັກຜູ້ຍິງອີກຈັກຄົນຂ້ອຍຕ້ອງການຫາຄູ່ຊີວິດ ຂ້ອຍກັບຄົນຮັກໃນອານາຄົດຂອງຂ້ອຍຕ້ອງການປະກາດຄວາມຮັກຂອງເຮົາ ແລະສັນຕິພາບໂລກໃຫ້ດັງກ້ອງຈາກນອກໂລກ” ທ່ານມະເອະຊະວະລະບຸເທີງເວັບໄຊ ກຳນົດການເດີນທາງຄືປີ 2023.


ອະເນາະລອງສະໝັກໄປເບິ່ງເດີ້ ນີ້ອາດແມ່ນເນື້ອຄູ່ທ່ານ…