ບໍ່ໄດ້ຈັດງານແຕ່ງ ບໍ່ໄດ້ແປວ່າບໍ່ໃຫ້ກຽດພໍ່ແມ່ ແຕ່ລະຄອບຄົວມີພາລະຫນ້າທີ່ບໍ່ຄືກັນ

ບໍ່ໄດ້ຈັດງານແຕ່ງ ບໍ່ໄດ້ແປວ່າບໍ່ໃຫ້ກຽດພໍ່ແມ່ ແຕ່ລະຄອບຄົວມີພາລະຫນ້າທີ່ບໍ່ຄືກັນ

14th January 2020 0 By Admin

ການແຕ່ງດອງ ເປັນຈຸດເລີ່ມຕົ້ນຂອງຊີວິດຄູ່ແບບຈິງຈັງ ແລະ ເປັນການປະກາດໃຫ້ຍາດຕິພີ່ນ້ອງ ຫລືຍາດຕິພີ່ນ້ອງຮັບຮູ້ວ່າ ຄົນສອງຄົນຈະຢູ່ຮ່ວມທຸກຮ່ວມສຸກ ແລະ ດູແລກັນໄປຈົນແກ່ເຖົ້າ ໃນອະດີດເຖິ່ງແມ່ນວ່າການແຕ່ງດອງຈະເປັນການຜູກມັດທັ້ງສອງຝ່າຍໃຫ້ຢູ່ນໍາກັນແລ້ວ ແຕ່ພົບວ່າປັດຈຸບັນ ເປັນພຽງການເລີ່ມຕົ້ນຊີວິດຄູ່ເທົ່ານັ້ນ

ບາງຄົນກໍຈັດງານແຕ່ງດອງທີ່ໃຫຍ່, ຫຼູຫຼາໃຊ້ຫງົບປະມານຈຳນວນຫລາຍ ບາງຄົນເຖິງຂັ້ນຕ້ອງກູ້ໜີ້ສິນມາເພື່ອເຮັດງານແຕ່ງດອງທັ້ງໆທີ່ຍັງບໍ່ພ້ອມ ແຕ່ບາງຄອບຄົວພໍ່ແມ່ກໍມີພ້ອມທາງຖານະແລະເງິນທອງ ນັ້ນກໍຖືວ່າໂຊກດີໄປ


ແຕ່ນັ້ນກໍບໍ່ເປັນແນວຕັດສິນວ່າເຮາຈະຮັກກັນໄປຕະຫຼອດ, ຈະໃຊ້ຊີວິດຮ່ວມກັນ ເພາະກໍເຫັນມາຫຼາຍຄູ່ຄືກັນທີ່ຕ້ອງຮ້າງກັນໄປເພາະຫຼາຍໆປັດໃຈ ຕໍ່ໃຫ້ຈັດງານແຕ່ງຍິ່ງໃຫຍ່ເທົ່າໃດກໍຕາມ ທີ່ຈະມາແນະນໍາ ຫຼື ໃຫ້ຮູ້ມື້ນີ້ຄືການຈັດງານແຕ່ງບໍ່ຈຳເປັນເລີຍທີ່ຈະໂອ້ອວດ ຫລືວ່າຈັດງານໃຫຍ່ແຕ່ຢ່າງໃດ ປັດຈຸບັນຂໍພຽງແຕ່ຄອບຄົວທັງສອງກໍ້າສອງຝ່າຍຮັບຮູ້ນຳກັນເທົ່ານັ້ນກໍພຽງພໍແລ້ວ

ຜູ້ໃຊ້ເຟດບຸກທ່ານໜຶ່ງໄດ້ໂພສເລື່ອງລາວກ່ຽວກັບງານວັນແຕ່ງທີ່ເປັນຂໍ້ຄິດໄວ້ວ່າ ຫາກຊີວິກຄູ່ເລີ່ມຕົ້ນດ້ວຍການໄປກູ້ໜີ້ຍືມສິນ ມາເຮັດງານແຕ່ງດອງ ມັນມີຄວາມສຸກດີແລ້ວບໍ ເຮົາທັງຄູ່ຢູ່ນຳກັນມາຮອດ10ປີ ກໍຊື້ລົດຊື້ເຮືອນ ມີເງິນເກັບນຳກັນກ່ອນຈຶ່ງໄດ້ມາລົມກັນເລື່ອງຈັດງານແຕ່ງ ພໍ່ແມ່ຮູ້ມາຕະຫລອດວ່າພວກເຮົາຢູ່ນຳກັນ

ພໍ່ບອກເທົ່ານີ້ຊີວິດລູກກໍປະສົບຄວາມສຳເລັດແລ້ວ ການຈັດງານແຕ່ງບໍ່ແມ່ນຕົວຊີ້ວັດຄວາມສຸກຂອງຊີວິດ ພໍ່ແມ່ເຂົ້າໃຈ ການສ້າງຊີວິດ ສ້າງຄອບຄົວໃຫ້ສົມບູນ ແລ້ວໄປຈົດທະບຽນກັນໃຫ້ເປັນຄອບເປັນຄົວດຽວກັນໃຫ້ສົມບູນກໍພໍ ເຮົາບໍ່ໄດ້ຈັດງານແຕ່ງດອງບໍ່ແມ່ນບໍ່ໃຫ້ກຽດພໍ່ແມ່ ແຕ່ຂ້ອຍແລະແຟນສະດວກແບບນີ້

ທຸກຍ່າງເລີຍຕົກລົງກັນດ້ວຍດີ ພວກເຮົາຈຶ່ງໄດ້ໄປຈົດທະບຽນຮ່ວມກັນ ແລະ ທັງສອງຄອບຄົວຈຶ່ງໄດ້ພາກັນໄປສະຫຼອງກັນຢູ່ຮ້ານອາຫານຢ່າງອົບອຸ່ນ ມີຄວາມສຸກ ແລະໂອລົມກັນມ່ວນຊື່ນ ຕື່ນຂື້ນມາ ບໍ່ມີຫນີ້ສິນເພີ້ມຂຶ້ນ ແລະໄປເຮັດວຽກຫາເງິນຫາຄຳເພື່ອສ້າງອະນາຄົດກັນຕໍ່ໄປ

“ຄອບຄົວເຮົາເຂົ້າໃຈ ເຖິງແມ່ນວ່າຄົນອ້ອມຂ້າງຈະບໍ່ເຂົ້າໃຈກໍ່ຕາມ”


ນີ້ເປັນເລື່ອງໜຶ່ງທີ່ອາດເປັນທາງອອກ, ຂໍ້ຄິດໃຫ້ສໍາລັບຄູ່ບ່າວສາວທີ່ຍັງບໍ່ພ້ອມ, ຫຼື ບໍ່ມີເງິນຄໍາຫຼວງຫຼາຍທີ່ຈະຈັດງານແຕ່ງ ເຮົາຕ້ອງລະຖານະ ຄວາມສາມາດວ່າເຮົາສາມາດຈັດໄດ້ລະດັບໃດ ບໍ່ແມ່ນເຫັນເຂົາເຮັດໃຫຍ່ໂຕ ຫຼູຫຼາ ແມ່ນວ່າໃຜກໍຢາກເຮັດແບບນັ້ນ ແຕ່ຖ້າຫາກເຮົາບໍ່ມີ ກໍຄວນຈັດຕາມທີ່ເຮົາມີ ແລ້ວບໍ່ເຮັດໃຫ້ຕົນເອງ, ຄົນອື່ນເດືອດຮ້ອນກໍພໍແລ້ວ