ເປັນບຸນຕາ! ພິທີຍົກພຣະເຈົ້າອົງຫຼວງປະທານພອນ ພຣະພຸດທະຮູບໃຫຍ່ທີ່ສຸດໃນລາວຂຶ້ນແທ່ນ

ເປັນບຸນຕາ! ພິທີຍົກພຣະເຈົ້າອົງຫຼວງປະທານພອນ ພຣະພຸດທະຮູບໃຫຍ່ທີ່ສຸດໃນລາວຂຶ້ນແທ່ນ

13th January 2020 0 By Admin

ພຣະເຈົ້າອົງຫຼວງປະທານພອນ ພຣະພຸດທະຮູບໃຫຍ່ທີ່ສຸດໃນປະເທດລາວ ໄດ້ຍົກຂື້ນແທ່ນແລ້ວມີນໍ້າ    ຫນັກລວມທັງຫມົດ 108 ໂຕນ, ຫນ້າຕັກກວ້າງ 16 ແມັດ, ມີຄວາມສູງທັງຫມົດ 38 ແມັດ. ໃນນັ້ນ: ອົງພຣະສູງ 24 ແມັດ ແລະ ແທ່ນບັນລັງສູງ 14 ແມັດ ທີ່ວັດໄຫຫີນມີໄຊຍະຣາມ ເມືອງແປກ ແຂວງຊຽງຂວາງ ເພື່ອເປັນທີ່ສັກກາລະບູຊາກາບໄຫວ້ຂອງຊາວພຸດທະສາສະນິກະຊົນຊາວພຸດທັງຫຼາຍໃນວັນທີ 12 ມັງກອນ 2020 ຜ່ານມາ.

*

ກ່ອນຈະນຳເອົາ ພຣະເຈົ້າອົງຫຼວງປະທານພອນ ພຣະພຸດທະຮູບໃຫຍ່ທີ່ສຸດໃນປະເທດລາວ ຍອດເກດພຣະເຈົ້າໃຫຍ່ອົງຫຼວງປະທານພອນ ໄດ້ຍົກຂື້ນແທ່ນ ກໍ່ໄດ້ມີພິທີຫລໍ່ຍອດເກດພຣະເຈົ້າອົງຫລວງປາງປະທານພອນ ທີ່ວັດອົງຕື້ ມະຫາວິຫາຣ ເມືອງ ຈັນທະບູລີ ນະຄອນຫຼວງວຽງຈັນ ໃນວັນທີ 09/01/2020 ເວລາ 09:09 ໂມງ ໂດຍມີພຣະເຖຣະ-ນຸເຖຣະ ທ່ານພັນຄຳ ວິພາວັນ ຮອງປະທານປະເທດ ແຫ່ງ ສ.ປ.ປ.ລາວ, ທ່ານບຸນຕົ້ນ ຈັນທະພອນ ເຈົ້າແຂວງ ແຂວງຊຽງຂວາງ ພ້ອມດ້ວຍການນຳພັກ-ລັດ ຈາກສູນກາງ ແລະເຈົ້າແຂວງຊຽງຂວາງເຂົ້າຮ່ວມ ພ້ອມດ້ວຍພໍ່ແມ່ພຸດທະບໍລິສັດເຂົ້າຮ່ວມຢ່າງຫຼວງຫຼາຍ.

**

ໂດຍພະເຈົ້າອົງດັ່ງກ່າວ ມີນໍ້າໜັກຄຳ 3-4 ກິໂລກຣາມ ພຣະພຸດທະຮູບທອງອົງນີ້ມີນ້ຳຫນັກລວມທັງຫມົດ 108 ໂຕນ, ໜ້າຕັດກວ້າງ 16 ແມັດ, ຄວາມສູງຂອງພຣະພຸດທະຮູບ 24 ແມັດ ,ແທ່ນພຣະສູງ 14 ແມັດ ລວມທັງອົງພຣະແລະແທ່ນພຣະເປັນ 38 ແມັດ.

**