ວ້າວ! ກຽມພົບໝາກໂມສາຍພັນໃຫຍ່ຈາກຈີນ ນຳມາທົດລອງປູກຢູ່ເຊບັ້ງໄຟອີກ 2 ເດືອນໄດ້ເຫັນ

ວ້າວ! ກຽມພົບໝາກໂມສາຍພັນໃຫຍ່ຈາກຈີນ ນຳມາທົດລອງປູກຢູ່ເຊບັ້ງໄຟອີກ 2 ເດືອນໄດ້ເຫັນ

13th January 2020 0 By Admin

ດ້ວຍຄວາມເຊື້ອດຸໝັ່ນຂະຫຍັນພຽນຂອງປະຊາຊົນລາວບັນດາເຜົ່າ ບວກກັບທ່າແຮງຂອງປະເທດ ທີ່ມີພື້ນທີ່ກວ້າງຂວາງ ແລະ ເໝາະສົມແກ່ການເຮັດກະສິກຳ; ດັ່ງນັ້ນ ບໍລິສັດຖ່ານຂາວ ຮ່ວມກັບ ຫ້ອງການກະສິກໍາ ແລະ ປ່າໄມ້ເມືອງ ເມືອງເຊບັ້ງໄຟ ແຂວງຄຳມ່ວນ ທົດລອງໝາກໂມ ໃນເນື້ອທີ່ຈຳນວນ 4,1 ເຮັກຕາ ຢູ່ດິນທົດລອງຂອງຫ້ອງການກະສິກຳ ແລະ ປ່າໄມ້ເມືອງ ເຂດບ້ານຂົວເຊ.

ໂດຍໄດ້ນຳເບ້ຍໝາກໂມມາປູກ ຈຳນວນ 100.000 ເບ້ຍ, ມີ 2 ສາຍພັນຄື: ພັນທີ 1 ເຫີຍຈິງກັງ ເຊິ່ງໝາກໂມ 1 ໜ່ວຍມີນ້ຳໜັກ 3 ກິໂລ ແລະ ສາຍພັນທີ 2 ຟາຟູລີລຽນ ຂະໜາດໝາກ 1 ໜ່ວຍ ມີນ້ຳໜັກ 15 ກິໂລ  ເຊິ່ງຄາດວ່າຈະໄດ້ເກັບກູ້ຜົນຜະລິດໃນເດືອນມີນາ ທີ່ຈະມາເຖິງ ເຊິ່ງຄາດຄະເນຜົນຜະລິດໃນຄັ້ງນີ້ແມ່ນ 600.000 ໂຕນ ແລະ ຄິດໄລ່ສະເລຍເປັນເງິນ ປະມານ 400 ລ້ານກີບ.

ໃນທ້າຍອາທິດຜ່ານມາ, ທ່ານ ບຸນສີ ພົມມະໄຊ ເຈົ້າເມືອງເຊບັງໄຟ ພ້ອມຄະນະ ໄດ້ລົງຊຸກຍູ້ການປູກໝາກໂມ 2 ສາຍພັນດັ່ງກ່າວ ແລະ ທ່ານໄດ້ເນັ້ນໃຫ້ພາກສ່ວນທີ່ກ່ຽວຂ້ອງ ເອົາໃຈໃສ່ໃນການຕິດຕາມທາງດ້ານເຕັກນິກໃນດ້ານການເບິ່ງແຍງ ແລະ ບົວລະບັດຮັກສາ ເພື່ອເຮັດໃຫ້ຜົນພະລິດໄດ້ຕາມລະດັບຄາດໝາຍ.

*

ທີ່ມາ: ຂປລ