ເມືອງພູຄູນ ທຳລາຍສິນຄ້າໝົດອາຍຸ ແລະ ປອມແປງຫຼາຍລາຍການ

ເມືອງພູຄູນ ທຳລາຍສິນຄ້າໝົດອາຍຸ ແລະ ປອມແປງຫຼາຍລາຍການ

7th November 2019 0 By Admin

ພິທີທຳລາຍສິນຄ້າໝົດອາຍຸ ແລະ ສິນຄ້າຫຼອກລຽນແບບ ໄດ້ຈັດຂື້ນໃນວັນທີ 6 ພະຈິກ 2019 ນີ້ ໂດຍການເຂົ້າຮ່ວມຂອງທ່ານ ຄຳພັນ ພະນິນທອງ ຮອງເຈົ້າເມືອງພູຄູນ, ມີຜູ້ຕ່າງໜ້າຈາກກະຊວງວິທະຍາສາດ ແລະ ເຕັກໂນໂລຊີ, ຂະແໜງການ ແລະ ພາກສວນທີກ່ຽວຂ້ອງຂອງເມືອງເຂົ້າຮ່ວມ.

ສິນຄ້າທີນຳມາທຳລາຍໃນຄັ້ງນີ້ ປະກອບມີປະເພດສິນຄ້າປອມແປງ ແລະ ສິນຄ້າໝົດອາຍຸ ຄິດເປັນມູນຄ່າ 41,726,000ກີບ ລວມທັງໝົດມີ 9 ລາຍການ ໃນນີ້ມີແປ້ງນົວກາຈອງຈຳນວນ 7,690 ຖົງ, ປະເພດເຄື່ອງດືມ, ເຂົ້າໜົມ, ເຄື່ອງສຳອາງ ແລະ ອື່ນໆ

ເຊິ່ງໄດ້ມາຈາກການລົງຕິດຕາມກວດກາຢູ່ບັນດາຫ້າງຮ້ານຂາຍພາຍໃນເມືອງ ແລະ ຢຶດຈາກລົດຂົນສົງຈຳນວນໜຶ່ງ ແຕ່ເດືອນ ສິງຫາເປັນຕົ້ນມາ ຂອງອົງການປະຕິບັດວຽກງານກວດກາການຄ້າ ປະສານສົມທົບກັບຂະແໜງການທີກ້ຽວຂ້ອງຂອງເມືອງ ທັງນີ້ກໍ່ເພື່ອເປັນຕິດຕາມກວດກາການຈຳໜ່າຍສິນຄ້າ ແລະ ຜະລິດຕະພັນຕາມທ້ອງຕະຫຼາດ, ຮ້ານຄ້າ ໃຫ້ມີຄຸນນະພາບ, ຖືກຕ້ອງຕາມລະບຽບກົດໝາຍ ທັງເປັນການປົກປ້ອງຜູ່ບໍລິໂພກ ໂດຍສະເພາະແມ່ນການປະຕິບັດຕາມກົດໝາຍວ່າດ້ວຍການປົກປ້ອງຜູ້ຊົມໃຊ້ ແລະ ກົດໝາຍວ່າດ້ວຍຊັບສິນທາງປັນຍາ ( ສະບັບປັບປຸງ )ໃນຂອບເຂດເມືອງພູຄູນໃຫ້ເຂັ້ມງວດ ແລະ ຕໍ່ເນື່ອງ.

ຂອບໃຈຂໍ້ມູນຈາກ: ຂ່າວສານເມືອງພູຄູນ ຂ່າວ: ວັນທຽນ ຄຳທະສິດ.