ບໍລິສັດສາຍສະໄໝຕັ້ງເປົ້າ ຈະສົ່ງອອກມັນຕົ້ນແຫ້ງໃຫ້ໄດ້ 1 ແສນໂຕນ ໄປຈີນ

ບໍລິສັດສາຍສະໄໝຕັ້ງເປົ້າ ຈະສົ່ງອອກມັນຕົ້ນແຫ້ງໃຫ້ໄດ້ 1 ແສນໂຕນ ໄປຈີນ

10th January 2020 0 By Admin

ປີ 2020 , ບໍລິສັດສາຍສະໄໝຂາອອກ- ຂາເຂົ້າ ຈຳກັດຜູ້ດຽວຈະສົ່ງ ອອກມັນຕົ້ນແຫ້ງໄປປະເທດ ສປ ຈີນຈຳນວນ 1 ແສນໂຕນ ໂດຍໃນປີ 2019 ທີ່ຜ່ານ ມາ ທາງບໍລິສັດໄດ້ສົ່ງອອກມັນ ຕົ້ນແຫ້ງຈຳນວນ 85 ພັນໂຕນ ໄປ ສປ ຈີນແລ້ວ (ໃນຈຳນວນ ນີ້ແມ່ນເກັບຊື້ຢູ່ແຂວງສາລະວັນ ຈຳນວນ 70 ພັນໂຕນ ແລະ ເກັບຊື້ຢູ່ແຂວງສະຫວັນນະ ເຂດຈຳນວນ 15 ພັນໂຕນ)

ທ່ານ ສີວິໄຊ ເກດແກ້ວສີວິໄລ ປະທານບໍລິສັດສາຍສະໄໝຂາ ອອກ-ຂາເຂົ້າ ຈຳກັດຜູ້ດຽວໄດ້ໃຫ້ຮູ້ວ່າ: ການສົ່ງອອກມັນຕົ້ນຂອງບໍລິ ສັດຕົນໃນທ້າຍອາທິດທີ່ຜ່ານມາ. ສຳລັບງວດທຳອິດທີ່ທາງ ບໍລິສັດໄດ້ສົ່ງອອກມັນຕົ້ນ ແຫ້ງໄປ ສປ ຈີນ ໃນຕົ້ນປີ 2020 ແມ່ນໄດ້ສົ່ງອອກຈຳນວນ 300 ໂຕນ, ຜ່ານທາງຂົວມິດຕະພາບ 2 ສະຫວັນນະເຂດ-ມຸກດາ ຫານ ເຊິ່ງໄດ້ຈັດໃຫ້ມີການເປີດ ການສົ່ງອອກໃນງວດທຳອິດ ໃນວັນທີ 3 ມັງກອນ 2020 ຢູ່ທີ່ລານຕາກມັນຕົ້ນບ້ານຫຼັກ 35 ເມືອງຈຳພອນ ແຂວງສະຫວັນນະເຂດ.

ທ່ານ ຄຳ ລຸຍ ຍາດຕິວົງ ໄດ້ກ່າວວ່າ: ການເກັບຊື້ມັນຕົ້ນຂອງບໍລິສັດ ສາຍສະໄໝ ແມ່ນໜຶ່ງໃນອົງ ປະກອບທີ່ສຳຄັນໃນການແກ້ ໄຂຊີວິດການເປັນຢູ່ຂອງປະຊາ ຊົນທີ່ໄດ້ຮັບຜົນກະທົບຈາກໄພນ້ຳຖ້ວມໃນໄລຍະຜ່ານມາ ບໍ່ວ່າຈະເປັນປະຊາຊົນພາຍ ໃນເມືອງຈຳພອນ ແລະເມືອງ ໃກ້ຄຽງ ເພາະວ່າການປູກມັນ ຕົ້ນແມ່ນສາມາດຂາຍໄດ້ຕະ ຫຼອດໄລຍະ 9 ເດືອນຂອງ 1 ປີ ແລະ ປະຊາຊົນກໍ່ປູກມັນຕົ້ນ ເປັນອາຊີບເສີມທີ່ສາມາດຂາຍ ຜົນຜະລິດຂອງຕົນເອງໂດຍບໍ່ຈຳກັດຈຳນວນ ແລະຂາຍ ໄດ້ເງິນສົດ. ເຊິ່ງເປັນຈຸດດີ ໜຶ່ງທີ່ເຮັດໃຫ້ປະຊາຊົນມີກຳ ໃຈໃນການປູກ ແລະເຫັນວ່າຂະບວນການປູກມັນຕົ້ນພາຍໃນ ເມືອງຈຳພອນກໍ່ມີເນື້ອທີ່ເພີ່ມຂຶ້ນເລື້ອຍໆ, ບາງຄອບຄົວທີ່ນຳມັນຕົ້ນມາຂາຍຈະມີລາຍໄດ້ສະເລ່ຍປະມານ 20-70 ລ້ານກີບຕໍ່ປີ.

ທີ່ມາ: ສະຫວັນພັດທະນາ ຂ່າວ / Savanhphathana News