ສີໃຄ ກັບຄຸນປະໂຫຍດຫຼາກຫຼາຍ ບໍ່ຄວນເບິ່ງຂ້າມເດັດຂາດ

ສີໃຄ ກັບຄຸນປະໂຫຍດຫຼາກຫຼາຍ ບໍ່ຄວນເບິ່ງຂ້າມເດັດຂາດ

9th January 2020 0 By Admin

ສີໃຄ ເປັນພືດລົ້ມລຸກຊະນິດໜຶ່ງ ທີ່ມີລັກສະນະເປັນກໍ ນິຍົມປູກໄວ້ຕາມບ້ານເຮືອນ ແລະ ນຳມາປຸງແຕ່ງອາຫານ ທັງຍັງເປັນພືດສະໝູນໄພທີ່ມີຄຸນປະໂຫຍດຢ່າງຫຼວງຫຼາຍ ເພາະວ່າສີໄຄນັ້ນອຸດົມໄປດ້ວຍວິຕາມິນ ແລະ ແຮ່ທາດຫຼາຍຊະນິດ ດັ່ງນັ້ນ, ເຮົາມາຮູ້ຈັກກັບຄຸນປະໂຫຍດຂອງສີໃຄນຳກັນເລີຍ.


ຊ່ວຍໄລ່ແມງໄມ້: ນອກຈາກຈະນຳມາປຸ່ງແຕ່ງອາຫານແລ້ວ ສີໄຄຍັງມີປະໂຫຍດໃນການໄລ່ແມງໄມ້ ເນື່ອງຈາກວ່າ ສີໃຄ ມີນ້ຳມັນຫອມລະເຫີຍຢູ່ໃນໃບ ແລະ ລຳຕົ້ນ ເຊິ່ງນ້ຳມັນຫອມເຫຼົ່ານີ້ມີຄຸນສົມບັດໃນການໄລ່ແມງໄມ້ໄດ້ເປັນຢ່າງດີ.


ຊ່ວຍລ້າງສານພິດ: ສຳລັບຄົນທີ່ຮັກສາສຸຂະພາບ ບໍ່ຄວນພາດ ເພາະວ່າສີໃຄ ມີຄຸນສົມບັດໃນການລ້າງສານພິດໃນຮ່າງກາຍ ດ້ວຍການເຮັດໃຫ້ລະບົບປັດສະວະຫຼາຍຂຶ້ນ ເນື່ອງຈາກວ່າສານເຄມີທີ່ຢູ່ໃນສີໃຄ ຈະຊ່ວຍທຳຄວາມສະອາດລະບົບຍ່ອຍອາຫານ, ຂັບສານພິດ ແລະ ກົດຍູຣິກອອກຈາກຮ່າງກາຍ ເຮັດໃຫ້ລະບົບຍ່ອຍອາຫານສະອາດຂຶ້ນ.


ຊ່ວຍຍ່ອຍອາຫານ: ມີງານວິໄຈໜຶ່ງພົບວ່າ ການດື່ມຊາສີໃຄ ຈະຊ່ວຍໃນການຍ່ອຍ, ຫຼຸດອາການປວດທ້ອງ, ແກ້ຫວັດ ແລະ ຊ່ວຍຫຼຸດຜ່ອນແກ໊ສໃນລຳໄສ້ໄດ້ອີກດ້ວຍ.


ຊ່ວຍຊ້ອມແຊມ ແລະ ບຳລູງລະບົບປະສາດ: ມີງານວິໄຈຈຳນວນບໍ່ນ້ອຍພົບວ່າ ສີໃຄສາມາດຊ່ວຍຊ້ອມແຊ້ມ ແລະ ເສີມຄວາມແຂງແຮງໃຫ້ກັບລະບົບປະສາດໄດ້ ເຊິ່ງສາມາດພິສູດໄດ້ວ່າ ການນຳເອົານ້ຳມັນຫອມລະເຫີຍສີໃຄມາຢອດລົງບົນຜິວໜັງ ຈະຮູ້ສຶກໄດ້ວ່າມັນອຸ່ນໆ ເຊິ່ງມັນຈະເຮັດໃຫ້ກ້າມເນື້ອຜ່ອນຄາຍໄດ້ຫຼາຍຂຶ້ນ.


ຊ່ວຍຮັກສາອາການອັບເສບ: ນອກຈາກຈະຊ່ວຍໃຫ້ຜ່ອນຄາຍ ແລະ ບັນເທົາອາການປວດຕ່າງໆໄດ້ແລ້ວ ນອກຈາກນີ້ ຍັງຊ່ວຍຫຼຸດອາການອັກເສບ ເຊິ່ງເປັນສາເຫດຂອງອາການປວດຕ່າງໆເຊັ່ນ: ປວດຟັນແຂ້ວ, ປວດກ້າມເນື້ອ ຫຼື ປວດຕາມຂໍ່ໄດ້ອີກດ້ວຍ.


ຊ່ວຍບຳລູງຜິວ: ສີໃຄເປັນສະໝູນໄພທີ່ອຸດົມໄປດ້ວຍສານຕ້ານອະນຸມູນອິດສະຫຼະ ດັ່ງນັ້ນ, ຈຶ່ງສາດຊ່ວຍບຳລູງຜິວ ແລະ ເຮັດໃຫ້ຜິວພັນສົດໃສສຸຂະພາບດີນຳອີກ.

ຈາກ: health.