ງາມຫຼາຍ ນໍ້າຕົກຕາດສູງ ຫຼື ນໍ້າຕົກຕາດເຊເຊັດ ແຫ່ງເມືອງ​ເລົ່າ​ງາມ ແຂວງ​ສາ​ລະ​ວັນ

ງາມຫຼາຍ ນໍ້າຕົກຕາດສູງ ຫຼື ນໍ້າຕົກຕາດເຊເຊັດ ແຫ່ງເມືອງ​ເລົ່າ​ງາມ ແຂວງ​ສາ​ລະ​ວັນ

5th January 2020 0 By Admin

ນໍ້າຕົກຕາດສູງ ຫຼື ນໍ້າຕົກຕາດເຊເຊັດ ຕັ້ງຢູ່ບ້ານສະນຶມໃນ, ເມືອງເລົ່າງາມ, ແຂວງສາລະວັນ, ຫ່າງຈາກເທດສະບານເມືອງ 25 ກິໂລແມັດ.

ເປີດບໍລິການນັບຕັ້ງແຕ່ປີ 1992 ນໍ້າຕົກຕາດສູງເປັນແຫຼ່ງທ່ອງທ່ຽວທີ່ມີຊື່ສຽງຂອງ ແຂວງສາລະວັນແຫ່ງໜຶ່ງ ມີຕົ້ນກຳເນີດ ມາຈາກສາຍນ້ຳເຊເຊັດ ທີ່ມີຄວາມສູງ ປະມານ 70 ແມັດ ທີ່ຕັ້ງຢູ່ບ້ານຄຽງຕາດສູງ ເມືອງສາລະວັນ

ແລະ ມີປະຫວັດຄວາມເປັນມາ ພ້ອມໆກັບການສ້າງ ບ້ານຄຽງຕາດສູງ ໂດຍມີຜູ້ນຳຂອງເຜົ່າແງະ ທີ່ໄດ້ຕັ້ງຖິ່ນຖານແຄມແມ່ນ້ຳເຊເຊັດ ບ່ອນທີ່ມີຄວາມອຸດົມສົມບູນ ເຊິ່ງທຳມະຊາດ ແລະ ມີຄວາມສະດວກ ໃນການດຳລົງຊີວິດ ແລະ ພາຍໃນບ້ານ ກໍ່ໄດ້ປຶກສາຫາລື ກັນວ່າຈະຕັ້ງຊື່ບ້ານແນວໃດ ແລະ ມີເຖົ້າແກ່ຄົນໜຶ່ງສະເໜີຂຶ້ນວ່າ: ບ້ານເຮົາມີທີ່ຕັ້ງເໝາະສົມ ແລະ ມີນ້ຳຕົກຕາດທີ່ສູງຊັນ ແລະ ມີຄວາມສວຍງາມ.

.

ຜ່ານການປຶກສາຫາລືພາຍໃນບ້ານ ຈຶ່ງຕົກລົງເອກະພາບກັນຕັ້ງຊື່ວ່າ: ບ້ານຄຽງຕາດສູງ ແລະ ເອີ້ນຊື່ນ້ຳຕົກຕາດດັ່ງກ່າວວ່າ: ນ້ຳຕົກຕາດສູງ ເທົ່າທຸກວັນນີ້.

.

ຈາກແຫຼ່ງ  ອົງການພັດທະນາການທ່ອງທ່ຽວ

ຮູບພາບຈາກ: S-Media Sonepasit Sone