ຄືນນີ້ກຽມຊົມຄວາມສວຍງາມຂອງ ຝົນດາວຕົກຮອບທໍາອິດຂອງປີ 2020

ຄືນນີ້ກຽມຊົມຄວາມສວຍງາມຂອງ ຝົນດາວຕົກຮອບທໍາອິດຂອງປີ 2020

3rd January 2020 0 By Admin

ເອີ້ນໄດ້ວ່າເປັນປາກົດການອັນສວຍງານຕ້ອນຮັບປີ 2020 ກັບຝົນດາວຕົກ ຄວດລັນຕິສ (Quadrantids Meteor Shower) ທີ່ຈະເກີດຂຶ້ນໃນຄໍ່າຄືນນີ້.

ເຊິ່ງຝົນດາວຕົກເປັນປາກົດການໜຶ່ງທີ່ເກີດຂຶ້ນໂດຍທໍາມະຊາດ ເຊິ່ງສ້າງຄວາມສວຍງາມໜຶ່ງໃນທ້ອງຟ້າ ໂດຍນັກວິໄຈດາລາສາດກ່າວວ່າ ຝົນດາວຕົກນີ້ຈະເກີດຂຶ້ນໃນລະຫວ່າງຄໍ່າຄືນວັນທີ 3-4 ມັງກອນ 2020 ນີ້ ຕັ້ງແຕ່ເວລາ 2:30 ຂອງວັນທີ 4 ມັງກອນເປັນຕົ້ນໄປ,

ການຕົກຂອງປີນີ້ມີການຕົກຂອງຝົນດາວຕົກສູງເຖິງ 120 ດວງຕໍ່ຊ່ວງໂມງ ແລະ ປະກອບກັບຄືນນີ້ບໍ່ມີແສງຈັນລົບກວນ ຈຶ່ງເໝາະສົມແກ່ການສັງເກດເຫັນໄດ້ຊັດເຈນ.

ແຖມເຮົາຍັງສາມາດເບິ່ງໄດ້ດ້ວຍຕາເປົ່າ ບໍ່ຈໍາເປັນຕ້ອງສ່ອງກ້ອງຈຸລະທັດ ແລະ ຄວນເບິ່ງໃນບ່ອນທີ່ບໍ່ມີແສງລົບກວນ,


ຝົນດາວຕົກ ຄວດລັນຕິສ ເກດຈາກເສດອານຸພາກທີ່ຫຼົງເຫຼືອຂອງດາວເຄາະນ້ອຍ 2003 ອີເອສ 1 ທີ່ໂຄຈອນຕັດຜ່ານວົງໂຄຈອນຂອງໂລກ.


ມັນຖືກຕັ້ງຊື່ຕາມ 1 ກຸ່ມດາວຄວອດແດນ ມູຣາລິສ (Quadrans Muralis)

ກຸ່ມດາວທີ່ວ່ານັ້ນເປັນກຸ່ມດາວທີ່ເຄີຍມີແຜນໃນແຜນທີ່ດາວຊວງສັດຕະວັດທີ 19  ປັດຈຸບັນຖືກລົບລ້າງໄປແລ້ວ ຢູ່ລະຫວ່າງກຸ່ມດາວ ເຮີຄິວລິສ ກຸ່ມດາວຄົນສັດລ້ຽງ ແລະ ກຸ່ມດາວມັງກອນ.

ໂດຍປາກົດການຝົນດາວຕົກນີ້ ມັກຈະເກີດຂຶ້ນໃນຊ່ວງວັນທີ 28 ທັນວາ-12 ມັງກອນ ຂອງທຸກປີ

ຈາກ: สถาบันวิจัยดาราศาสตร์แห่งชาติ Fan Page