ໃກ້ເຂົ້າມາແລ້ວ ການແຂ່ງຂັນບານເຕະຊີງແຊ້ມສະໂມສອນອາຊຽນ ( ACC )

ໃກ້ເຂົ້າມາແລ້ວ ການແຂ່ງຂັນບານເຕະຊີງແຊ້ມສະໂມສອນອາຊຽນ ( ACC )

6th November 2019 0 By Admin

ສະຫະພັນບານເຕະນາໆຊາດ ( FIFA ) ແລະ ສະຫະພັນບານເຕະອາຊີ ( AFC ) ພ້ອມໃຫ້ການສະຫນັບສະຫນູນ ສະຫະພັນບານເຕະອາຊຽນ ( AFF ) ຈັດການແຂ່ງຂັນເຕະບານຊີງແຊ້ມສະໂມສອນອາຊຽນ ຄຣັບ ແຊ້ມປ໋ຽນຊິບ ( ASEAN CLUB CHAMPIONSHIP ) ໂດຍ ທີມຊະນະເລີດລາຍການດັ່ງກ່າວ ແມ່ນໄດ້ສິດເຂົ້າຮ່ວມ ການແຂ່ງຂັນບານເຕະຊີງແຊ້ມສະໂມສອນໂລກຮອບສຸດທ້າຍ.

ສະໂມສອນເຂົ້າຮ່ວມການແຂ່ງຂັນແມ່ນມີທັງຫມົດ 12 ສະໂມສອນ ຈາກບັນດາປະເທດສະມາຊິກ ສະຫະພັນບານເຕະອາຊຽນ ( AFF ) ໂດຍຈະເລີ້ມການແຂ່ງຂັນໃນປີ 2020.

ສຳລັບຈຸດປະສົງໃນການຈັດການແຂ່ງຂັນກໍເພື່ອຕ້ອງການໃຫ້ມີການແຂ່ງຂັນແບບເປັນທາງຫລາຍຂຶ້ນ ເຊິ່ງເປັນການພັດທະນາວົງການບານເຕະໃນອາຊຽນ ລວມເຖິງການສ້າງປະສົບການໃນສະຫນາມໃຫ້ກັບນັກເຕະ ແລະ ແຟນບານເຂົ້າຮ່ວມຊົມລາຍການແຂ່ງຂັນ.

ສຳລັບທີມທີ່ເຂົ້າຮ່ວມຈະໄດ້ເຂົ້າຮັບເງິນອຸດຫນູນທີມຈາກ ສະຫະພັນບານເຕະອາຊຽນ ນັບຕັ້ງແຕ່ຮອບທຳອິດ ແລະ ຜ່ານເຂົ້າຮອບຈະເງິນອຸດຫນູນຕື່ມອີກ .

 

ຈາກ: ສະຫະພັນບານເຕະແຫ່ງຊາດລາວ Lao Football Federation