ຊົມເຊີຍ!!! ຊາວເມືອງວຽງຄຳ ສາມັກຄີສ້າງຂົວໄມ້ຂ້າມນໍ້າແຊງ ສຳເລັດໃນມື້ດຽວ

ຊົມເຊີຍ!!! ຊາວເມືອງວຽງຄຳ ສາມັກຄີສ້າງຂົວໄມ້ຂ້າມນໍ້າແຊງ ສຳເລັດໃນມື້ດຽວ

6th November 2019 0 By Admin

ນີ້ແຫຼະເພີ່ນວ່າ “ຄວາມສາມັກຄີຢູ່ໃສ ຄວາມສຳເລັດຍ່ອມຢູ່ທີ່ນັ້ນ” ນັບວ່າເປັນເລື່ອງລາວ ທີ່ໜ້າຍົກຍ້ອງ ແລະ ຊົມເຊີຍນໍ້າໃຈຊາວເມືອງ ວຽງຄຳ ແຂວງ ຫຼວງພະບາງ ທີ່ໄດ້ຮ່ວມແຮງສາມັກຄີກັນເຮັດຂົວຂ້າມໄມ້ຂ້າມນໍ້າ ສຳເລັດພຽງ 1 ວັນ.

ຕາມແຫລ່ງຂໍ້ມູນຈາກຂ່າວສານມສ ເມືອງວຽງຄຳໄດ້ໂພສໃນວັນທີ 5 ພະຈິກ 2019 ນີ້ວ່າ:  ພາຍໃຕ້ການຊີ້ນໍາ-ນໍາພາຂອງຄະນະພັກເມືອງ. ໃນວັນທີ 4/11/2019 ບັນດາໜ່ວຍຊາວໜຸ່ມສໍານັກງານ, ອົງການ ແລະ ຊາວໜຸ່ມບ້ານ 5 ບ້ານພາຍໃນເທດສະບານເມືອງວຽງຄໍາໄດ້ຊ່ວຍຄູ-ອາຈານ ແລະ ນ້ອງນັກຮຽນສ້າງຂົວໄມ້ຂ້າມນໍ້າແຊງໄປໂຮງຮຽນ ມສ ວຽງຄໍາເພື່ອໃຫ້ການໄປມາຂອງຄູ-ອາຈານ ແລະ ນ້ອງນັກຮຽນສະດວກຂຶ້ນກວ່າເກົ່າ.

ໃນການສ້າງຂົວຄັ້ງນີ້ມີປະມານ 673 ກວ່າແຮງງານ ແລະ ໃຊ້ເວລາສ້າງ 1 ວັນເຕັມຈຶ່ງສໍາເລັດ ເຊິ່ງເຫດການດັ່ງກ່າວໄດ້ສະທ້ອນໃຫ້ເຫັນເຖິງຄວາມສາມັກຄີຂອງປະຊາຊົນພາຍໃນບ້ານ ທີ່ໄດ້ສະຫຼະເຫື່ອແຮງ ເພື່ອສ້າງປະໂຫຍດແກ່ສ່ວນລວມ ກໍ່ຄືສ້າງຄວາມສະດວກສະບາຍແກ່ພໍ່ແມ່ປະຊາຊົນ ແລະ ລູກຫຼານຂອງຕົນພາຍໃນບ້ານ.