ເຈົ້າເມືອງເນັ້ນໃຫ້ກຸ່ມຜູ້ຄ້າຂາຍປິ້ງໄກ່ ທາງແບ່ງເຊ​ໂນຈົ່ງຮັກສາເອກກະລັກປີ້ງໄກ່ລາດ

ເຈົ້າເມືອງເນັ້ນໃຫ້ກຸ່ມຜູ້ຄ້າຂາຍປິ້ງໄກ່ ທາງແບ່ງເຊ​ໂນຈົ່ງຮັກສາເອກກະລັກປີ້ງໄກ່ລາດ

26th December 2019 0 By Admin

ທ່ານ ປະສົງສິນ ຈະເລີນສຸກ ເຈົ້າເມືອງອຸທຸມພອນ ພ້ອມຄະນະ ໄດ້ລົງຢ້ຽມຢາມ ພ້ອມທັງຕິດຕາມສະພາບການຂາຍປີ້ງໄກ່ເຊໂນ ໃນບໍລເວນຈຸດພັກລົດສາມແຍກເຊໂນ ໃນວັນທີ 17 ທັວາ 2019 ນີ້.

ໂດຍທ່ານ ເຈົ້າເມືອງ ໄດ້ກ່າວເນັ້ນຢ້ຳ ໃຫ້ກຸ່ມຜູ້ປະກອບການຂາຍ ປີ້ງໄກ່ລາດ ທີ່ຈຸດພັກລົດດັ່ງກ່າວ ຊຶ່ງເປັນບ່ອນທີ່ໃຫ້ບໍລິການຂາຍປີ້ງໄກ່ລາດຈົ່ງພ້ອມກັນຮັກສາເອກກະລັກປີ້ງໄກ່ລາດ ທີ່ເປັນສິນຄ້າທີ່ມີຊື່ສຽງໂດ່ງດັງຂອງເມືອງອຸທຸມພອນ ກໍ່ຄືແຂວງສະຫວັນນະເຂດ ຈົນໄດ້ຮັບກາໝາຍໂອ ດ໊ອບແຫ່ງຊາດ.

ສະນັ້ນ, ເຮັດແນວໃດພວກເຮົາຈະຮັກສາຊື່ສຽງນີ້ໄວ້ ທຸກຄົນທີ່ຂາຍປິ້ງໄກ່ລາດ ແມ່ນບໍ່ໃຫ້ມີການແຕ້ມແຕ່ງໃດໆ ແລະບໍ່ໃຫ້ເອົາໄກ່ພັນ ມາປິ້ງຂາຍຢ່າງເດັດຂາດ. ສະນັ້ນ, ສະມາຄົມ ປີ້ງໄກ່ລາດເຊໂນ ກໍ່ຕ້ອງໄດ້ເປັນເຈົ້າການນຳກັນໃນການ ຄ້າຂາຍປິ້ງໄກ່ລາດ ເພື່ອຮັກສາຄວາມເປັນເອກະລັກນີ້ໄວ້.

 

ຂໍ້ມູນຈາກເຟດ Savanhphathana News