ແພດໝໍຢຸ່ບັນດາໂຮງໝໍໃຫຍ່ ສາມາດປິ່ນປົວພະຍາດຍາກໆໄດ້ແລ້ວ ຫຼາຍຂະແໜງການ

ແພດໝໍຢຸ່ບັນດາໂຮງໝໍໃຫຍ່ ສາມາດປິ່ນປົວພະຍາດຍາກໆໄດ້ແລ້ວ ຫຼາຍຂະແໜງການ

23rd December 2019 0 By Admin

ເປັນອີກໜຶ່ງຄວາມພາກພູມໃຈ ສຳລັບວົງການແພດໝໍບ້ານເຮົາ ທີ່ສາມາດປິ່ນປົວ ແລະ ຜ່າຕັດພະຍາດຕ່າງໆຢູ່ບັນດາໂຮງໜໍໃຫຍ່ໃນນະຄອນຫລວງວຽງຈັນ ສາມາດຜ່າຕັດປ່ຽນວາວຫົວໃຈ, ແຍ່ເສັ້ນເລືອດຫົວໃຈ ແລະ ພະຍາດອື່ນໆທີ່ຮັກສາຍາກໄດ້ແລ້ວ ໂດຍການນຳໃຊ້ເຄື່ອງມືທີ່ທັນສະໄໝ.

ພາບປະກອບຂ່າວເທົ່ານັ້ນ

ທ່ານຮອງສາດສະດາຈານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໃຫ້ສຳພາດໃນບໍ່ດົນມານີ້ວ່າ ການແພດລາວສາມາດເວົ້າໄດ້ວ່າທຽບເທົ່າສາກົນແລ້ວ ເພາະມີເຄື່ອງມືທີ່ທັນສະໄໝທີ່ສາມາດປິ່ນປົວພະຍາດທີ່ປິ່ນປົວຍາກໆໄດ້ແລ້ວ ໂດຍສະເພາະພະຍາດທີ່ກ່ຽວກັບຫົວໃຈ ເຊັ່ນ: ການຜ່າຕັດປ່ຽນວາວຫົວໃຈ, ໃສ່ຈັກກະຕຸ້ນຫົວໃຈ, ແຍ່ເສັ້ນເລືອດຫົວໃຈ.

ພາບປະກອບຂ່າວເທົ່ານັ້ນ

ນອກນັ້ນ, ຍັງສາມາດຜ່າຕັດສະໝອງ, ຜ່າຕັດກະດູກສັນຫຼັງ, ກະດູກຫົວກົກຂາ, ຜ່າຕັດຄໍ່, ເອັນຫົວເຂົ່າ, ການໝາກຟອກໄຂ່ຫຼັງ, ຟອກຕັບ, ການຜ່າຕັດຜ່ານທໍ່ ແລະ ມີອຸປະກອນດ້ານວິເຄາະ-ລັງສີ, ປິ່ນປົວພະຍາດມະເຮັງດ້ວຍການສາຍແສງ ແລະ ການປິ່ນປົວດ້ວຍຢາພື້ນເມືອງ ແລະ ອື່ນໆ ແຕ່ສາມາດປິ່ນປົວພະຍາດດັ່ງກ່າວ ສະເພາະຢູ່ ບັນດາໂຮງໜໍໃຫຍ່ຢູ່ຂັ້ນສູນກາງ ຫຼື ຢູ່ສະເພາະຢູ່ໂຮງໝໍໃນນະຄອນຫຼວງເທົ່ານັ້ນ.

ພາບປະກອບຂ່າວເທົ່ານັ້ນ

ທ່ານຮອງສາດສະດາຈານ ບຸນກອງ ໄດ້ກ່າວຕື່ມວ່າ: ສະເພາະບັນດາໂຮງໜໍໃຫ່ຍຢູ່ຂັ້ນແຂວງກໍ່ເລີ້ມມີການພັດທະນາການຮັກສາພະຍາດຕ່າງໆໄດ້ເຊັ່ນກັນ ແຕ່ກໍຍັງຂາດອຸປະກອນການແພດທີ່ທັນສະໄໝ ແລະ ຍັງຂາດບຸກຄະລາກອນທີ່ຈະສາມາດນຳໃຊ້ອຸປະກອນ ຫຼື ເຄື່ອງຈັກທີ່ທັນສະໄໝໄດ້ ແຕ່ໂຮງໝໍຂັ້ນແຂວງກໍ່ສາມາດໃຫ້ບໍລິການປິ່ນປົວພະຍາດໃນ5 ຂະແໜງການທີ່ສຳຄັນໄດ້ແລ້ວເຊັ່ນ : ພະຍາດພາຍນອກ-ພາຍໃນ, ເດັກນ້ອຍ, ປະສູດຍິງ ແລະ ປິ່ນປົວສຸກເສີນຟື້ນຟູຊີບ.

ພາບປະກອບຂ່າວເທົ່ານັ້ນ

ທີ່ມາ: ໜັງສືພິມວຽງຈັນທາຍ