ຫາໂອກາດໄປຈັກຄັ້ງ! ແຫຼ່ງທ່ອງທ່ຽວບໍ່ນໍ້າຮ້ອນທີ່ຮ້ອນສຸດໃນລາວ 100 ອົງສາ ຢູ່ແຂວງຫົວພັນ

ຫາໂອກາດໄປຈັກຄັ້ງ! ແຫຼ່ງທ່ອງທ່ຽວບໍ່ນໍ້າຮ້ອນທີ່ຮ້ອນສຸດໃນລາວ 100 ອົງສາ ຢູ່ແຂວງຫົວພັນ

18th December 2019 0 By Admin

ບໍ່ນໍ້າຮ້ອນເມືອງຮ້ຽມ ຢູ່ທາງທິດຕາເວັນຕົກຂອງແຂວງຫົວພັນ ເຊິ່ງຕັ້ງຢູ່ຫ່າງຈາກເທສະບານເມືອງຊໍາເໜືອປະມານ 155 ກິໂລແມັດ ແລະ ມີເສັ້ນທາງເຂົ້າເຖິງສະດວກສະບາຍ ສິ່ງທີ່ສໍາຄັນແມ່ນນອນຢູ່ໃນເຂດປ່າສະຫງວນແຫ່ງຊາດນໍ້າແອດ – ພູເລີຍ ເຊິ່ງເປັນຂົງເຂດທີ່ອ້ອມຮອບໄປດ້ວຍປ່າໄມ້ສີຂຽວສະອຸ້ມຕະຫຼອດປີ ພ້ອມທັງມີສັດສາວາສິ່ງຫຼາກຫຼາຍຊະນິດທີ່ໄດ້ອະນຸລັກຮັກສາໄວ້ໃຫ້ນັກທ່ອງທ່ຽວໄດ້ຊົມ.

*

ບໍ່ນໍ້າຮ້ອນແຫ່ງນີ້ມີອຸນຫະພູມສູງທີ່ສຸດໃນ ສປປ ລາວ ເຊິ່ງມີຄວາມຮ້ອນເຖິງ 100 ອົງສາ ແລະ ທ່ານໃດທີ່ມາທ່ຽວຊົມກໍສາມາດນໍາເອົາອາຫານບາງຢ່າງໄປຕົ້ມ ຫຼື ລວກຈົນສຸກໄດ້ເຊັ່ນວ່າ: ໄຂ່, ໜໍ່, ຜັກຫຼືແມ່ນແຕ່ໄກ່ເປັນໂຕກໍສາມາດຕົ້ມຈົນສຸກໄດ້.

*

ນອກຈາກນີ້ແລ້ວໃນລະດູຮ້ອນກໍຍັງເປັນສະຖານທີ່ສໍາລັບໄປກິນເຂົ້າປ່າ ຫຼື ຫຼິ້ນກິດຈະກໍາຕ່າງໆໄດ້ຢ່າງສະດວກສະບາຍອີກດ້ວຍ ບໍ່ນໍ້າແຫ່ງນີ້ເປີດໃຫ້ບໍລິການຕັ້ງແຕ່ 7:00 – 19:00 ໂມງທຸກໆວັນ!!!

*

Cr: ທ່ອງທ່ຽວລາວ Laos Travelling