ສຸກສັນວັນຄົບຮອບແຕ່ງງານ 9 ປີ ສັກ ວົງເຊວ ໂພສຊຶ້ງ ບອກຄວາມໃນໃຈກັບຄູ່ຊີວິດ

ສຸກສັນວັນຄົບຮອບແຕ່ງງານ 9 ປີ ສັກ ວົງເຊວ ໂພສຊຶ້ງ ບອກຄວາມໃນໃຈກັບຄູ່ຊີວິດ

17th December 2019 0 By Admin

ເຫັນແລ້ວ ອິດສາຕາຮ້ອນກັບຄວາມຮັກຂອງໜຸ່ມສັກ ວົງເຊວ ທີ່ດົນໆ ຈະໂພສຊຶ້ງ ທີ່ເປັນທັງຂໍ້ຄິດ ຄວາມຫວານ ຄວາມອົບອຸ່ນໃນຄອບຄົວເພິ່ນ ແລະມື້ນີ້ກໍໂພສວ່າ:

ສຸກສະບາຍດີ ພັນລະຍາສຸດທີ່ຮັກ ໜຶ່ງດຽວບໍ່ເຄີຍມີໃຜມາກ່ຽວ ໃຈອ້າຍຈາກນ້ອງໄດ້ 9 ປີກັບຊີວິດແຕ່ງງານຜ່ານໄປໄວຈົນບໍ່ທັນຮູ້ໂຕວ່າຫົວລ້ານຫຼາຍແລ້ວ👴 ບວກອີກເກືອບ 4 ປີທີ່ເປັນຄົນຮັກກັນ ບໍ່ມີວັນໃດທີ່ ເຮົາບໍ່ຂັດໃຈກັນ🗣🗣 ແຕ່ ກະຢ່າຫົວມັນເຮົາບໍ່ສົນໃຈ 8 ປີກັບການເປັນພໍ່ແມ່ທີ່ ບໍ່ໄດ້ເລື່ອງໄດ້ລາວປານໃດ

ແຕ່ ກັບຜົນງານ ຜະລິດ 3 ຄົນ ໃນການຕັ້ງຄັນ 2 ຮອບ ກະຖືວ່າ ບໍ່ໂຫດຮ້າຍ ຊິຕາຍແຕ່ນຳຍາມຫາເງິນມາລ້ຽງນີ້ແຫຼະເນາະ 😅 ແຕ່ມັນກະເຮັດໃຫ້ເຮົາຮູ້ຄວາມໝາຍຂອງຄຳວ່າ ພໍ່ແມ່ທີ່ແທ້ຈິງຂຶ້ນທຸກມື້ໆ ຜົນງານດີເດັ່ນ ກະຄື ຄອບຄົວໃຫຍ່ຂຶ່ນພາລະໃຫຍ່ຂຶ້ນແຕ່ໃນ 9 ປີເຮົາກະຊື້ລົດໃໝ່ໄດ້ອີກນຶ່ງຄັນ(ລົດນ້ອຍໆ)

ສ່ວນບ້ານນັ້ນຢ່າໄດ້ອ່າວຄະນິງຫານ້ອງເອີ້ຍ ປີໜ້າ ອ້າຍຊິພາສ້າງພາປຸກ(ປຸກແບບມາຣາທອນ) ເພາະນ້ອງກະຂຶ້ນຕຳແໜ່ງແລ້ວ 555…ຂອບໃຈທີ່ຢູ່ກັບຜູ້ຊາຍ ນັກດົນຕຼີ ບໍ່ມືອາຊີບຄົນນີ້ ມາເດີ້

ເຮົາອາດບໍ່ຮັ່ງບໍ່ມີຫຼາຍທີ່ສຸດ ແຕ່ງຍ້ອນມີນ້ອງມີຄອບຄົວເປັນທີ່ຕັ້ງ ເຮົາກະບໍ່ເລີຍຍັງບໍ່ ທຸກທີ່ສຸດຄືກັນ🥰 ລາຍຍາວມາເປັນ1000 ຄຳ ສະລຸບລວມສັ້ນໆ “ຂ້ອຍຮັກເຈົ້າ” ເດີ້
ສຸກສັນວັນຄົບຮອບປະສົມພັນຢ່າງເປັນທາງການ❤ ຂອບໃຈທຸກຄົນອ້ອມຂ້າງທີ່ຊ່ວຍສ້າງຄອບຄົວນ້ອຍໆນີ້ມາເດີ້

ອ່ານມາວັກສຸດທ້າຍອົດຫົວບໍ່ໄດ້ 555 ແນວໃດກໍສຸກສັນວັນຄົບຮອບວັນແຕ່ງງານເດີ້ໜຸ່ມສັກ …. ຂໍໃຫ້ຊີວິດຮັກມີຄວາມສຸກ ຄວາມຈະເລີນ ມີງານ ມີເງິນເຂົ້າມາຫຼາຍໆ ຂໍໃຫ້ລູກທັງສາມ ຄໍາຮູ້ ແລະ ຄູນຮັ່ງຄູນມີເດີ້ ….

ລູກແຝດຊາຍ

ລູກສາວກົກ

.