ອະນຸໂມນຳ!! ເລີ່ມລົງມືສ້າງວິຫານກວມພະເຈົ້າໃຫຍ່ສຸວັນນະໂຄມຄຳ ເມືອງຕົ້ນເຜິ້ງ

ອະນຸໂມນຳ!! ເລີ່ມລົງມືສ້າງວິຫານກວມພະເຈົ້າໃຫຍ່ສຸວັນນະໂຄມຄຳ ເມືອງຕົ້ນເຜິ້ງ

17th December 2019 0 By Admin

ເພື່ອເຮັດໃຫ້ໂຄງການສ້າງວິຫານກວມພະເຈົ້າໃຫຍ່ສຸວັນນະໂຄມຄຳ ເມືອງຕົ້ນເຜິ້ງ ແຂວງບໍ່ແກ້ວ ໄດ້ລິເລີ່ມລົງມືກໍ່ສ້າງ. ວັນທີ່ 17 ທັນວາ 2019 ນີ້ທ່ານ ສີສະອາດ ກຸມພົນ ກຳມະການພັກເມືອງ ຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງ ພ້ອມດ້ວຍ ເລຂາຄະນະພັກຮາກຖານ,ນາຍບ້ານກຸ່ມດອນທາດ ໄດ້ພ້ອມກັນລົງກວດກາຄວາມຄືບໜ້າການກະກຽມກໍ່ສ້າງວິຫານກວມພະເຈົ້າໃຫຍ່ສຸວັນນະໂຄມຄຳ.

*

ພາຍຫຼັງທີໄດ້ມີການທຳພິທີທາງສາສະໜ້າແລ້ວ ການກະກຽມດຳເນີນໂຄງການດັ່ງກ່າວຍັງບໍທັນໄດ້ລິເລີ່ມ ເຊີ່ງພາກສ່ວນກ່ຽວຂ້ອງແລະບໍລິສັດຮັບເໝົາຈື່ງໄດ້ພ້ອມກັນວັດແທກຈຸດຕີຜັງເພື່ອລົງມືການກໍ່ສ້າງໃຫ້ທ່ວງທັນຕາມເວລາທີ່ກຳນົດ. ພະພຸດທະຮູບໃຫຍ່ເມືອງເກົ່າສຸວັນນະໂຄມຄໍາ ເປັນພະພຸດທະຮູບທີ່ມີອາຍຸເກົ່າແກ່ຫຼາຍຮ້ອຍປີ. ເປັນໜຶ່ງໃນພະພຸດທະຮູບທີ່ສ້າງດ້ວຍດິນຈີ່ ແລະ ປະທາຍທີ່ໃຫຍ່ທີ່ສຸດໃນອາຊີອາຄະເນ( ບໍ່ລວມພະພຸດທະຮູບທີ່ສ້າງດ້ວຍໂລຫະ, ຫິນ ) ທີ່ໄດ້ຮັບການຂຶ້ນທະບຽນເປັນມໍລະດົກແຫ່ງຊາດ ປະຈຸບັນອົງພະໄດ້ຊໍາລຸດຊຸດໂຊມຕາມການເວລາ ແລະ ສະພາບແວດລ້ອມ.

**

ສະນັ້ນ, ທາງເມືອງ ແລະ ພາກສ່ວນທີ່ກ່ຽວຂ້ອງຈື່ງສ້າງວິຫານກວມພະພຸດທະຮູບອົງດັ່ງກ່າວ ເພື່ອອະນຸລັກປົກປັກຮັກສາ ແລະ ພັດທະນາ ໃຫ້ປະຊາຊົນຊາວເມືອງຕົ້ນເຜິ້ງ ກໍ່ຄືຊາວແຂວງບໍ່ແກ້ວ ໄດ້ຂາບໄຫວ້ສັກກາລະບູຊາ, ທັງເປັນແຫຼ່ງສຶກສາປະຫວັດສາດ ພ້ອມທັງພັດທະນາເປັນແຫຼ່ງທ່ອງທ່ຽວດ້ານວັດທະນະທໍາ ແລະ ປະຫວັດສາດຂອງເມືອງອີກດ້ວຍ.

*
ພາບ-ຂ່າວ: ສ ປັນຍາທອງ