ເກີດເຫດໄຟໄໝ້ ທີ່ ເມືອງງາ ແຂວງ ຫຼວງພະບາງ ເສຍຊີວິດ 3

ເກີດເຫດໄຟໄໝ້ ທີ່ ເມືອງງາ ແຂວງ ຫຼວງພະບາງ ເສຍຊີວິດ 3

16th December 2019 0 By Admin

ເຫດເຜີງໄໝ້ ນັບວ່າເປັນເຫດການ ອຸບັດຕິເຫດທີ່ບໍ່ມີໃຜຄາດຄິດໄດ້ ບໍ່ວ່າຈະເກີດຈາກສາເຫດໃດກໍຕາມນັບວ່າເປັນການສູນເສຍຊັບສິນບໍ່ຫຼາຍກໍ່ໜ້ອຍ ຍິ່ງໄປກວ່ານັ້ນອາດເຖິງແກ່ການສູນເສຍຄົນທີ່ທ່ານຮັກດັ່ງເຫດການຂອງເຊົ້າມື້ນີ້ທີ່ແຂວງຫຼວງພະບາງ…

ຕາມການລາຍງານຂອງແຫຼ່ງຂ່າວທ້ອງຖິ່ນໃຫ້ຮູ້ວ່າ: ຕອນເຊົ້າຂອງວັນທີ່ 16 ທັນວາ 2019 ເວລາ03:33 ນາທີ ໄດ້ຮັບແຈ້ງຈາກປະຊາຊົນຜ່ານເບີ 071 1625 ວ່າມີໄຟໄຫມ້ເຮືອນປະຊາຊົນ ຢູ່ບ້ານ ເມືອງງາ ນະຄອນຫລວງພະບາງ ແຂວງຫລວງພະບາງ,ເຮືອນເລກທີ່105, ຫນ່ວຍ06 ເມື່ອຫນ່ວຍກູ້ຊີບອົງການກາແດງລາວ ແຂວງຫລວງພະບາງອອກກວດສອບເຫດ ພົບຄົນເສຍຊີວິດ 03 ຄົນ, ເພດຊາຍ02ຄົນ ເພດຍິງ 01 ຄົນ (ສັນຊາດລາວ) ເຊິ່ງມີລາຍຊື່ດັ່ງນີ້:

ທ້າວ ສີໂສພາ ອາຍຸ 37 ປີ (ຜູ້ເປັນນ້າບ່າວ), ນາງ ມິນລະພາ ອາຍຸ 20 ປີ, ທ້າວ ອານຸສອນ ອາຍຸ 17 ປີ

ສ່ວນສາເຫດຂອງຂອງໄຟໄໝ້ຄັ້ງນີ້ແມ່ນຢູ່ໃນການສອບສວນຂອງເຈົ້າຫນ້າທີ່ຕຳຫລວດ.

ດັ່ງນັ້ນຫນ່ວຍກູ້ຊີບອົງການກາແດງລາວ ແຂວງຫລວງພະບາງຈຶ່ງໄດ້ທຳການເກັບມ້ຽນຮ່າງຂອງຜູ້ເສຍຊີວິດທັງ 03 ແລ້ວນຳສົ່ງໄປທີ່ວັດເຕົາໄຫ ບ້ານເມືອງງາ ນະຄອນຫຼວງພະບາງ

ທາງຫນ່ວຍກູ້ຊີບອົງການກາແດງລາວຂໍສະແດງຄວາມເສຍໃຈມາຍັງຍາດຕິພີ່ນ້ອງຂອງຜູ້ເສຍຊີວິດ ແລະ ຂໍໃຫ້ດວງວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍເທີ້ນ..

.

.

.