ວິລະບູລຸດລາວທີ່ຍິ່ງໃຫຍ່! ປະທານໄກສອນ ພົມວິຫານ ຄົບຮອບ 99 ປີ ວັນຄ້າຍວັນເກີດ

ວິລະບູລຸດລາວທີ່ຍິ່ງໃຫຍ່! ປະທານໄກສອນ ພົມວິຫານ ຄົບຮອບ 99 ປີ ວັນຄ້າຍວັນເກີດ

13th December 2019 0 By Admin

ວັນທີ 13 ທັນວາ ໄດ້ໝູນວຽນມາອດອີກວາລະໜຶ່ງ ເຊິ່ງເປັນວັນຄ້າຍວັນເກີດ ປະທານໄກສອນ ພົມວິຫານ ຄົບຮອບ 99 ປີ (ວັນທີ 13 ທັນວາ 1920-13 ທັນວາ 2019) ເພິ່ນເປັນຜູ້ນໍາອັນແສນເຄົາຮັກຂອງປວງຊົນລາວທັງຊາດ. ເປັນໜຶ່ງໃນບັນດາຜູ້ນຳລາວ ທີ່ຍຶດໝັ້ນໃນອຸດົມການ ແລະ ຍຶນຍົງ ໃນພາລະກິດຕໍ່ສູ້ປົດປ່ອຍຊາດ ຈາກພວກລ່າເມືອງຂຶ້ນແບບເກົ່າ ແລະ ແບບໃໝ່ ຍາດເອົາເອະລາດ, ອິດສະຫຼະພາບ ແລະ ຜືນແຜ່ນດິນອັນຄົບຖ້ວນສູ່ປວງຊົນລາວທັງຊາດ. ເພີ່ນເປັນລູກຮັກຫຼານແພງ ຂອງປະຊາຊົນບັນດາເຜົ່າ.


ຕະຫຼອດຊີວິດ ຂອງເພິ່ນແມ່ນໄດ້ອຸທິດໃຫ້ແກ່ປະເທດຊາດ ແລະ ປະຊາຊົນ ເຮັດວຽກຢ່າງບໍ່ຮູ້ອິດເມື່ອຍ ໃນພາລະກິດປົດປ່ອຍຊາດ, ກອບກູ້ເອົາເອກະລາດ ແລະ ຕ້ານການຮຸກຮານຂອງພວກລ່າເມືອງຂຶ້ນທັງແບບເກົ່າ ແລະ ແບບໃໝ່ ທີ່ຍືດເຍື້ອຍາວນານ ຈົນສາມາດປົດປ່ອຍຊາດ. ນໍາເອົາຄວາມເປັນ ເອກະລາດ ອິດສະຫຼະພາບ ແລະ ຜືນແຜ່ນດິນອັນຄົບຖ້ວນ ມາໃຫ້ແກ່ປວງຊົນລາວໄດ້ຢ່າງມີໄຊ ແລະ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ ແລະ ສືບຕໍ່ນຳພາປວງຊົນລາວທັງຊາດ ປະຕິບັດພາລະກິດ ປົກປັກຮັກສາ ແລະ ສ້າງສາພັດທະນາ ປະເທດຊາດ ສູ່ຈຸດໝາຍສັງຄົມນິຍົມ ດ້ວຍທ່າກ້າວທີ່ໜັກແໜ້ນ ແລະ ມີຜົນສຳເລັດຢ່າງຕໍ່ເນື່ອງ.

ປະທານ ໄກສອນ ພົມວິຫານ ເປັນຜູ້ນຳທີ່ມີປະກອບຄຸນສົມບັດສິນທຳປະຕິວັດອັນສູງສົ່ງ, ມີທັດສະນະມະຫາຊົນກວ້າງຂວາງ, ເປັນຜູ້ນຳທີ່ດຸໝັ່ນ, ດຳລົງຊີວິດແບບງ່າຍດາຍ, ປະຢັດ ແລະ ບໍລິສຸດປອດໃສຂາວສະອາດ. ເພິ່ນຍັງແມ່ນນັກເຄື່ອນໄຫວ ສາກົນຜູ້ດີ ເດັ່ນ, ເປັນຜູ້ວາງແຜນແນວທາງ ແລະ ເປັນແບບຢ່າງປະຕິບັດແນວທາງຕ່າງປະເທດ ຢ່າງຖືກຕ້ອງເຮັດໃຫ້ ສປປ ລາວ ມີບົດບາດໃນເວທີ ສາກົນນັບມື້ສູງເດັ່ນ.


ທ່າມກາງສະພາບຄວາມຮຽກຮ້ອງຕ້ອງການໃໝ່, ພວກເຮົາຕ້ອງຕັ້ງໜ້າຮ່ຳຮຽນ ແລະ ສືບທອດມໍລະດົກອັນລ້ຳຄ່າ ຂອງປະທານ ໄກສອນ ພົມວິຫານ ທີ່ໄດ້ສ້າງໄວ້ດ້ວຍການຕັ້ງໜ້າສືບຕໍ່ສ້າງບາດ ກ້າວບຸກທະລຸ ທາງດ້ານຈິນຕະນາ ການຢ່າງແຂງແຮງ ດ້ວຍການສັງລວມເອົາທັດສະນະແນວຄິດ, ຄຸນທາດການເມືອງ ແລະ ຄຸນສົມບັດສິນທຳປະຕິວັດຂອງ ປະທານໄກສອນ ພົມວິຫານ ມາເປັນແບບຢ່າງ ດ້ານການຝຶກຝົນຫຼໍ່ຫຼອມຕົນເອງ ໃຫ້ເປັນສະມາຊິກພັກ, ພະນັກງານທີ່ດີເດັ່ນ ເປັນແບບຢ່າງນຳໜ້າ ໃນການພາລະກິດປະຕິວັດ ໃນໄລຍະໃໝ່ໃຫ້ບັນລຸຜົນຕາມລະດັບຄາດໝາຍທີ່ວາງໄວ້.


ພ້ອມກັນເດັດດ່ຽວ ຍຶດໝັ້ນໃນການກ້າວເດີນສູ່ຈຸດໝາຍສັງຄົມນິຍົມຢ່າງໜັກແໜ້ນ, ປະຕິບັດສອງໜ້າທີ່ ຍຸດທະສາດປົກປັກຮັກສາ ແລະ ສ້າງສາພັດທະນາປະເທດຊາດ. ຍຶດໝັ້ນການສ້າງພັກ- ພະນັກງານ ເພື່ອເພີ່ມທະວີຄວາມສາມາດກຳອຳນາດ, ລັກສະນະເປັນແບບຢ່າງນຳໜ້າ ແລະ ກຳລັງແຮງສູ້ຮົບຂອງພັກ ໃຫ້ສາມາດເຮັດ ສຳເລັດພາລະກິດປະຫວັດສາດ; ເພີ່ມທະວີຄວາມສັກສິດໃນການຄຸ້ມຄອງລັດ-ຄຸ້ມຄອງສັງຄົມຕາມທິດພັກນຳພາ, ລັດຄຸ້ມຄອງດ້ວຍກົດໝາຍ ແລະ ປະຊາຊົນເປັນເຈົ້າເຂົ້າຮ່ວມ ເຮັດໃຫ້ສັງຄົມມີຄວາມສະຫງົບ, ສາມັກຄີເປັນປຶກແຜ່ນ ແລະ ມີການພັດທະນາ ດ້ວຍຄວາມໜັກແໜ້ນຕໍ່ເນື່ອງ.


ຕັ້ງໜ້າປະຕິບັດແນວ ທາງການຕ່າງປະເທດສັນຕິພາບ, ເອກະລາດ ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ ໂດຍສະເພາະກັບປະເທດ ເພື່ອນມິດຍຸດທະສາດ, ບັນດາປະເທດໃກ້ຄຽງ ກໍ່ຄືບັນດາປະເທດອາຊຽນ, ອົງການຈັດຕັ້ງສາກົນ ແລະ ປະເທດເພື່ອນມິດທົ່ວໂລກ ເຊິ່ງແມ່ນຄວາມຈຳເປັນ ພາວະວິໄສ ເພື່ອສ້າງເປັນກຳລັງແຮງສັງລວມເຂົ້າ ໃນພາລະກິດປົກປັກຮັກສາ ແລະ ພັດທະນາປະເທດຊາດຂອງພວກເຮົາ.

ທີ່ມາ: ຂປລ